بە بۊنەو ڕۊو ٨ و مارسی ڕۊو جەھانی ژەنا، جە شارو ھەڵەبجەی بە چن چالاکېۍ ھونەری و ھورپڕای و گۊرانیۍ لوۋۍ ڕاۋە. ھامۋەخت چنڎین ھەرمانۍ دەسېۍ و پێشانگێۋەیچ نمایش کریا.

پەیمانگاو ناحکومی پۍ زانستەکا کۊمپېوتەری بە بۊنەو ڕۊو جەھانی ٨ و مارسی و جلوبەرگی کورڎیۊ، چن چالاکېێۋە ھونەریۍ و کلتوریێش جە ھۊڵو پەیمانگاگەیەنە ڕێکوستۍ.

"ئەسما جەلال"ە سەرپەرشتېارەو چالاکېەکەی پۍ ڕۊژ نېوزی قسێش کەرڎۍ و ۋاتش:" پێسە پەیمانگاو کۊمپېوتەری نا حکومی بەبۊنەو ٨ و مارسی ڕۊو جەھانی ژەناۋە، چن چالاکېۍ ھونەری و گۊرانی و ھۊرپڕای و کلتوریێما ڕێکوستێنۍ بە ئامانجو بەرز ڕاگێرتەو ئا ڕوۋەیە''.

"جەمېلە حەمەڕەشېد"ە ژەنۍ بە تەمەنەنەو بەشڎاریش جە مەراسېمەکەنە کەرڎەن و بە بۊنەو ٨ و مارسیۊ بە جلوبەرگۍ قەڎیمی کورڎیۊ نېشتێبێرە و قسێش پۍ ڕۊژ نېوزی کەرڎەو ۋاتش:" ئارۊ بەشڎاریما کەرڎەن چی چالاکېەنە من خەریکو کوۋاو ۋەنانا چنی تفا پۍ ئانەی ئا کلتورە قەیڎیمېەو بابایاما  کە جە ۋیەرڎەنە بیەنشا زینەش کەرمێۋەو بەرز نرخنمێش، ۋە بشناسمێشا بە جېلو ئارۊی''.

حەرپاسە "شاد غازی"ە یچ یۊبۍ چا ژەنا کە بەشڎاریش جە مەراسېمەکەنە کەرڎەبۍ، بە ڕۊژ نېوزیش ۋات:" ھێزی چن چالاکېێۋە ھونەریێما بە بۊنەو ٨ و مارسی و ڕۊو جلوبەرگی کورڎیۊ ئەنجامدا، پێسە گۊرانېۍ و ھورپڕای کورڎەواری''.

ھ.ش