بە پاو سەرچەمە هەواڵیەکا ۋەرکەوتوو کوردسانی، هېزی یەرەشەممە، جە مەنتیقەو سنووری "کيل"ۍ بانەی، کۆڵبەرېوە بە نامۍ "موحسین عەبدوڵاھی" جە وەختوو لوایشەنە پۍ کۆڵبەری جە نزیکۊ و بە بێ ئاگاڎارکەردەیۊ جە لایەن و ھێزەکا سەر بە دەوڵەتوو ئێرانیۊ تەقەش ۋنەکریان و دەموودەس گیانش جە دەسدان.

موحسین عەبدوڵاھی، عمرش نزیک بە ٣٥ ساڵان و خێزاندارا و تاتەو چوار زارۊڵان. بە پاو زانیارییەکایچ ئا کۆڵبەرە جە وەختېنە تەقەش ۋنەکریان، کە حیچ کۆڵێش پنە نبیەن.

یاگۍ باسیا بە پاو ئامارێوە تۆڕەو مافوو مرۆڤوو کوردسانی، جە ماوەو مانگەو رەزبەری (٢١و ئەیلولی تا ٢١و تشرینی یوۋەمی) جە ۋەرکەوتوو کوردسانی، ٢ کۆڵبەرۍ جە بانە و مەریوان و پارێزگاو سنەی، بە تەقەی راسەوخۆ و هێزەکا دەوڵەتوو ئێرانی کوشیېنۍ و لاوکەمیۊ ١٤ کۆڵبەرېچ بەتەقەو ئا هێزا زامڎارۍ بیېنۍ.