کەجەدەکە_ئە: خاوەنداری جە ئەرەمەرزیایەکاما جە لەندەنەنە مکەرمۍ
کەجەدەکە_ئە ناڕەزایش بەربڕی ۋەرا ۋەر بە هۆرکوای سەرو لەندەنی و واتش: "داوا جە گەلەکەیما مکەرمۍ خاوەنداری جە ئەرەمەرزیاکاشا و وڵاتپارێزنە باڵبەسکریایەکا بکەرا".
کەجەدەکە_ئە دەربارەو هۊرکوای سەرەکەو لەندەنو پایتەختو بەریتانیای ئەرەیاۋنێوە نوویسیاش وەڵا کەرڎۆ.
کەجەدەکە_ئە ماچۆ: "سەرسەعبو ئارۆی پۆلیسو بەریتانیای هۆرشا کوا سەرو ناوەندو گلێرگەو کوردی جە لەندەن، هەرپاسە هۆرشا کوا سەرو یانەو چن وڵاتپارێزۍ و سیاسەتمەدارێوە و باڵبەسێشا کەردێنۍ. جاڎەکۍ بەرەو ناوەندو گلېرگەو کوردی گیریێنۍ و ناوەندەکە تەوقە دریان. یانەو وڵاتپارێزن و سیاسەتمەدارەکا شێویان".
کەجەدەکە_ئە ئاماژە پانەی مکەرۆ وڵاتپارێزن و سیاسەتمەدارەکۍ بە کەلەپچەکریای و تنوتیژی باڵبەسۍ کریێنۍ، ئی هەڵوێسەو پۆلیسو بەریتانیای شەرمەزار مکەرۆ و ماچۆ: "ئەنجامدای هەرمانەی پی جۆرە ۋەرا ۋەر بە ناوەندەکا گلێرگەو دیموکراتیکی بەبێ مەڵامەت، مایۍ قبووڵکەردەی نییا.هەرپاسە پەنەوازا هامسەرۆکو مەجلیسو گەلوو کوردی بەریتانیانە و گرڎو وڵاتپارێزن و سیاسەتمەدارە باڵبەس کریایەکا، ئازاڎۍ بکریا".
کەجەدەکە_ئە ئەرەیاۋنۆش ئینە هرووژمێوەن پەی سەرو مافە دیموکراتیکەکا و ئازادی و ڕێکوزیابیەی، ماچۆ: "داوا جە گەلەکەیما جە بەریتانیانە مکەرمۍ خاوەنداری جە ئەرەمەرزیاکاشا و وڵاتپارێزنە باڵبەسکریایەکا بکەرا".
