شاکراننە سزاو زینڎانیی ژووری تاکە کەسی سەرو زینڎانییە ژەنارە مسەپنییۆ
زینڎانییە ژەناو زینڎانو شاکرانی چەمپەنەکەوتەیشا نەکەرد، چون پەی ماوەو ١١ ڕوا سزاو زینڎانو ژووری تاکەکەسیشا ملەرە سەپیان.
سەبارەت پا ژەناو زینڎانو شاکرانی، دژو گۆشەگیریی سەرو ڕابەرو گەلو کوردی عەبدوڵا ئۆجالانی جە چالاکیی بایکۆتکەرڎەی چەمپەنەکەوتەی بنەیانەی و پارێزنەرا و نەکەرڎەی تەلەفوونینە، چەمپەنەکەوتەیشا نەکەرد، پەوکای وەنەپەرسایۆشا سەر کریا، چوارچوەو ئانەیەنە سزاو ١١ ڕوا زینڎانیکەرڎەی ژووری تاکەکەسییشا سەرەرە سەپییا.
چەنی هامسەرۆکو ڕیکوستەی پارتی دیموکراتیکو گەلا (هەدەپە)و ئیزمیری بەرنا چەلیک، حەریۆ جە ئایشە کایرا، ئەسما باشکالە، ڕاشان ئایدن، مەسیح دەمیرالپ، عەزیمە ئیشک، مەهتاب کیار، هەدییە ئۆزتورک، فیگەن شاهین و ئەسمەر ئایاسێ سزاو ١١ڕوا گێرتەیشا ژووری تاکەکەسیینە سەرەرە سەپیێنە.
زینڎانیێ تانەشا وەنەو قەرارەکەی دا.
