خەڵکوو پانیشتوو کورڎسانی ٣٢ ساڵۍ چێوەڵتەر، جە ٥وو ئازاروو ١٩٩١ینە، کە مەنتێقەو ڕانیەو پارێزگاو سلێمانی دژوو ڕژێموو بەعسی  و "سەدام حسێن"ی دیکتاتۊری ئەرەپڕۍ.

 ساڵیاڎوو ئەرەپڕاکەینە، "بافڵ تاڵەبانی" سەرۊکوو یەکێتیی نیشتیمانی کورڎسان (یەنەکە)ی، لە ڕاوڕسمێوەنە ڕانیەنە قسێش کەرڎۍ.

"بافڵ تاڵەبانی"ئەرەیاوناش، ٣٢ ساڵ چێوەڵتەر خەڵکوو کورڎسانی ڕژێموو بەعسیشا وڕنا و ئینەیچ بی بە ئەوەڵوو ئازادیی گەلوو کورڎی و کورڎسانی.

بەشۍ تەروو قسەکاشنە تاڵەبانی واتش، " بەداخۊ پێسە پێویسی ڕێز جە ونەو شمە نەگیریان، کە متێنەتا. دووۍ ساڵێن "یەنەکە" هەوڵۍ مدۊ ئا هاڵیگایە پەڕ کەرۊوە کە حوکمەتی وەش کەرڎەن."

تاڵەبانی ئاماژەش بە گرنگیی یۊبییەی نەتەوەیی کەرد و واتش، " گرد هەوڵێوەما پەی پارێزنای یۊبییەی ریزەکاو کورڎسانین. تا کورڎسانی یۊ نەوزمۍ، تا چوار پارچەو کورڎسانی مافوو وێشا ور نەگێرا، مەتاومۍ ئاوات و خەیاڵوو گەشمەردا بارمۍ یاگۍ وڕێزشا چەنە گێرمۍ."

تاڵەبانی چڕیش وەنەو لایەنە سیاسییە کورڎییەکا و واتش، " بەیدۍ هەلۍ ڕەخسنمۍ و دەسوو ئاشتی پەی حیزبەکا درێژ کەرمۍ. گەرەکما نییا هەرێموو کورڎسانۍ بەش بۊ. گەل پەی ئی خاکییە ونیش متە و ئێمەیچ ئاوەدانما کەردۊ، ئێمە دادپەروەریما گەرەکا. ئێمە دەستما پەی گردوو لایەنەکا درێژ کەرمۍ، کە بتاومۍ خزمەتوو گەلەکەیما جە چوارپارچەو کورڎسانینە کەرمۍ."

جە ئاخیرۊ "بافڵ تاڵەبانی" بە  "پەدەکە"یش وات، " هەگەرەکوم ئینەتا گەرەکا، دڵما پاکا و ئاماڎێنمۍ، هەگەرەکوم گەرەکتا نییا، زەرەر کەرمۍ."

س.ز