جە ۱۳/۱۱/۲۰۱۸ی جە شارو کۆبانێ یەکەمین «فێستیڤاڵ-و میاننەتەوەیی فیلم-و کۆبانێ» دەستش بە کار و چالاکییەکانش کەردەبێ. فێستیڤاڵەکە هامکات بێ چەنی ٥۸ مین ساڵیادو مەرگەساتەکەو سینەما عامودێی. جە فێستڤاڵەکەە ٤٠ فیلمێ درێژێ، كوڵە فیلمێ، ئه‌نیمه‌یشنێ، به‌ڵگه‌ فیلمێ و كوڵە به‌ڵگه‌ فیلمێ جە کوردستان و چندین وڵاتێ جیهانی بەشدارێ بیێنێ.

بەرئاۋەرێ و هونەرمەندێ سینەماییێ نامیێ چوون (كاترین ئۆلافسدۆتیر، لیۆناردۆ هایبلووم، بێریڤان خالید، ڕه‌شید بۆكسیم، مالێمه‌ ساولۆی، ژاڤیه‌ر كۆرسویار و چندین به‌رهه‌مئاۋەرێ و موزیكژه‌نێ) دلێ لێژنەی داۋەری و هۆرۋچنایەنە یاگێشان گێرتێ بێ، بەڵام بەهۆو ڕاگیری جە دەربازەی سنوری سێمالکایەنە، فرێۋشان نەتاوانشان بەشدارێ فێستیڤاڵەکەی ببانە. بەڵام دیسان بە پەیوەندی سینەفزیۆنی ئەنتەرنێتێ بەشدارێ  فێستڤاڵی بیێ.

دەرەنجام ئارۆ وێرەگا کارێ و چالاکییەکێ فێستڤاڵەکەی دماییشان ئاما و پی جۆرە خەڵاتەکەێش بەخشیێۋە:

- خاستەرین كوڵه‌، فیلمی كورمانجی: Breathîng جە بەرئاوردەی فه‌رشید ئه‌یووبی نه‌ژاد- وەرهۆرزو کوردستانی -«ئێران».

- خاستەرین كوڵە فیلمی ئه‌نیمه‌یشن: A Gong جە بەرئاۋردەی تێنا گالۆڤیج و مارینه‌ ڤارگوی- «فه‌ڕه‌نسا».

-  خاستەرین كوڵە فیلم-و ژەنێ: Asia جە بەرئاۋردەی یه‌ن-شین لیو، ئێلیس كا-ین شان- «فاس»

- خاستەرین بەرئاۋەرێ ژەنی: ئاگوا مۆله‌ و مالیكه‌ زائیری- «پرتوگال»

- خاستەرین به‌ڵگه‌ فیلم: دوور (Distant)، جە بەرئاۋردەی له‌یلا تۆپراكێ- «توركیا»

خه‌ڵاتی تایبه‌ت-و گه‌لی: فیلم-و «بیر»ی، جە بەرئاۋردەی ڤه‌یسی ئالتای- «باكوورو كوردستان»

- خاستەرین به‌ڵگه‌ فیلمی ماۋه‌درێژ: «بێده‌نگی كه‌سانی تەری»‌، جە بەرئاۋردەی ئالموده‌نا كاراكه‌جۆ و ڕۆبه‌رت باهار -«ئیسپانیا»

- خه‌ڵاتی تایبه‌ت بە لیژنه‌ی: دریا بە كۆمین-و فیلمی جە عه‌فرین.