کۆنفیدراسیۆنو کرێکارا تورکیای جە ئەوروپا (ATÎK) بە ئەرەیاونێوە زینانی کەردە و سیاسەتمەدارو کوردی یوکسەل کۆچی شەرمەزارش کەرد، کە دما و ئانەی لوێ سەر و یانەکەیش جە شارو برێمەنو ئەڵمانیای وزیا زینان.

جە ئەرەیاوناکەینە ئامان: "باڵبەسکەردە و یوکسەل کۆچی بەشێوەن جە هەڵوێسو دوژمنکارانەو دۆڵەتو ئەڵمانیای وەراوەرو ئەوەکۆشای دیموکراتیکو کوردا".

یوکسەل کۆچ گرڏ کاتێ کریان ئامانج

هەرپاسە ئاماژە پانەیە کریان یوکسەل کۆچ پێسەو سیاسەتمەدارێوە کوردی کرڏ کاتێ بییەن ئامانجو دۆڵەتو تورکی و چن ساڵێ وەڵێ ئیسەی تیمێوە میتی پەی تیرۆرکەردەیش گیانریان، بەڵام جە دماین دەقەنە ئی پلانێ ئاشکرا کریێنە.

واوەیش مکەرۆوە، دۆڵەتو ئەڵمانیش پەی ماوێوە فرە دۆسیەش دژو یوکسەل کۆچی کەردەنۆ، ماچۆنە: "یوکسەل کۆچ جە ئەوەکۆشای ڕێکوزتە و کوردانە جە ئەڵمانیا دەورێ گۆرەش گێڵنان. ساڵانێوە جە ڕاوەبەردە و فیدراسیۆنەکا ئەڵمانیای بەشداربییەن و دماتەر جە ڕاوەبەردە و کەجەدەکە_ئە بەشداربییەن، پەی ماوێوە پێسەو هامسەرۆکو کەجەدەکە_ئە هەرمانەش کەردێنە".

جە دما دماینە ماچۆنە: "زینانی کەردە و یوکسەل کۆچی شەرمەزار مکەرمئ، بانگەواز جە گرڏ و هێزە دیموکراتیکەکا خۆجێی و کۆچبەرەکا مکەرمێ، دژو ئی هەرمانێ هەڵوێس هورگێرمێنە و خاوەنداری جە یوکسەل کۆچی  کەردێنە".