ڕاپیمای درێژ کە ٢١ و کانوونو دووەمی جە شارو لۆرێنتی فەرەنسای جە چوارچێوەو هەڵمەتۊو "ئازادی پەی ڕابەر ئاپۆی، چارەسەری پەی پرسو کوردی"نە دەسش پنە کەرڎ، جە حۊتەمین ڕۊنە جە شارو مانت لا جۆلینە بەردەواما.

ڕاپیماییکەرا سەرشا ۋنەو کاسبکارا داو وەڵاکراوېشا بەشێکەردۍ و گەل و کاسبکاراشا ئاگاڎارۍ کەردێوە دەربارەو ڕاپیمای و گلېرۊبیەو ١٥ و شوباتی جە ستراسبۆرگەنە.

کاسبکارا کوردی بەگەرمی خېرامایشا جە ڕاپیماییکەرا کەرد و ڕاپیماییکەرا دەربارەو پرۆسەو سیاسی گرڎی و ئازادی ڕابەر ئاپۆی پەیامشا دا.

ڕامېیاریمەدار فەیسەڵ ساری یەڵدز کە یەرۍ ڕوێن جە چالاکییەکەنە بەشدارا، ئەرەیاۋناش کە چالاکییەکۍ دەربارەو گرڎو پێشئامایەکا کوردەسانینۍ. سەرنجش وست سەرو سیاسەتە قیزەونەکا دۊڵەتو تورکی، ئەرەیاۋناش ئەوەکۊشای و ئیرادەو گەلوو کوردی ئی پرۆسەیە دیاری مکەرا.