بایک: دۊسەکېما پەی ئازاڎیی جەسەیی ڕابەر ئاپۆی و قەوارېوە پۍ گەلوو کورڎی دەسشا بە هەڵمەتێوە کەرڎەن. ئیسەیچ مشۊم ئێمە ئەرکوو ۋېما بە یاگۍ بیاونمۍ، بەشڎاری هەڵمەتەکۍ کەرمۍ و بیاۋنمېش بە ئەنجام. ئینە هەرمانە و ئەرکی ئەساسیمانە.
هامسەرۆکوو دەسەی ڕاوەبەری کەجەکەی جەمیل بایک بەشڎاریش جە بەرنامەو تایبەتی ستێرک تی ڤینە کەرڎ.
جەمیل بایک داواش جە گەلوو کورڎی، دۊساشا و هێزە دیموکراتیکەکا کەرڎ کە بەشڎاری جە هەڵمەتەکېنە کەرا و پەی سەرکەوتەیش کۊشیا و پی جۆرە دووا:
گۆشەگیری سەروو ڕابەر ئاپۊی بەردەواما، نزیکەو یەرۍ ساڵان حیچ زانیاریېوە جە بارەشۊ ۋەردەس نییا. شمە ئی کەمپینەی پەیوەس بە عەبدوڵا ئۆجالانی چنی هۊرسەنگندۍ؟
جە تاریخەنە پیلانگێڵیی فرۍ کریېنۍ، بەڵام بڕوامەکەروو کە نمونەو پیلانگێڵیی دژوو ڕابەر ئاپۆی جە جەهانەنە بۊ. ئا پیلانگێڵییە گەورەن. ۋەروو ئانەیچ پەنەوازەن جە ۋەران ۋەروو پیلانگێڵیینە هەڵوێسېوە بەقوەت نیشانە بڎریۊ. ڕابەر ئاپۆ پیلانگێڵییەکەش شرۆڤە کەرڎ. چ هێزێوە پیلانگێڵیۍ چینەش ئەنجامدان و پۍ چی. جە ۋەران ۋەروو پیلانگێڵینە مشۊم ئێمە چ هەڵوێسېوە نیشانە بڎەیمۍ، چنی متاومۍ پیلانگێڵیی پوچ کەرمېوە، پا جۆرە جماوە. ۋەروو ئانەی جە کەسایەتی ۋېشەنە پیلانگێڵنییش پوچ کەرڎۊ. جە ۋەران ۋەروو ئا سیستمەینە کە پیلانگێڵنییش بەردەن وەڵېوە ئەڵترناتیڤ و یاگەگیرۍ گەورەش خوڵقنا. هەم پۍ جمیەرەکەیما، هەم پۍ گەلوو کورڎی و هەمیچ پۍ مرۆڤایەتی ئا ئەڵترناتیفەشە پێشکەش کەرڎ. ئا پاڕادایمە هێزش بە مرۆڤایەتی بەخشا. ڕابەرایەتی پی جۆرە ۋەرپەرچوو پیلانگێڵنیش داوە. گەلەکەما، جمیەرەکەما حەجگیز نەلا چېروو باروو ئا پیلانگێڵییە و قبوڵش نەکەرڎ. دژ بە پیلانگێڵنیی مرڎاوە. هامڕېکېما جە زینڎانەنە کە عال جە پیلانگێڵنیی یاوېنە و هامڕا خالید ئۆرال بە دروشمەو 'شمە مەتاودۍ ڕۊو ئێمە تاریک کەرڎۍ' چالاکیشا کەرڎ. چا چالاکیەنە داواش ئاڕاسەو گەلووکوردسانی کەرڎ. واتە جە کەسایەتی ڕابەر ئاپۆینە گەلوو کورڎی ۋاتش، کە جمیەر ئینا چېروو مەترسیېوە گەورەینە. درک پانەی کریا. ۋەروو ئی مەڵامەتیە هەم جە زینڎان و هەمیچ جە بەرۊ دژوو پیلانگێڵیی هەڵوێسېوە تن گیریانە ۋەر. گەریلا بە تنی دژوو پیلانگێڵی مرداوە.
ئەگەر رابەر ئاپۆ ئا پیلانگێڵییەشە پوچ کەرڎۊ، ئانە بە پەشتیوانی گەلی و گەریلای بۍ. رابەر ئاپۆیچ دماتەر ئانەش وست ڕووە. رابەرایەتی ۋاتش، 'ئەگەر بە مەڵامەتوو گەلی و گەریلایۊ نەبیۍ، مردایۊ ۋەران ۋەر بە پیلانگێڵیی پۍ من دژوار بۍ. من هەم سپاسوو گەریلای و هەمیچ سپاسوو گەلی کەروو". پیلانگێڵی دژوو رابەر ئاپۆی پۍ چی لۋاڕاوە؟ ۋەروو ئانەی رابەر ئاپۆ کورڎی ئازڎیی خوڵقنۍ و کۊشیای دیموکراسی و ئازاڎییش جە کوردسانەنە گوڕپنەدا. ئا کۊشیایە ڕۊ دماو رۆێ گەورەتەر بۍ. ئی کۊشیایە تەنیا کاریگەریش نەکەرڎ سەروو گەلوو کورڎی، بەڵکم کاریگەریش سەروو گەلا ۋەرکەوتوو میامینیچ نیارە. هێزەکۍ مۆدێرنیتەی سەرمایەداری ئانەشا بە مەترسیېوە گۊرە نیارە. ۋەروو ئانەی گەرەکشابۍ کە دەسوەردای جە ۋەرکەوتوو میامینینە کەرا. وەختېچ گەرەکشابۍ دەسوەردای کەرا، کۊشیای رابەر ئاپۆیشا ۋەردەموو ۋېشانە بە لەمپەر نیارە. پۍ ئانەی دەسوەردای جە ۋەرکەوتوو میامینینە کەرا و بە پاو مەسڵەحەتوو ۋېشا نەخشش کېشا، گەرەکشابۍ ئا مەترسییەیە نازا کە رابەر ئاپۆ سەروو ئاڎیشا وەشش کەرڎەبۍ. یاۋېنە بە بێ لابەردەی ئا مەترسییەیە مەتاۋا ئا دەسوەردایەی، کە گەرەکشانە بیاوناش بە ئاکام و رەنگە ئەنجامی پێچەوانەیچ بەدەسبارا. حەرپۊکەی پۍ بێکاریگەرکەرڎەی جمیەری و گەلوو کورڎی پیلانگێڵیی میان نەتەوەییشا ئارڎ ئاراوە.
ئامانجوو پیلانگێڵییەکەی بە تەمامەتی دلېنەبەرڎەی رابەر ئاپۆی، پەکەکەی و کورڎی ئازاڎیی بۍ. پېسە چنی رابەر ئاپۆ دژوو پیلانگێڵی مرداوە، گەلەکەیچما بە شێۋېوە بەقوەت دژوو پیلانگێڵیی مرداوە. تەنانەت قوربانی فرەیچش دا. بەتایبەتی ژەنا کورڎی دژوو پیلانگێڵیی فرە بە بەقوەتی مردېوە. بە بەقوەتی ۋەرەنگارۍ پیلانگێڵی بیېوە، ئارۊ جە جەهانەنە بیۍ بە نمونە، هەم جمیەر و هەمیچ گەلوو کورڎی پېسە نمونەی نیشانە مڎریۊ. ۋەروو ئانەی دژوو پیلانگێڵنی هەڵوێسی تن نیشانەدریا، ئارۊ پەرسوو کورڎی یاۋان بە گرڎوو دنیۍ. پېسە مزانیۊ دەوڵەتوو تورکی ئەرەگیری تا ئیسە ناستەبېش گرڎوو سەرهۊرداکا جە کوردسانەنە بیاوا بە جەهانی. ۋەروو ئانەی دەوڵەتوو تورکی گەرەکش نەبۍ جەهان پا قۊرتۍ بزانۊ. بەڵام رابەر ئاپۆ، پەکەکە و گەلوو کورڎی و ژەنا کورڎی ۋەران ۋەروو ئانەینە مردېوە، قوربانیۍ گۊرېشا بەخشۍ، ئېشی گۊرەشا چەشت، بەڵام کۊشیای سنوورەکۍ تورکیای و کوردسانیش ۋیەرنۍ و پاسەش کەرڎ بیاۋۊ جەهانی. جەهان ئاگاڎاروو قۊرتەو کورڎی بی. کۊشیای رابەر ئاپۆی، پەکەکە و گەلوو کورڎیش ۋینا. بە کۊشیای ئێمە جە جەهانەنە دۆسېما پەیڎا کەرڎۍ.
دۆسەکېچما پۍ کۊشیای گەلوو کوردی دەسشا بە خەباتی کەرڎەن. پۍ نمونەی سەندیکاکۍ بەریتانیای کۊشیای گەورەشا کەرڎ. جە ئیتالیا، فەرەنسا و فرەو شۊنمایا تەروو ئەوروپایچەنە کۆنسێرتۍ سازۍکریۍ. جە دما کۆنگرەو سەندیکاکا جەهانیچەنە خۊتانکەرڎەی جە رابەر ئاپۆی کریا. جمیەروو ئێمە و گەلوو کورڎی ڕۊ دماو ڕۊی زیاتەر بی. سەروو ئا ئەساسیە دۆسا کورڎی هەڵمەتێوەشا دەسپنەکەرد. بە هەڵمەتەو "ئازاڎیی پۍ ئۆجالانی، چارەسەری سیاسی پۍ پەرسوو کورڎی" دەسشا بە کۊشیای کەرڎ. ئینەیچ بە تەمامەتی جەلایەنوو دۆساماوە، بە بێ جمیەرەکەیما و گەلەکەیما وەڵۍ وزیا. ئینە فرە ماناڎاروو گرنگا. ئینەیچ بەرش وزۊ کە پەرسوو کورڎی ئیتر بە جەهانەرە ۋەڵابیەنۊ. فرەو مەنتیقەو جەهانینە گەلا، سۆسیالیستەکا، ژەنا، گەنجا، ژیۋگەدۆسا، هونەرمەنڎا، رۆشنۋیرا، نۋیسەرا و ئەکادیمیسیەکا بەشڎارۍ ئی هەڵمەتەیە بېنۍ، بانگەوازیشا ئەرەیاۋنا و ئاگاڎیشا بە جەهانی دا. ئینەیچ بەرش وزۊ کە پیلانگێڵیی میان نەتەوەیی ئیتر مەتاوۊ رابەر ئاپۆی جە زینڎانەنە بازۊوە.
پەنەوازەن گەلەکەما هەڵوێسېوە یەکلایی کەرەوە نیشانە بڎۊ ۋەران ۋەر پانیشا کە گەرەکشانە ڕا جە هەنگامەکا گېرا
هێزە پیلانگێڵەکۍ و دەوڵەتوو تورکی فاشیستی و بەشێوە جە کوردە خائینەکا بە مەبەسوو دلېنەبەرڎەی ڕابەر ئاپۆی گۆشەگیریېوە ڕەها ئەنجام مڎا. پاسە لەیەکش مڎاوە کە پی جۊرە ڕابەر ئاپۆی بێ کاریگەر کەرا، بەڵام مەتاوا حیچ ئەنجامێوە بەدەس بارا. چونکی ڕابەر ئاپۆ ئیسە تەماموو دنیېرە ۋەڵابیەنۊ. ڕابەر ئاپۆ ۋاتەبېش: پارێزنامەکېم جە حەر شۊنمېوەنەبا ، کتێبەکېم جە حەر شۊنمېوەنە با ، منیچ ئینانی چا. ئارۊ مۋینمۍ پارېزنا و پارادایموو ڕابەر ئاپۆی یاۋان بە گرڎوو جەهانی. ئارۊ ڕابەر ئاپۆ جە ئیمرالی نییا، بەڵکم گرڎوو جەهانینە مژیۋۊ. حیچ هێزێوە مەتاۋۊ ڕا چینەی گېرۊ. بەڵگەو ئانەیچ دۆسا کورڎینۍ. ئیسە جە گرڎوو جەهانینە دەسشا بە هەنگامېوە گەورەی کەرڎەن. جە بەیاننامەکەشانە باسشا چانەی کەرڎەن کە پەنەوازەن ئیسە ڕابەر ئاپۆ ئازاڎ بکریۊ و کورڎیچ بۊ بە خۊتان ستاتیۊو ۋېش. ئاڎۍ دەسنیشانشا کەرڎ کە پۍ بەدەس ئارڎەی ئی ئامانجیە کۊشیای ۋېشا گەورەتەر کەرا. پی بۆنۊ سڵام جە گرڎوو ئا کەسا کەروو کە برەوشا بە کەمپینەکەی دان، بەشڎاریشا جە کەمپینەکەنە کەرڎەن، مانیېنۍ و بانگەوازشا کەرڎەن، بە نامۍ تەڤگەرەکەیما و گەلوو کوردسانیوە سوپاس و پنەزانای ۋېم پێشکەش کەروو.
چی پڕۆسەنە ئانڎەی تەر ۋەرپرسیاری و ئەرکەکۍ گەلوو کورڎی گەورەتەرۍ بیېنۍ. ئەگەر غەیرە کورد-کوردسانیۍ، دۆسەکاما، ڕابەر ئاپۆ و پارادایمەکەیش پی جۊرە پارېزنا، ئەگەر ئەرەیاۋناش کە پۍ ئازاڎیی جەستەیی ڕابەر ئاپۆی و پۍ پێگەو گەلوو کورڎی کۊشیانە، ئا وەختە گەلوو کورڎی ئەنجامېوە بەدەس مارۊ. ئی کەمپینە کە جە لایەن و دۆسا کورڎیوە دەسش پنەکەرڎەن، پەنەوازەن گەلوو کورڎی پاڵپەشتیش ۋنەکەرۊ و کەمپینەکەی بە گرڎ شێۋېوە فراوانتەر کریۊ و بیاوۊ بە ئامانجوو ۋېش. ئیسە گەلوو کورڎی ماچا، مادام هامڕېکېما دەسشا بە کەمپینێوە چانەی کەرڎەن، مشۊم ئێمەیچ ئاڵاو ئی کەمپینەیە هۊرگېرمۍ. ئینە فکرێوە ڕاسا. پەنەوازەن گەلوو کورڎی ئی کاریە کەرا. وەختۍ گەلوو کورڎی گەرەکشا ئەرکوو ۋېش پۍ ۋېش، پۍ ڕابەر ئاپۆی جابەجۍ کەرۊ، چانەینە جە لایەن و بڕۍ کەساوە رووبەروو بڕۍ ئاستەنگی بیوە. ئانۍ کە گەرەکشانە کەمپینەکەی تێکبڎا، لاواز کەرا یان بەربەس وزا ۋەردەمش هەنۍ. پەنەوازەن گەلەکەما ئینەی قبوڵ نەکەرۊ، بە ئیراڎە و ئازایۊ دژوو ئینەی مرڎۊ. ئەگەر گەلەکەما پی جۊرە ئەرک و ۋەرپرسیاری ۋېش جابەجێ کەرۊ، کەس مەتاۋۊ ئی کەمپینیە مرڎنۊ. پی جۊرە کەمپینەکە میاوۊ بە ئامانجەکەیش.
مشۊم گەلوو کورڎی، هێزی دیمۆکراتیک و ئازاڎ پۍ هەڵمەتەو ' ئازاڎیی پۍ عەبدۆڵا ئۆجالانی، چارەسەری سیاسی پۍ قۊرتەو کورڎی' چېش کەرا؟
کە ماچوو گەلوو کورڎی، گەنج، ژەنی، پیر و زارۊڵە گېرۊوە. حەرکەسۍ کە ماچۊ 'من کورڎەنا، ولاتپارێزەنا، دیموکراتەنا، شۆڕشگێڵنەنا، جە کوردسانەنە ئازاڎیی و دیموکراسیم گەرەکا، گەرەکما ئازاڎ بژیوو، دژوو ئەرەگیری، تیرۆر و فاشیزمینا'، مشۊم ئەرک و ۋەرپرسیاری ۋېش بەیاگۍ بیاونۊ. حەر پېسە چنی مرۆڤایەتی جە پارادایموو ڕابەر ئاپۆینە چارەسەروو قۊرتەکا ۋېش مۋینۊ و ۋەروو ئینەیچ خۊتانکەرڎەی جە ڕابەر ئاپۆی کەرۊ و گەرەکشا پی جۊرە قۊرتەکاش چارەسەر کەرۊ، پەنەوازەن کورڎ زیاتەر جە گرڎ لېوە پەشتیوانی جە پارادایم و خەتەو ڕابەر ئاپۆی کەرۊ. ڕابەر ئاپۆ پۍ گرڎوو گلېرگەو کورڎی، پۍ ۋەرکەوتوو میامینی، پۍ مرۆڤایەتی رەنجش دان و تا ئیسەیچ هەرمانە کەرۊ، ئی هەرمانېچە جە هەلومەرجیێوە پېسە ئیمرالینە ئەنجام مڎۊ. بەڵام بە تایبەتی پۍ ژەنا هەرمانە کەرۍ. ئەگەر ئارۊ ژەنا جە گرڎوو جەهانینە بە دروشمەو 'ژەنی، ژیای، ئازاڎیی' ۋېشا بەرێکوستەی کەرا، ڕابەر ئاپۆ ئینەش ئارڎەنە و وەڵېش وست.
ڕابەر ئاپۆ هەمیشە پەی ئازاڎیی ژەنا رەنجش دان. پۊکەی دەسنیشانش کەرڎ، "تا ژەنی ئازاڎە نەبۊ گلېرگە ئازاڎ مەبۊ". حەر پۊکەی ئازاڎیی ژەنېش کەرڎ بە بنەما. ۋەروو ئانەی ژەنی ئینەی مزانا، خۊتانکەرڎەی جە ڕابەر ئاپۆی کەرا و پۍ ڕابەر ئاپۆی کۊشیا. من باوەڕم پاسەن کە ژەنی جە گرڎ کەسی زیاتەر خۊتانکەرڎەی جە ئازاڎیی ڕابەر ئاپۆی کەرا. قەناعەتم هەن کە سەرمەشقی ئا کەمپینەیە کەرا کە جە لایەنوو دۆساماوە وەڵۍ وزیان. پی جۊرە متاوا ئەرک و وەرپرسیاری ۋېشا ۋەران ۋەر بە ڕابەر ئاپۆی جابەجێ کەرا. حەرپاسە ڕابەر ئاپۆ رەنجی گەورەش پۍ گەنجا دا. گەنجایچ ئینەی مزانا. جە ڕاسینە ئا تەڤگەرەی کە ڕابەر ئاپۆی وەشش کەرڎە، تەڤگەروو گەنجان. ئەگەر ئارۊ تەڤگەرەکەما سەرەراو پیلانگێڵنی، خیانەت و هجومی یاۋان پی ئاستەی و بیەن بە هیوېوە پۍ گەلەکەیما، بەمەڵامەتوو سەرمەشقی ژەنا و گەنجاوە بیەن. حەر ۋەروو ئی مەڵامەتیچە پەکەکە هەمیشە زینڎەن، مدرامان کەرۊ، فاڕیای وەش کەرۊ و هیوا بەخشۊنە. من قەناعەتم پاسەن کە گەنجا زیاتەر جە گرڎ لېوە پەشگیری ئی کەمپینیە کەرا، سەرمەشقی کەرا و ئەرک و دەوروو ۋېشا جابەجۍ کەرا.
ڕابەر ئاپۆ حەرپاسە پۍ هێزەکا دیموکراسی و ئازاڎیی جە تورکیا رەنجش کێشا، شمە ئا ئەرک و ۋەرپرسیاریەی کە گنۊ سەروو شانا ئاڎیی چنی هۊرسەنگندۍ؟
ڕابەر ئاپۆ جە ساڵەکا سەرەتاو جمیەرەکەینە پېسە چنی گەلوو کورڎیش بە بنەما گېرت، گەلا تورکیایچش بە بنەما گېرت. پېسە چنی پەی گەلوو کورڎی ۋەرپرسیاریش گېرت ئەستۆ، پەی گەلا تورکیایچ ۋەرپرسیاریش جە ئەستۆ گېرت. حەجگیز جیاوازیش جە بەینوو گەلوو کورڎی و گەلا تورکیاینە نەکەرڎ. جە تورکیا کۊشیای پەی دیموکراسی و ئازاڎیی ئەنجامدریا، قوربانیېوە فرە دریا، گەشمەرڎە دریا و بڕۍ چایشا بەمەڵامەتوو ئا کۊشیایۊ دریۍ قەنارە. ڕابەر ئاپۆ ئا جمیەرە شۆڕشگێڵنۍ کە جە تورکیانە وەڵۍ گنېنۍ بە بنەما گېرتۍ. ۋیر چانەی کەرېوە کە چنی متاوۊ درێژە پا جمیەرەیە بڎۊ، چنی متاۋۊ ئا گەشمەرڎە و شۆڕشگێڵنا بە زینڎەیی ڕاگېرۊ؟ پا مەڵامەتۊ پەکەکەش ئەرەمەرزنا. واتا پەکەکەش نە تەنیا پۍ گەلوو کورڎی، بەڵکم پۍ گەلا تورکیای و مرۆڤایەتیچ ئەرەمەرزنا. پۍ ئانەیچ قوربانیېوە فرەش دا. حەر پۊکەی دیموکرات و سۆسیالیستەکۍ تورکیای، ئانۍ کە دژوو فاشیزمی مرداوە، ئانۍ کە خۊتانکەرڎەی جە بەهاکا ئازاڎیی و دیموکراسی کەرا و ماچا ئێمەی گەل پۍ ۋېما بە بنەما گېرمۍ، مشۊم ئەرکوو ۋېشا ۋەران ۋەر بە گەلوو کورڎی جابەجێ کەرا. ئەگەر ئاڎۍ ئەرک و ۋه ڕپرسیارییەکاشا جابەجێ نەکەرا، مەتاوا واچا دیموکرات و سۆسیالیستېنمۍ. واتا ۋەروو چەما گرڎ کەسیوە دژوو گەلوو کورڎی و سۆسیالیستی جینۆساید ئەنجام مڎریۊ. جە حەر شۊنمېوە جەھانینە با سۆسیالیست و دیموکراتەکا، جینۆسایدکەرڎەی گەلا قبووڵ مەکەرا و دژش مرداوە.
جە جەھانەنە نموونۍ فرېنۍ. وەختۍ فەڕەنسا دەسوەردایش جە جەزائیرەنە کەرڎ و ئەشکەنجە، کۆکوشی، تاڵانکەرڎەی و گېرتەیش ئەنجامدا، شۆڕشگێڵن و سۆسیالیستەکۍ فەڕەنسای دژوو دەسەڵاتوو وڵاتەکەیشا مرڎېوە. حەر پۊکەی فەڕەنسا ناچار بی جە جەزائیرەنە کیشیۊوە. واتە چەپگر، دیموکرات و سۆسیالیستەکا تورکیای مشۊم ئانەی بە بنەما گېرا. ئەگەر چەمېشا سەروو ئا چېوانە کە ڕووەمڎا، قوچنا و دەنگ هۊرنەبڕا، بە ۋېتا واچدۍ سۆسیالیست و دژبەرۍ فاشیزمی و جینۆسایدی، ئانە دروېنە. پیمەروو دیموکراسی و سۆسیالیزمی شێوازوو مامەڵەکەرڎەی ۋەران ۋەر بە گەلوو کورڎی و ۋەران ۋەر بە دەوڵەتوو تورکین. ئەگەر دژوو سیاسەت و جینۆسایدوو دەوڵەتوو تورکی نەمردۊوە، ئەگەر شانبەشانوو گەلوو کورڎی نەمردۊوە، ئەگەر دژوو دەسەڵاتوو تورکی نەمردۊوە، حەرچن واچۊ سۆسیالیستا، دیموکراتوازا و وڵاتپارێزا، دروۍ کەرۊ. چونکی ئارۊ کۊشیای جە کوردسانەنە لۋان وەڵېوە، بە گرڎ شێۋېوە ڕووەی ڕاسەقینۍ دەوڵەتوو تورکیش وستەن ڕووە. تەنانەڎ ئینسانېوە ئاساییچ متاوۊ ڕاسی دەوڵەتوو تورکی، مامەڵە و ھەڵسوکەوتیش ۋەران ۋەر بە گەلوو کورڎی و گەلا تورکیای و مرۆڤایەتی بۋینۊ. چنی ئانەیچ، مشۊم ئینسان بە چەمۍ گومانیوە تەماشەو ئا کەسا کەرۊ کە ئا ڕاسییە مەۋینا. ئانەی جە هێزە دیموکرات و سۆسیالیستەکا جە تورکیا داوا کریۊ، ئانەن کە جە دژوو گۆشەگیریی سەروو ڕابەر ئاپۆی مرداوە و بۊنەو ئازاڎیی جەستەیینە کۊشیای کەرا.
جە ١و تشرینی یۋەمینە دووۍ جەنگەوانۍ گیانبازۍ پەکەکەی رۆژهات و ئەرداڵ شاهین جە ئەنقەرە چالاکی گەورەشا ئەنجامدا و ئەنقەرەشا لەرناوە. دەوڵەتوو تورکی ئا چالاکیەشە کەرڎ بە بەهانۍ و هجومش کەرڎ سەروو ۋەرنیشتی. چ پەیوەنڎیېوە جە بەینوو چالاکیەکەو ئەنقەرەی و هجومەکا سەروو ۋەرنیشتی هەن؟
سەرەتا هامڕا رۆژهاتی و ئەرداڵی بە رێزۊ یاڎ کەرووە. ئا هامڕۍ بۊنەو گەلوو کورڎی و مرۆڤایەتیۊ ئەرکێوە تاریخیشا بەیاگۍ یاۋنا. بە قارەمانێتیۍ گۊرۊ لوۍ سەروو دوژمنی. چالاکیەکەشا جە دژوو ناوەندێوە کە چنەشەنە جینۆسایدوو گەلوو کورڎی ئەنجام مڎریۊ، واتە جە دژوو ڕاوەبەری ئەمنیەتی، بە ئەنجام یاۋنا. دوژمن گەرەکشا گەلوو کورڎی پاکتاو کەرۊ. هامڕېکېچما بە چالاکیەکەیشا پەیاموو ئانەیشا دا "ئەگەر شمە گەرەکتانە گەلوو کورڎی پاکتاو کەرڎۍ ئێمە ئانەی قبوڵ مەکەرمۍ و ئانۍ گەرەکشانە ئێمە دلېنە بەرا، با بزانا کە ئێمە ئاڎیشا پاکتاو کەرمۍ '. گەلوو تورکیای جە ڕاو قڕکەرڎەی گەلوو کوردیوە مەتاوۊ بژیۋۊ و بلۊ وەڵېوە. ئانۍ جینۆساید ۋەران ۋەر بە گەلوو کورڎی ئەنجام مڎا، ۋېچشا کۆکوژ کریا. هامڕېکېما بە چالاکیەکەیشا گەرەکشابۍ ئانەی بە دەوڵەتوو تورکی و گلېرگەی تورکی واچا. ۋەروو ئانەی ئینە چالاکیېوە تاریخیا. ئی چالاکیە پڕوپاگەنڎەو دەوڵەتوو تورکیش پوچ کەرڎۊ. ۋەروو ئانەی پروپاگەنڎەو ئانەی کەرېنۍ کە پەکەکەما بە جەنگی تایبەت دلېنەبەرڎەن و پەکەکە نەمەنەن و مەتاۋۊ حیچ کەرۊ، ئێمە ئارامی و سەقامگیریما جە تورکیانە دەسەبەر کەرڎەن، ئێمە گرڎ ڕووۍ ئانڎە گەریلۍ کوشمۍ.. ئی پڕوپاگەنڎا کەرېنۍ.
ۋەروو ئانەیچ بەرگنۊ کە دەسەڵاتېوە سەروو کوشتەی ۋېش بە زینڎەیی مازۊوە و پڕوپاگەنڎەو ئانەی کەرۊ، دەسەڵاڎ داریېوە فاشیست و قڕکەرا. سەرەڕاو ئا پڕووپاگەنڎا کە جە دلېینە و هەمیچ جە بەرۊ کەرېنۍ (بڕېوەیچ بېنۍ کە بڕواشا پا پڕوپاگەنڎا کەرڎەبۍ) چالاکی ئەنقەرەی ئا ئانېش پوچۍ کەرڎۍ. ئا چالاکیە جارێوەتەر بەرش وست کە دەوڵەتوو تورکی گرڎلایۍ فریومڎۊ. حەرچنڎە جەنگېوە ئانڎە گەورەیچ بۍ، دەسەڵاڎدارۍ ئاکەپە-مەهەپەی واچېنۍ جەنگ بیەیش نییا و قۊرتەو کورڎی بیەیش نییا. پی جۆرە جەنگی گەورەی شارېوە. ۋەروو ئانەیچ سەروازە کوشیاکایچش جە رای گرڎینی شارېوە. بەردەوام پڕوپاگەنڎۍ کەرېنۍ کە گەریلېشا کوشتېنۍ و دمایشا بە پەکەکەی ئارڎەن. ئی چالاکیە بەرش وست کە ئانۍ گرڎ دروېنۍ. دوژمن سەرەش سوڕمەن و شۆک بی، ۋەروو ئا چالاکیە راسی دەوڵەتوو تورکی بە تەمامەتی ئاشکرابی، پڕوپاگەنڎەو ئاڎیشا پوچ کریاوە و ئاشکرابی کە جەنگېوە گەورە ئینا ئارانە. ۋەروو ئانەی شڵەژیۍ کە چېش کەرا. گەرەکشابۍ بە هجومەکاشا کاریگەری ئا چالاکیە دلېنەبەرا.
اتۊ و ئەمریکا گڵۊپی سەوزشا پەی نەگسنێنە دەوڵەتوو تورکی نەتاوۍ ئی هجوومەیەە کەرۊ
گرڎ ڕوۍ سەرنیشتنە کورڎۍ گیریا، نامۍ 'ئۊپراسیۊنی قارەمانانە'یشا نیێنە ئا هەڵمەتەو سیاوگیری و زیندانیکەرڎەیە. چە قارەمانێتییێوەشا کەرڎەن، بیێنۍ قارەمانۍ. ئا نامۍ پەی ورخەڵەتنای خەڵکینە. مشۊم گەلوو تورکی چەنەشا پەرسییۊوە، واچا شمە چە قارەمانێتییوە کەرڎۍ. قارەمانیتا ئانەنە، کە بە گرڎوو هێزیتاوە ورکوودۍ سەروو یانا، خەڵکی گێرڎۍ، ئەشکەنجە، سووکایەتی کەرا و ڕوانەو زیندانیشا کەرا؟ ئینەنە قارەمانی؟ گرڎ ڕوۍ هەرێمەکاو پارێزنای مێدیا هجووم کەرڎۍ. ماچا مەزانوو ئاننە گەریلێما کوشتۍ. وەختۍ گەریلێوەیچ گەشمەرڎە نەبۊ، گەل و وەڵاتۍ پێسە خەڵەتنا. بنەڕەتنە ئامانجەکەشا وەرنیشت بۍ. فرە وەختێوەن کە قەرارشا دابۍ هجووم کەرا سەروو وەرنیشتی. ئەرڎۊغان بەئاشکرا واتش، ئێمە قەرارما دان و چەمەڕوانێنمۍ. چالاکیی ئەنقەرەیشا کەر بەهانۍ و هجوومشا کەرڎ سەروو وەرنیشتی. واتش، ئانۍ چالاکییەکەشا کەرڎەن وەرنیشتۊ ئامێنۍ. پەوکای وەنیشت تەرسینە پەی سەریما. .
تورکیا بە تەنیا ئا هێزەشە نیا کە هجوومی دڕندانە کەرۊ سەروو وەرنیشتی. بە قەراروو ئەمریکای و ناتۊی هجوومشا کەرڎ سەروو فرەو یاگا، وەروو ئەندامبییەیشا ناتۊنە ئەر ناتۊ ڕاشا نەدۊ پەنە نمەتاوانۍ هجوووم کەرانۍ سەروو وەرنیشتی. دەوڵەتوو تورکی نە بە یاساکاو جەنگی و نە بە پیمەرە ئەخلاقییەکان جەنگ مەکەرۊ. چەنیش گەرەک بۊ کورڎی دلێنە بەرۊ پەوکای گرڎ یاگێوە بۊرڎومان کەرۊ. یاگۍ ئەرەنیشتەی. وێستگەکاو کارەبۍ، پرۊژەکاو ئاوۍ، سایلۊو گەنما، پاڵاوگەو نەوتۍ، نەوەشخانە و هەرمانگەکۍ کە ئینە بێئەخلاقییوە گەورەن و تاوانوو جەنگین.
ئەرڎۊغان لاێوە ئا ه هجووما کەرۊ سەروو وەرنیشتی و لێوە تەریچۊ وێش بە ساعیبوو غەززەی مزانۊ، چەنیش ورسەنگنی؟
ئانۍ بیۍ بایسوو پەرسەو کورڎی و فەلەستینی هەمان ئا هێزێنۍ، گەرەکشا نیا ئا قۊرتا چارەسەر کەرا. چونکوم سیستموو وێشا سەروو پەرسەو کورڎی و فەلەستینی بونیاد نیان.
ئەرڎۊغان، تورکیا، دەسەڵات و ئۊپۊزسیۊن دروۍ و فرتوفێڵۍ کەرا. چیوەکا وەرەچەموو خەڵکیوە کەرا، ئجۊشا کەس هاگادار نیا کە وێش بە ساعیبوو غەززەی و فەلەستینی زانۊ . ئانۍ کە جینۊسایدوو کورڎا بە بنەما گێرا حەرگیز مەتاوا دۊستایەتی چەنی گەلوو فەلەستینی کەرا، ئانە مەحاڵا. دووۍ قۊرتۍ سەرەکیۍ وەرکەوتوو دلێڕاسەینە هەنۍ، پەرسەو فەلەستینی و پەرسەو کورڎی. ئەگەر ئا قۊرتۍ حەلۍ نەکریا، حەرگیز جەنگ وەرکەوتوو دلێڕاسەینە دماییش نمۍ دیموکراسی و ئازادی نمۍ دی و کۊکوشیێچ کەمۍ مەباوە. سیستموو مۊدێرنیتەی سەرمایەداری حەرگیز گەرەکش نیا کێشەکا چارەسەرۍ کریا، پەوکای دایم گرڎ نۊعە، کێشێوە منیاوە.
گەلەکەما، گەلوو فەلەستینی، گەلاو مەنتێقەکەی، مشۊم خاس چا ڕاسییە بیاوانە. ئێمە گەرەکمانە کورڎ و عەرەب بلا وەڵێوە. پەوکای ئانۍ وەرکەوتوو دلێراسەینە بەشۍ بیێنۍ کێشەو وێشا هەنشا، نادادپەروەرییشا وەراوەرۊ کریۊ، بەرڎەوام جەنگا و ئانە کۊکوش کریۊ خەڵکا. پەرسەو گەلوو فەلەستینی هینەو ئارۊی نییەنە تارێخییەنەقۊرتۍ کۊمەڵایەتی و تارێخیینۍ، داواو مافینە پەوکای ئەوەڵوو ئەرەمەرزنای جمیەرەکەیماوە، گەلوو فەلەستینی و کۊشیایشا بە بنەما گێرتەنما، چون کۊشیێنۍ قوربانییشا دان، سەبەبێوە تەروو ئا پیلانگێڵنییە کە ڕووەش دا ئانەن کە هامپەیمانیی ئێمەن چەنی فەلەستینییەکا و عەرەبەکان.
چێگەنە گەرەکما باسوو چند چیوێوە کەروو. شێوازوو حەماسی ڕاس نییا، مشۊم ڕەخنە کریۊ. وەلۍ ئانە کە ئینسان ڕێبازوو حەماسی کەرۊ بە پاساو و هجووم کەرۊ سەروو گەلوو فەلەستینئی ئینەیچ ڕاس نییا. رێبازوو حەماسی چندە غەڵەتیچ بۊ، ئا هجوومۍ کە پا بەهاناوە کریا سەروو گەلوو فەلەستینی ئاننە غەڵەتێنۍ، ئینە کێشەو فەلەستین- ئیسرائیی هەرگیز چارەسەر مەکەرۊ، بەڵکوم زیاتەر قووڵش کەرۊوە. مشۊم گەلوو فەلەستینی و جوو پێوەژیوای بە بنەما گێرا. پا سەروو نەتەوە-دەوڵەتیوە نەگێرارە، چون نەتەوە دەوڵەت هەرگیز کێشەشا چارەسەر مەکەرۊ. بڕۍ ماچا چارەسەرەکە ئانەن، کە دەوڵەتێوە فەلەستینی پێک بۍ، ئینە ڕاس نییا چارەسەریچ نییا. چارەسەری بە پاڕادایموو رابەر ئاپۊی مۍ دی. بە پەرەپەنەدای بە نەتەوەی دیموکراتیکی مۍ مشۊم جوو، هەم گەلوو فەلەستینچ نەتەوەی دیموکراتیکی بە بنەما گێرا. تەنیا پاسە کێشەکێشا چارەسەرۍ با.
جەنگوو بەینوو سوپاو تورکی ئەرەگیری و گەریلای بەرڎەواما. دۊخوو جەنگی ھەرێمەکاو پارێزنای مێدیاینە چەنینا؟
جە کەسایەتیی ھامڕا ڕۊژهات، ئەرڎاڵ و گەشمەرڎاوە ئاسایشینە دێرکنە و جە کەسایەتیی گەشمەرڎاو ئامەدینە، یادوو گرڎوو گەشمەرڎاو کۊشیا بە پەنەزانایۊ کەرمێوە، ڕێز و وەشەسیای وێما پێشکەششا کەرمێ. ئیساتۍ بەینوو ئێمە و دەوڵەتوو تورکینە جەنگێوە دژوار هەن. دەوڵەتوو تورکی پەی ئەوەشارتەی ئا ڕاسییە فرە تاکتیکۍ بەکار مارۊ. باسوو ئا سەروازاشا مەکەرا کە مرانۍ، بڕۍ جارۍ یۊ-دوێشا ئاشکرا کەرا. سەرەمڕ ماچا 'تا ئیساتۍ ئاندە گەریلێما کوشتێنێ'. پانەیە دڵوەشۍ با. ئا ئەقڵییەتە لاو گلێرگەیۊ وەش کەرا، گوایا گەریلاشا دلێنە بەرڎەن. ئێمە پەی وێما ئا ھامڕۍ گەشمەرڎۍ با ئەرەیاونمێش. دماو ئاشکراکەرڎەی ئێمە ١٠، ٢٠ ڕوۍ، یان چندین مانگۍ دماتەر ماچا ئێمە جە ئۊپەراسیۊنێوە میتینە ئاندە کەسێما کوشتێنێ. گرڎلاێوە ورخەڵەتنا. ویرکەرڎەیوە ئانەی سەرۍ کەوتێنۍ، گرڎ ڕوۍ و گرڎ سەعاتۍ بۊرڎومان کەرا..
ئا چەکۍ جیهاننە قەدەغۍ کریێنۍ بەکارشا مارا. تەقەمەنیی کیمیاوی دەوروبەرنە بەکار مارمۍ و ئامانجشا ئانەنە، کە وەرڎەموو تونێلەکاو جەنگینە ورشا بدا. گەرەکشانە پێسە دەس سەروو تونێلەکارە گێرا و هامڕایا گەشمەرڎە کەرا. سەرباروو ئانەیە گرڎوو ئینیشا مەیاوا ئەنجام، گەریلا جە هەلومەرجی دژوارنە بە قارەمانیی گەورەوە مرڎاوە. جە دژوو دەوڵەتوو تورکیوە، تەکنەلۊژیای ناتۊ، هامڕا داستانی منویساوە. پی بۊنەوە سڵام جە هامڕایاو هەپەگەی و یەژاستاری کەروو و مەبارەکباییشا وەنە کەروو. ئانۍ تەنیا قارەمانی گەلی کورڎ نین، بەڵکوو قارەمانی مرۊڤایەتین. پارێزگاری لە بەها ئینسانییەکا کەرا. ئەگەر وەروو پەدەکەی نەبیۍ، دەوڵەتوو تورکی چی جەنگەنە شکسس ئارۍ و دلێنە شێ. دەوڵەتوو تورکی کە هەڵای پا گێرۊرە سەروو جەنگی ئینە جە سایۍ پەشتیوانییەکاو پەدەکەیۊن.. مشۊم کورڎ خاس ئانەیە بزانا. دەوڵەتوو تورکی، بەتایبەتی میدیاو ئاکەپەی جەنگی دەروونیی تایبەت کەرا. پێسە چەنی ئەڵمانیانە سەرڎەموو هیتلەرینە گۊبڵز بە پڕوپاگەندە ئینسانەکا خەڵەتنۍ، میدیاو ئاکەپەیچ ئینەیە کەرێ. کەناڵەکۍ سەرسەعبۊ تا وێرەگا ئانەیە نیشانە مدا، کە چەنی چەک وەش کەرا و تەکنەلۊژیا چندە خاسا.
لێوە تەرۊ، پڕوپاگەندەی قێزەون وەڵا کەراوە. "پەکەکە تەڤگەری ئازادییش نییا، دەوڵەتۍ بێگانۍ پەشتیوانییش کەرا، ئی دەوڵەتۍ گەشەکەرڎەی و قەوەتبییەی تورکیایشا گەرەک نیا، ئادۍ پەشتگیریی پەکەکەی کەرا پەی وەرگێرتەی بە تورکیای، ئەگەر ئی هێزە یارمەتیی پەکەکەی نەدا، پەکەکە مەتاوۊ بمەنۊوە، ئادۍ پەکەکەی پەی بەرژەوەندیی وێشا بەکار مارا. پەکەکە ڕاما مەدۊ دۊڵەمەندیی تورکیای بەروزمۍ و وزمێش خزمەتوو گەلیوە. ئەگەر ئی دۊڵەمەندییە بەروزمۍ، گەلوو تورکیای قەوەتتەر بۊ، هەژاریی گەلوو تورکیای خەتاو پەکەکەینە. پەکەکە پەیوەندییش چەنی هێزە بیانییەکا هەن. دەوڵەتە ئیمپریالیستەکۍ پاسەما پەنە کەرا چەنی پەکەکەی جەنگ کەرمۍ تا نەتاومۍ نەوتە و کانزاکا بەربارمۍ تا تورکیا بە هەژاری مەنۊوە''.
پێسە گەرەکشانە ڕەوایەتی بدا بە دماییئارڎەی پەکەکەی و قڕکەرڎەی کورڎی، ئا چەکۍ کە بەکارشا مارا یان گرڎ چەکۍ ناتۊینێ. ئاکەپە-مەهەپە ڕاسییەکا مشێونا. گرڎشا پێسە خەڵەتییا. تاکتیکەکاو گۊبڵزی، کە سەروو گەلوو ئەڵمانیایۊ میاویا یاگۍ، ئیساتۍ ئاکەپە یاونۊشا یاگێ. پەوکای، کەس ڕاسیی جە دروا جیا مەکەرۊوە. پێسە جەنگی تایبەت کەرۊ. پێسە دەسەڵات ئاڕاستە کەرۊ و قەوەتش کەرۊ. پێویسا گەلەکەما و گەلوو تورکیای خاس ئینەیە بزانا.
کۊبیەیۊ جە بەینوو پەدەکەی و دەوڵەتوو تورکی، ئێرانی و دەوڵەتوو تورکینە کریان. دەوڵەتوو تورکی هجومش کەرڎ سەروو مەخموری. هجوم پۍ سەروو پانیشتی ڕووانە بەردەواما. کۆبیەیۊ جە بەینوو پەدەکەی و دەوڵەتوو تورکی، ئێرانی و دەوڵەتوو تورکی چنی هۊرسەنگندۍ؟
پەدەکە و بەتایبەتی خانەواڎەو مەسعود بارزانی چارەنویسوو ۋېشا وستەن دەستوو تورکیای. بەتەمامی لۋېنۍ خزمەتوو دەوڵەتوو تورکی. ئاڎۍ نەک تەنیا جە پانیشت بەڵکم جە گرڎ یاگېنە هامکاری دەوڵەتوو تورکی کەرا. پەدەکە جەنگېوە تایبەت جە دژوو پەکەکەی کەرۊ. بە سەروازی، هەواڵگری، بە گرڎ شێۋېوە ئینۍ چنی دەوڵەتوو تورکی و دژوو پەکەکەی جەنگ کەرا. پەدەکە گەرەکشا بێجگە جە پانیشتی، پەیوەندیی پەکەکەی چنی گرڎ یاگۍ بڕۊنە، جە گرڎ یاگۍ دنیېنە گۆشەگیریش کەرۊ، تەوقەش بڎۊ، وزۊش چېروو دەسا ۋېش، دلېشەنەبەرۊ. هەڤاڵ و دۆسەکېما ماچا ئا دوژمنایەتیەی پەدەکە ۋەران ۋەر بە شمە کەرۊش، ۋەران ۋەر بە تورکی مەکەرۊش. ئانە ڕاسا. پەنەوازەن گەل ئینەی بزانۊ. بارزانی نەک حەر جە مەتینا و کەش و جودی و ئاڤاشینی هامکاری دەوڵەتوو تورکی کەرۊ، بەڵکم جە گرڎ یاگېنە، بە تەمامی خزمەت بە سیاسەتوو قڕکەرڎەی کەرۊ. پێویسا گەلەکەما ۋنەپەرسایۊ چینەی کەرۊ. ئی خەتۍ خزمەت بە دوژمنی کەرۊ. ڕەوایەتی بەخشۊ بە کردەوەکا دەوڵەتوو تورکی دژوو کوردی. ئینە ئەرکوو پەدەکەین.
جە هەولێر نوێنەرو کەنەکەی کوشیا، بەڵام تا ئیسە حیچ قسېوەشا نەکەرڎېنە و شەرمەزارشا نەکەرڎەن و کەسیچ نەگیریان. بەڵام جە ئەنقەرە چالاکیېوە دژوو ئاسایشوو تورکی ئەنجامدریا پەدەکە دەموودەس ئا چالاکییەشە شەرمەزار کەرڎ. ئینەیچ ئانەی بەروزۊ کە پەدەکە چنی کێن و خزمەت بە کێ کەرۊ. پۍ چی چالاکییەکەو ئەنقەرەی شەرمەزار کەرۊ؟ ئا چالاکییە دژوو ئاڎیشا نەکریان، دژ بە ئاسایشوو تورکی ئەنجامدریا کە کوردی کوشۊ. جیای ئانەی پنەش وەش بۊ ، شەرمەزارش کەرۊ. بەڵام چی ئا لایەنەیە شەرمەزار مەکەرۊ کە دەنیزش گەشمەرڎە کەرڎ، پۍ چی بکوژەکەی مەگېرۊ ؟ ماچۊ من حکومەتەنا، دەسەڵاتم هەن، یاسام هەنە، چېکە کەس مەتاوۊ حیچ کەرۊ. جە ڕاسینە دەسەڵاتۍ پاسەش هەولێرەنە مەرزنانەرە کە مەتاوۊ جە یاگۍ وېشەنە جمۊ. جە گرڎ یاگېنە کامێرۍ هەنۍ، بیناو کەنەکەی گرڎ ڕووۍ و سەعاتۍ ئینا چېروو چەمڎارینە. چنی دەنیز چا کوشیا و پەدەکە کەسش نەگېرت. چونکە دەسش ئینا کوشتەکەینە. پەدەکە گەرەکشا عێراقی تێکەڵ کەرۊ بە سیاسەتوو ۋېش چنی دەوڵەتوو تورکی. چی ئا هەرمانۍ کەرۊ. ۋەرپرسا عێراقی پۍ ماوەو چن ڕووېوە ئەنقەرەنە کوۍ بیېوە. گەرەکشانە عێراقی وزا دلۍ پلانەکاشا. ماچا چنی پەکەکەی دلېنەبەرمۍ و قڕکەرڎەی کوردی تەمام کەرمۍ.
گەرەکما ئاگاڎیی بڎەو بە عێراقی. مشۊم عێراق بە بارزانی و دەوڵەتوو تورکیای فریو نەوەرۊ. ئاڎۍ هیچ مەسڵەحەتېوەشا چی سیاسەتانە نییا. پێویسا داواو چارەسەری قۊرتەو کوردی کەرۊ بە ڕاو دیموکراتیکی. ئەگەر دەوڵەتوو عێراقی چنی تورکیای و بارزانی یۊ گېرۊ و دژایەتی کوردی کەرۊ، زەرەرۍ فرە بە ۋېش میاونۊ. بڕۍ ئەرەیاۋنېما ۋەڵاکەرڎېوە، بارزانی گەرەکشا جە بڕۍ یاگانە یاگەگیربۊ. یاگەگیربیەو بارزانی، یاگەگیربیەو دەوڵەتوو تورکین. پۊکەی ئیسە دەوڵەتوو تورکی و بارزانی جە فرەو یاگانە هەرمانە کەرا، دژوو ئێمە جەنگ کەرا. جە بڕۍ یاگېنە هێزەکېشا ١٠٠-١٥٠ مەترا جە هەنترینیۊ دورېنۍ. تورکەکۍ بڕۍ یاگېشا وەش کەرڎېبېنۍ، کە زمسانۍ لووۍ، ڕادەسوو بارزانییەکاشا کەرڎۍ. ئیسە تورکەکۍ جارێوە تەر هجومشا کەرڎۊ، دیسان بنکەکېشا ڕادەسوو ئاڎیشا کەرڎ. یان پېوەرە هەرمانەکەرا. دەوڵەتوو تورکی بە گرڎ شێوېوە بیەن بە سەروەر جە پانیشتەنە. بادینان خەریکا بۊ بە شارێوە دەوڵەتوو تورکی. دەوڵەتوو تورکی جە گرڎ یاگېنە بنەش وستېنە. دەوڵەتوو تورکی حەرچیش گەرەک بۊ کەرۊش. پی جۆرە، پەدەکە تەمام لووان خزمەتوو سیاسەتوو قڕکەردەی دەوڵەتوو تورکیوە.
چېوۍ تەر هەن گەرەکت بۊ واچیش؟
پۍ بەدیئارڎەی ئازاڎیی جەستەیی ڕابەر ئاپۆی و بیەی کورڎی بە خۊتان ستاتیۊیۍ، دۆسەکېما و هەڤاڵاما هەڵمەتێوەشا دەسپنەکەرڎە. هەڵمەتەکۍ ڕۊ بە ڕۊ گۊرەتەرە بۊ. مشۊم ئانەی ئینا سەروو شاناماوە کەرمېش، بەشڎاری کەمپینەکەی کەرمۍ و بە ئەنجامش بیاۋنمۍ. ئینە داواو تەڤگەری و گەلەکەیمانە. پۊکەی پەنەوازەن تەڤگەرەکەما و گرڎ لایۍ بە تەمامی بەشڎارۍ با چی هەڵمەتېنە. گرڎوو هەرمانەکاشا پاو ئی هەڵمەتۍ ئەنجام بڎا. تا یاوا بە ئەنجام، پێویسا بە پاو بناغەو هەڵمەتەکۍ مامەڵە کەرمۍ. ئینە هەرمانەی ئەساسیەو ئێمەنە. دەوری سەرەکی پۍ ژەنا و گەنجا ئینەنە. من باوەڕم پاسەن پەنەوازەن ژەنا و گەنجا سەرمەشقی ئی هەڵمەتۍ کەرا. هەڵمەتەکۍ بەقوەتتەر کەرا.
چونکی ئێمە تەڤگەروو گەنجانمۍ، بانگەوازوو من تایبەتا بە گەنجا؛ چی هەڵمەتېنە کە دۆسا و هەڤاڵەکاما دەسشا پنە کەرڎەن، پەنەوازەن بە گرڎ چېوۍ بەشڎاری کەرا و بیاوا بە گەریلا. پێویسا گەنجۍ کۊشیای شۆڕشگێڵنانەو ۋېشا دژوو قڕکەرڎەی و جەنگی تایبەتی بە بناغە گېرا. سەروو ئی بناغەیە ئەرکوو ۋېشا جابەجۍ کەرا. گۊش نەڎا بە حیچ چېوۍ تەری. دوژمن هێرۆین و لەش ورەشی و سیخوڕی سەپنۊ. گەرەکشا پی جۊرە گلېرگەی وێران کەرۊ. حیزبول-کۆنترای سەروو گلېرگەیرە سەپنۊ. ماچۊ "ئەگەر لەش ورەشی و هێرۆین و سیخوڕیت گەرەک نیا، مشۊم بلی لاو حیزبول-کۆنترا"ی. ئاڎۍ ئی سیاسەتەیە کەرا. پووچ کەرڎەیۊ ئی سیاسەتەیە گنۊ ئەستۆو گەنجا. گەنجا جە دژوو لەش ورەشی و سیخوڕی و هێرۆینی کۊشیایشا چڕتەر کەراوە. پەنەوازەن بزانا کە سیاسەتوو دەوڵەتوو تورکی سەروو گلېرگەکەیما و گەنجا فرە مەترسیڎارا. پەنەوازەن گەنجۍ ۋەران ۋەروو ئی سیاسەتەیە مردا و ۋېشا ڕێکوزا و بەشڎارۍ با جە کۊشیای گەلی شۆڕشگێڵنینە".
