ڕاۋەبەرو ۋێڕاۋەبەری شانگال-ی ؛ داواش جە خەڵک و ئێزېدی کەرڎ پەشتگېری جە ئۊپراسېۊن و تۊڵە ئەساېۊنە کەرۊ . کە جە دژو تۊڕەو جاسوسی پارتی (پەدەکە)و مېتی دەسش پنەکەرڎەن .
ڕاۋەبەرو ۋێڕاۋەبەری شانگال-ی ئەرەېاۋنێۋەش سەرو ئۊپەراسېۊن و تۊڵە ئەساېۊ ېەبەشەو ئاساېش و ئێزدخانی جە شەنگال دژو جاسوسەکا مېتی و پەدەکەی ۋەڵاکەرڎۊ .
جە سەرەتاو ېاۋنەرەکەېنە جەژنەو چلۍ زمسانی پېرۊز کرېاو واتش '' ھومێڎەوارێنمۍ ئی جەژنۍ
بۊنە بە مەڵامەت و گێڵاېۊ خەڵک و شەنگالی پۍ سەرو ېانەو حاڵو مەنزڵو ۋێشا .
ڕاۋەبەرو ۋێڕاۋەبەری شانگال-ی واتش ؛ ئۊپەراسېۊنو ېەبەشەی جە دژو ئا کەسا دەسش پنەکەرڎەن ، کە بېێنۍ بە دوژمن و ڕێخەو بنەچەو ۋێشاو ھامکاری دوژمنی مکەرا .
جە ېاۋنەرەکەنە ئامان ؛ ئێمە ئی ئۊپەراسېۊنەېە بە وەرھەنگامۍ گرنگ مزانمۍ و داوا جە تەمامو گلێرگەکەېما کەرمۍ ، کە بە گرڎو ھیزو قوەت و ۋێشاۋە پەشتگېری چی ئۊپەراسېۊنە تاېبەتەنە کەرا .
ڕاۋەبەرەکە واتش گلێرگەو ئێزېدی حەرگېز خېانەتش جە ئاېنەکەیش نەکەرڎەن و ھەزاران ساڵێن پۍ پارێزناو " ئاېن ،کولتور ، زۋان " و ۋێش قوربانېش دان . ئانەېچش وات ؛ ئا کەسۍ دەسشا بە ونەو گلێرگەی سورە بېێنەو بېێنۍ بە مەڵامەت و شەھېڎکەرڎەو ۋەڵێکۊتەکا گلێرگەی جە ئێزېداېەتی بەرشېێنۍ .
ڕاۋەبەرەکە واتش ؛ مەبۊ گلێرگە پارێزنای چا جۊرە کەسا کەرۊ ، بەڵکم پەنەوازەن زانېاری جە بارەشاۋە بە ھێزە ئەمنېەکا بڎا .
جە ېاۋنەرەکەنە دېسان داوا جە جۋانا کرېا کە نەگنانە دلۍ دامگاو فێڵزانېەکا پارتی و دوژمناۋەو ماچۊ ، ئانۍ کە بانە بە ھامکارو دوژمنی جە لاېەن و گلێرگەېۊ ئەرەپەرساېشا چنە کرېۊ .
جە دماېی ېاۋنەرەکەېنە ،ھېواو سەرکۊتەېش پۍ ھێزە سەروازی و ئەمنېەکا واست و واتش ؛ شەنگال جەساېەو شمەنە ئاراما ، جە ساېەو ھێزە سەروازېەکامانە متاومۍ سەرو خاکەکەېماۋە مەنمێۋەو جەژنەکاما پیرۊز کەرمۍ .
ھ.ئ
