کانتۆنو فراتینە بۆنەو ٢ـەمین ساڵوەگەڕو گەشمەرڎەبیەو سیمبولەو سەرهۆردای 'ژەنی، ژیۋای، ئازاڎیی' ژینا ئەمینیۍ چالاکیێوە ڕێکوزیا و ئاماژە پانەی کریا کە بە ڕۆحو 'ژەنی، ژیۋای، ئازاڎیی' وە دمایی بە دەسەڵاتداری مارمێنە.
ماوەو دووۍ ساڵا سەرو گەشمەرڎەکەرڎەو ژینا ئەمینیێرە موییەرۆ کە جە لایەنو پۆلیسی ئەخلاقی ڕژێمو ئێرانیوە گەشمەرڎۍ کریا، ئارۆیچ کانتۆنو فراتینە بە سەرمەشقی کۆنگرە ستاری پەی بەڕزڕاگێرتەو ئا شۆڕشەیە چالاکیێوە ئەنجامدریا. چالاکیەکە بە دەیەقێوە مردای پەی گەشمەرڎا ڕاو ئازاڎیی کورڎەسانی دەسشپنەکەرڎ. دماتەر بەنامۍ کۆنگرە ستارو کانتۆنو فراتی، خوناڤ خەلیلە قسێش کەرڎۍ و جە قسەکاشەنە ئاماژەش پانەیە کەرڎ کە دژو سیستەمو دەسەڵاتداری تەنیا درێژە بە ڕاو ئازاڎیی مڎا و بە دروشمەو 'ژەنی، ژیۋای، ئازاڎیی' وە دمایی بە سیستەمو دەسەڵاتداری مارانە.
جە درێژەو قسەکاشەنە خوناڤ خەلیلە ئاماژەش پانەی دا شۆڕشەکە گرڎو جەهانیش شڵەقنا و واتش: "جە ۋەرکۊتوو کورڎەسانینە بە مەڵامەتوو گةسمەرڎەبیەو ژینا ئەمینیێوە گرڎو جوانا ئەرەپڕۍ و مجیێرە مېڎانەکا و دژو زهنیەتو دەسەڵاتداری مردێوە، کە هەزاران کەسێش گێرتێنۍ. بە شۆڕشو 'ژەنی، ژیۋای، ئازاڎیی'وە تەمامو ژەنا جەهانی ئازاڎۍ مکەرمۍ."
جە دمادماینە جە لایەنو تەڤگەرو چاندی و هونەری باقی خدۆیۆ شانۆگەری 'کەزێی ژەنۍ' نمایشکریا و چالاکیەکە دمایش پنەئاما.
