لە چوارچێوەی هەنگاوی' کات کاتی ئازادیە' کە ساڵێکە لەو چوارچێوەیەدا لە هەرێمەکانی باکور و رۆژهەڵاتی سوریا ئەنجام دەدرێت لە کۆبانێ ڕێپێوانێک ئەنجامدرا.

چالاکیەکە لە گۆڕەپانی ئازادی بۆ میتینگ گۆڕا. سارا خەلیل ئەندامی کۆردیناسیۆنی کۆنگرەی ستار و ئەندامی بەڕێوەبەری پارتی یەکێتی دیموکراتی هەرێمی فورات قسەی کرد و رایگەیاند، دەوڵەتی تورک گۆشەگیریەکی قورسی لەسەر ڕێبەر ئۆجالان سەپاندووە. ئەوانیش دەستیان بە هەنگاوی ئازادی جەستەیی ڕێبەر ئۆجالان کردووە و تاوەکو کۆتایی بە گۆشەگیری نەیەت و ڕێبەرتی ئازاد نەکرێت، ئەوان لەسەر چالاکیەکانیان بەردەوام دەبن.

سارا خەلیل پیرۆزبایی لە چالاکی 'کەشتی ئازادی' کرد کە بۆ ئازادی عەبدوڵلا ئۆجالان ڕێبەری گەلی کورد ئەنجام دەدرێت و باسی ئەوەی کرد کە عەبدوڵلا ئۆجالان ئازاد نەبێێت، گەلی کورد ئازاد نابێت و گەلانی رۆژهەڵاتی ناوەڕاست ژیانێکی بەشەرەف و وڵاتێکی شەرەفمەندانەیان نابێت.

سارا خەلیل ئەوەی خستەڕوو، دەوڵەتی تورک رێگە نادات گەلانی هەرێمەکە بە ئازادی و شەرەفمەندانە بژین و هێرش دەکاتە سەر خەڵکی مەدەنی.

لە چالاکیەکەدا بڕیاری تێکۆشان و بەرخۆدان لەدژی داگیرکەری دەوڵەتی تورک دووبارە کرایەوە.

ف.ق