بەبۆنۆو ٨٨هەمین ساڵڕۆو کۆمکووژیی دێرسیمی شارو بازڵو سویسراینە چالاکی یاڏ کەردەیۆ ئەنجام دریا. فیدراسیۆنو عەلەوییە دیموکراتیکەکا (فەدا)، کۆنگرەو بنیادنیاو دێرسیمی (دیک) و مییانو گلێرگەو دیموکراتیکو کوردی بازڵ (نەجەدەکە) چالاکییەکەشا ئەنجام دا.

چالاکییەکە جە تەلارەو کۆنفرانسو نەجەدەکەی بە دەقێوە ڕێزگێرتەی جە گەشمەرڏا دەسش پنەکەرد و دماتەر پیر عەلی ماتوور مۆمەو یاڏکەدەوەکەیش گیسیانە و بەشداربییەکێ سەرنج و پەیامەکێ وێشا وستێ ڕووە.

واتەواچەو فەدای سویسرا سونگول چەلیکە ئاماژەش بە سیاسەتو کۆمکووژی دۆڵەتو تورکی ئەرەگیری سەرو عەلەوییەکا، کوردەکاو، ئەرمەنی و گرڏ و شوناسە جیاوازەکا کەرد و واتش: "ئاشتی پەنەوازیش بە قوربانی دای هەن. هیزی سری سوورەیاما جەدەسدا. سەرو ڕێزیش پەی منامنمێرە. ئا کەسێ جە دێرسیمەنە گەشمەرڏێ کریێ بە وەشەویسی و پنەزانایۆ یاڏشا مکەرمێوە."

دماتەر ئەندامو یۆبییەو ژەنا کوردی سویسرا (یەژەکە-سە) ئۆزەن ئایتاچ سری سوورەیا ئوندەرش ئپیاڏ وستیمێ و واتش: "ئامانجە تەمام نەکرییەکێ ئۆندەری پەی ئاشتیی یاونمێ بە سەرکەوتەی."

دماین و پەیامەکەیمانە، ئەندامو دیکی، حوسێن بەرکان ئاماژەش پانەیەدا کۆمکووژی هەڵای بەردەواما و بانگەوازش جە خاوەندارێتی کەردەی جە کۆمکووژی دێرسیمی کەرد.