کانتۆنو فوراتی بە سەختی بۊمبواران مکریۆ
دۊڵەتو ئەرەگیرو تورکی بە فڕۆکەی جەنگی و درۆن و چەکی قورس دەگایەکا عەین عیسای و کۆبانۍ کانتۆنو فوراتی، بەنداوو تشرینی و کۆگێوە گەنماش جە سیرین کەرڎ مەرام.
دۊڵەتو ئەرەگیرو تورکی بە فڕۆکەی جەنگی و درۆن و چەکی قورس چڼین دەگۍ کانتۆنو فوراتی و بەنداوو تشرینیش بە مەرام گێرتۍ.
دۊڵەتو تورکی دەگایەکۍ سەرامیدەی و سوێدا و مشێرفە و حاج حەسەن و تایسی سەر بە عەین عیسایش بۊمبوارانۍ کەرڎۍ. هەرپاسە دەگاو ئوم سەهاریجی وەرنیشتو شارەکەیش بە فڕۆکەی بێ فڕۆکەوان بۊمبواران کەرڎە.
فڕۆکە جەنگییەکۍ دۊڵەتو ئەرەگیرو تورکی دەوروبەرو بەنداوو تشرینیشیشا بۊمبواران کەرد. هەرپاسە دەگاکۍ تینای و بیر حەسۆ و غاسق و سەپەتی پانیشتوو کۆبانێ و کۆگێوە گەنماش جە سیرینەنە بۊمبواران کریۍ.
