جە ئەرەیاوناکەو هێزەکاو رزگاریی عەفرینینە ئامان، جە ٢٢ۍ نۆوەمبەری سەرو هێڵۊو عەزازینە هێزەکێما چالاکیێوە نیشانەماڕێشا جە دژو چەتەکا سەر بە دۆڵەتو تورکی ئەنجامدان و پا مەڵامەتۆ ئەرەگیرێوە کوشیا، دماو ئانەی کە ئەرەگیرەکۍ گەرەکشا بێ تەرمو کوشیاکەیشا هۆرگێراوە هێزەکێما چەتێوە تەریچشا کوشت.

ئاماژەیچش پانەیەدان، کە جە ٢٣ـی نۆوەمبەری، جە هێڵۊو شەڕای بە چالاکیێ نیشانەماڕای ئەرەگیرێ تەر کوشیان.

هەر جە ئەرەیاوناکەینە باس چانەیەکریا، جە ٢٣ـی نۆوەمبەری، جە هێڵۊو عەزازینە هێزەکێما چالاکیێوە سەرگێرتەیرەیشا چڼین قۆڵێوە ئەنجامدا، پا مەڵامەتۆ حۆت ئەرەگیرێ کوشیێ و هەشت ئەرەگیرێ تەرێ زامڎارێ بیێ، کاتێ ئەرەگیرەکۍ گەرەکشا بێ کوشیا و زامڎارەکاشا هۆرگێراوە، هێزەکێما چالاکیێشا جە دژو ئا ترۆمبێلەیە کە دۆشکێوەش سەرۆ بێ ئەنجامدا و پا مەڵامەتۆ ترۆمبێلەکە دلێنەبریاو بەڵام ئامارو کوشیای و زامڎارەکا کەردەی ئامانجو ئا ترۆمبێلەیە نەزانیان.