بە بەشداری ئەرەنیشتا شار و دەگانشئپیناو عامودای، ئەندام و نوێنەرە ئەرەمەزییە مەدەنیە سەروازییەکا شارەکەی، بە مەراسیمێوە جەماوەری شایستەی تەرمو فەرماندەو هێزەکا سووریای دیموکراتیکی-قەسەدە گەشمەرڏە ڕێزان ئۆرکەشی (محمەد حەسەن) کە جە ١٨و شووباتینە جە شارو دێر حافر ئەنجامو هرووژمی ئاسمانی دۆڵەتو تورکی ئەرەگیری گەشمەرڏە بی، جە قەبرسان و گەشمەرڏە ئیسماعیل هۆگری ئسپەردەو خاکی کریا.

دماو دەقێوە ڕێز ونە نییای جە گەشمەرڏا ڕاو ئازادی، جە فەرماندەکا قەسەدەی کانی ئەحمەد قسێش کەردە و ئاماژەش بە مڏرامانە نەبەردییەکا گەشمەرڏە ڕێزانی کەرد پێسەو فەرماندێوە بەرەو دێر حافری واتش: "گەشمەرڏە ڕێزان بەوپەڕو ئیرادە و بوێرییۆ سەرمەشقایەتیش جە مڏرامانەکا سردەو قەرەقۆزاقی و بەنداو تشرینی کەرد. قەولما واوەی مکەرمێوە حەقەو گەشمەرڏەکاما کەرمێوە و ئامانجەکاشا یاونمێ بە سەرکۆتەی تەمامەتی.

حەر جە مەراسیمەکەنە ڕاوەبەرا ئەنجوومەنو بنەیانەو گەشمەرڏا عامودای محمەد ئەحمەد قسێشکەردێ و ئاماژەش بە مڏرامانو تاریخی گەلی و جەنگاوەرا جە بەنداو تشرینی کەرد و قەولو بەردەوام بییەی سەرو ڕاو گەشمەرڏاش واوەی کەردۆ.

جە دماینە کیوان حەسەنی تاتەو گەشمەرڏە ڕێزانی قسێش کەردێ و ئاماژەش پانەیەدا بە شەهادەتو کوڕەکەیش سەر بەرزا و جەختش کەردۆ گەشمەرڏە ڕێزان گەشمەرڏە کوردەسانیا.

دماینە شناسنامە و گەشمەرڏەی ونریاوە و ڕادەسو بمەیانەکەیش کریا، تەرمو گەشمەرڏە ڕێزانی بە واتەیۆ درووشمو "گەشمەرڏە مەمرۆنە" و هەلهەلەو سەرۆکۆتەو ئەڏا ئسپاردە خاکی کریا.