بە سەرۆکایەتی هامسەرۆکەکا گرڏی دەم پارتی تولای حاتەم ئۆغللاریە و تونجەر باقڕخان دەسەو ڕاوەبەری مییانگەو (MYK)ی پارتو دیموکراسی و یەکسانی گەلا- دەم پارتی گلێربییۆ. جە گلێرۆبییەکەینە هورسەنگنای مکریۆنە پەی دیدارەکا شاندو دەم پارتی کە چنی ڕابەر ئاپۆی ئەنجامش دێنێ. چنیش قسێ مکەرۆ سەرو نەخشەڕاو ڕابەر ئاپۆی پەی چارەسەری پرسو کوردی.

هەر جە گلێرۆبییەکەینە بە تایبەت هەڵوێسە مکریۆ سەرو گلێرۆبییەی دووەمو شاندەکەی چنی ڕابەر ئاپۆی، وە دیاریکەردەی نەخشەڕێوە پەی ئەنجامدای ئا هەرمانا ئاماڎە مکریۆنە. شاندەکەو ئیمراڵیی دەم پارتی جە دماو یوەم دیدارو ئیمراڵی چڼین چەمپنەکەوتۍ و گلێرۆبییەیێش چنی پارتەکا پەڕلەمانی ئەنجام دێبێنێ، زانیا کە دەسەو ڕاوەبەری نەخشەڕێوە ئاماڎە مکریۆ پەی ئانەی پەیامەکا ڕابەر ئاپۆی جە ڕاو چالاکی و شێوازی جیاوازیۆ  پەی ڕای گرڎی وەڵاکریۆوە.