"ئانالېنا بێربوک"ە وەزیرەو بەرو ئەڵمانیای سەرداو شەنگالېش کەرڎو جە یانەو پێۋەرە ژیۋای چنی چالاکا ئێزیدی چەمپنەکۊتەیش ئەنجامدا.

سەبارەڎ بە ئامانجو سەرداکەی ئەرەیاۋیان، بێربوکە گەرەکشا جە نزیکۊ چەمڎاری ئاژەو ئێزیدیەکا کەرۊنەو ھۊڵ پۍ ئاۋەڎانکەرڎەیۊ شەنگالی بڎریۊ. حەرپاسە گێڵایۊ ئاۋارەکا پۍ شەنگالی یۊبۍ جە ئەجێنداو سەرداکەیش.

چەمەڕایچ کریۊ، "ئانالېنا بێربوک"ە سەرداو دەگاو کۊچۊی کەرۊنە، کە ساڵەو ٢٠١٤ینە ئێشۍ فرە گۊرەش سەرو دەسو چەتەکاو داعشینە کێشتەبۍ.

یاگۍ سەرنجێن ھامۋەخت چنی سەرداکەو ۋەزیرەو بەرو ئەڵمانیای پۍ شەنگالی، جموجوڵو تەیارەکا دۊڵەتو ترکی جە عاسمانو شەنگالیەنە زیاڎشا کەرڎەن.

ھ.ش