هامسەرۆکایەتی دەسەو ڕاوەبەری کەجەکەی بە مەڵامەتو ساڵڕۆو ٤٦ەمینو ئەرەمەرزیارەو پەکەکەی ئەرەیاونێوەش وەڵاکەردۆ.

ئەرەیاوناکەو کەجەکەی پی جۆرەنە:

"جە ٤٦ەمین ساڵڕۆو ئەرەمەرزیارەو پارتەکەیما پەکەکەینە کە جە سەرەتاوە تائیسە وەڵێکۆتەیۍ گەورەش خوڵقنان. دماو ئانەی پەکەکە بەرکەوت جە کوردەسانەنە سەردەمو قڕکەردەی، کۆلۆنیالیزمی و کۆیلایەتی دمایش پنە ئاما، سەرو بنەماو ئازادی سەردەمێوە تازەی تاریخی دەسشپنەکەرد. وەرو ئانەی، ئێمە ئا هەنگامە ماناڎارێ بە هەستی شۆڕشگێڵیۆ سڵامش ئاراستە مکەرمێ و جە ڕابەر ئاپۆ، جە گەشمەرڏا، گەلی وڵاتپارێزو کوردەسانی، گەریلاکا ئازادیی کوردەسانی، جەنگاوەرا پەکەکەی و پاژکی، ئا هەمڕەیا کە جە زینانەکانە وێڕاگری مکەرا، جەژەناو، جوانا، گەلا وەرکەوتو مېیامینی و جەهانی، چا شۆڕشگێڵنا پەی  یەکسانی ، ئازادی و دیموکراسی ئەرەکۆشا، جە جەهانی دیموکراتیکی، سۆسیالیسی و جە مرۆڤایەتی وەڵێکۆتە وازی موبارەک مکەرمی.

جە ڕاو موبارەک کەردەی ئا هەنگامە تاریخیێوە ئێمە گەشمەرڏا دیموکراسی و شۆڕشی کە خوڵقنێنەرۍ گرڎو وەڵێکۆتەیەکامانۍ، جارێوە تەر بە پنەزانایۆ یاڏشاامکەرمێ، رێزو وەشەویسی و تامەزرۆیی وێماشا پێشکەش مکەرمێ و بە ڕێزۆ سەرە وێما وەردەمو یاڎو ئاڎیشانە منامنمێرە. قەولو وەفاڎاری و سەرکەوتەی کە بە گەشمەرڏاما دان واوەیش مکەرمێوە و ماچمی، ئێمە بە دڵنیاییۆ یاڎشا بە زینەیی ڕاگێرمێ.

گەل چێرو فشاری و ستەمو قڕکەردەی و جینۆسایدینە بێ

ئا ئەرەکۆشایەی چنەشەنە پەکەکە سەرمەشقیش کەرد، نەک هەر گەلو کوردیش ژیوناوە، جە هەمان کاتەنە کۆڵەکەکۍ سیستەمی هەنوکەییش جە وەرکەوتو مېیامینینە شڵەقنا. قوەتو مۆدێرنیتەو سەرمایەداری جەسەرەتاو سەدەو ٢٠ینە سەرو بنەماو بەرژەوەندییەکاشا دیزاینێ تازەشا ئەنجامدا کە جە وەرکەوتو مېیامینینە پەشتی بە نەتەوە دۆڵەتەکا بەسێ. جە ڕاو نەتەوە دۆڵەتە سەپیاکارە، سەرچەمە و سامانو وەرکەوتو مېیامینی دزییا و ئەرەگیر کریێ، گەلا هەرێمەکەی سەرو دەسو هەمان ئا دۆڵەتا تاڵان و قڕکریێ، فشاری نەژادپەرسی و فاشیستیشا کریا سەر و لێوەیچۆ جە ئازادی بێبەشۍ کریێ و جە لێوەتەرۆ کریێ بە دژمنۍ یۆیی.

نامەردانەتەرین مامەڵە و رەفتارو تاریخی مرۆڤایەتیا

گەلو کوردی چا گەلانە کە بە تەمامەتی جە ئازادی بێبەشکرییان، بەشکریا، نکۆڵیش ۋنەکریا و بە نەبییەی نریارە. قوەتو مۆدێرنەتەو سەرمایەداری و هێزەکاو نەتەوە دۆڵەتو فاشیستی کۆلۆنیالیست و قڕکەری ئانەشا پەی گەلو کوردی بە رەوا وینا مامەڵێوە فرە نادادپەروەرانە، بێ بەزەیی و نامەردی تاریخی بێ. گەلو کوردی نەک هەر بە وڵاتەکەو وێش گەمارۆ دریا، جە هەمان کاتەنە نکۆڵی جە بییەیش کریا، جە ئاستو نەبیەینە نریارە. مردایۆو رەوا وەردەمو ئانەینە گرد جارێ بە هجومی هامبەشو ئا هێزا سەرکوت کریۍ. بەڵام ئا سیستمەی جەلایەن وسیستمو جەهانی سەرمایەدارییۆ ئەرەمەرزیا و پارێزگاریش چنەکریا، بە ئەرەکۆشای و بە سەرمەشقایەتی پەکەکەی جارێوە تەر کەوت دلێ قەیرانۍ، گېجاوێ و چەقێ. بەرکەوتەی قەیرانە و ئیسەو وەرکەوتو مېیامینی کە پەشتی بە مەژگوو نەتەوە دەوڵەتی بەسۆ، جە بنەڕەتەنە ئەنجامێوە ئەرەکۆشاین بە سەرمەشقایەتی پەکەکەی.

پەی چارەسەرکەردەی کێشەکاو سەردەمی، جددیتەرین چارەسەرییا

بێگومان کاتێ مانا و میراتو پەکەکەی بۆنە بە بابەتو باسی، گەورەتەرین دەورو کاریگەری سەرو مرۆڤایەتی منیۆرە، سیستمو ژیوای ئازادی یاگەگیر بی کە ڕابەر ئاپۆ خوڵقناش. ڕابەر ئاپۆ  دژو ژیوای مۆدێرنیتەیو سەرمایەدارین کە کەسایەتی، گلیرگەی و ژیۋگەی وزۆ چێرو سەروەری وێش و تاڵانش مکەرۆ، پاڕادایمو گلێرگەو ئازادیپارێزنەرو ژەنا، دیموکراتیک و ئیکۆلۆژیش خوڵقنا، پەی چارەسەرو کێشەکا وەرکەوتو مېیامینی کە پێسەو لکەکۆرێش پنەئامان، پرۆژەو نەتەوەی دیموکراتیکیش دەسنیشان کەرد و پەی ئانەی ئەرەکۆشای سۆسیالیسیت دیموکراتیکی جە دۆخو چەقای و بە بنبەسەی یاوای قوتار بکەرۆ، سیستمو کۆنفیدڕاڵیزمو دیموکراتیکیش خوڵقنا، پا جۆرە نیشانەشدا کە پەی چارەسەرو کێشەکا ئی سەردەمەی خاوەنو جددیتەرین چارەسەرییا. وەرو ئانەی جە جەهانەنە گرد روێ زیاتەر خاوەنداری جە ئەندێشەکا ڕابەر ئاپۆی مکەرا و جە هەمان کاتەنە جە چوار لاو جەهانینە پەشتیوانی پەی گەلو کوردی گەورەتەر بۆنە. هەڵمەتەو ئازادیی میاننەتەوەییچ نیشانێ بەیاگێ یاونای ڕێکوزتەی ئا پێشوازینە. هەر پۆکەی مرۆڤ متاوۆنە بە ئاسانی واچۆ کە پەکەکە سیاسەت و مەژگوو باڵادەسی پیای، کۆلۆنیالیزمی و قڕکەری و مۆدێرنیتەی سەرمایەداریش وست دلۍ قەیرانۍ و بیی بە جمیەرێ پا جۆرە کە کەسایەتی، گلێرگەی، ژیۋگە و ژەنۍ ئازاد بکەرۆ، پی جۆرە مۆدێلو چارەسەریش خوڵقنا.وەرو ئانەی بەرکەوتەی پەکەکەی تاریخیا، ستراتیژیکا، ئایدۆلۆژین و سیاسین.

سەرمەشقایەتی بە دروشمۊو ژەنی، ژیوای، ئازادی

یۆ جە هەڵمەتە بنچینەییەکا جەوهەرو پەکەکەی بێگومان قیمەت و گرنگیداین بە ژەنێ و ئازادی ژەنێ. ڕابەر ئاپۆ تا دماین بەرە و پەکەکەیش پەی ژەنێ کەردەنۆ و چێگەنە وەڵېوستەی بنچینەی تاریخیش بە ئەنجام یاونان. ئانە پێودانگی بنچینەیی پەکەکەین چی سەردەمەنە، کە بە دروشمۊو 'ژەنێ، ژیوای، ئازادی' جە کوردەسان، وەرکەوتو مېیامینی و جەهانینە ڕابەرایەتی پەی ژەنا مکەرۆ.

جە دماینە یۆ جە بابەتە سەرەکییەکا هۆرسەنگنایش ئانەن یاومێنە کە پەکەکە سەرو چ بناغێوە بەرکەوت سەرو شانۆو تاریخی، پەشتیش بە چ داینەمیکێوە ئەرەکۆشای بەس، ئا گرد وەڵوستەیش بە چ شێوێ بەدەسئاردێ، سەربارو هجومی دژوارو هەرێمایەتی و میانەتەوەیی چنین سەرو پەیا وێش گێرت و گەشەکەردەیش خوڵقنا. هەرپۆکەی پەکەکە یۆن چا بابەتا کە زیاتەر مشۆم جە رووی زانستییۆ ئەوەکۆڵیایش سەر بکریۆنە.

جە چوارچێوەو هەڵمەتەی میاننەتەوەینە مشۆم ئەرەکۆشای زیاتەر پەرەش پنەبڎریۆ

ئێمە جارێوە تەر ساڵڕۆو ئەرەمەرزیارەو پارتەکەیما پەکەکە سەرەتا جە گەلو کوردی و هەرپاسە گردو گەلا، جە ژەنا، دۆسا و چەوەسیایا موبارەک مکەرمێ. جە ٤٧ەمین ساڵەو ئەرەکۆشای پەکەکەینە سڵام و وەسەویسیما ئاراسەو گردو ئانیشا مکەرمێ کە پەی جەهانی یەکسانی و ئازادی ئەرەکۆشا و سەرکەوتەیشا پەی موازمێ و جە چوارچێوەو هەڵمەتەو ئازادیی میاننەتەوەیینە داوا جە گرڎ لێوە مکەرو کە پەی بنیاڎنیای ژیوایێ دیموکراتیکو کۆمۆنی و کەسایەتیە ئازادەکا زیاتەر کۆشش بکەرا و ئەرەکۆشا".