بەرنامەو نەورۊزو سەرنېشتوو کورڎسانی و تورکېای ۋەڵاو کریاۋە و قەرارا نەورۊزو ئێساڵی بە ۋەرھەنگامەو "ھەدەپە، کەجەدە، دەبەپە، تەژەئا"ی جە زیاتەر جە ٤٣ شارانە پېرۊز کریۊ.

نەورۊزو ئێساڵی بەدروشمەو "گرڎ یاگۍ نەورۊزا، گرڎ ۋەختۍ ئازاڎیی، بە ئێرو نەورۊزی بەرەو ئازاڎیی" پېرۊز کریۊ.

بەمەڵامەتو بومەلەرزەکەو ٦و شوباتو ٢٠٢٣ۍ مەرەشېۊ، نەورۊزو ئێساڵی کریا بە دیاری پۍ قوربانېا بومەلەرزەکەی.

پۍ دەسپنەکەرڎەو نەورۊزو ٢٠٢٣ۍ بە ۋەرھەنگامەو کۊنگرەو گلێرگەو دیموکراتېک (کەجەدە)ی، تەڤگەرو ژەنا ئازاڎیی (تەژەئا)ی، پارتو ھەرێمە دیموکراتېکەکا (دەبەپە)، پارتو دیموکراتېکو گەلان (ھەدەپە)ی، کۊنگرەو دیموکراتېکو گەلان (ھەدەکە)، جە ئەستەنبوڵ پلانەو بەرنامەو نەورۊزی ۋەڵاو کریاۋە.

نەورۊزو ئێساڵی جە ٤٣ۍ ناۋەنڎێنە پېرۊز کریۊ پلانەو بەرنامەو ۋەختو یاگۍ مەراسېمو نەورۊزی ۋەڵاوکریاۋە و یۋەم ئێرو نەورۊزی جە ١٥ و ئاداری جە مەنتېقەو شەمزینان و سەر بە جۊلەمێرگی کریۊۋە.

بەبۊنەو کۊکوشی ھەڵەبجەیۊ جە ١٦ و ئاداری حېچ جۊرە چالاکېێۋە مەلۊنە ڕاۋە.

١٧ و ئاداریچ پا وزمۍ ٤٠ەمېن ڕۊو بومەلەرزەکەو مەڕەشی، چا ڕوۋەنە حېچ چالاکیۍ سازمەکریۊ.

ڕۊو ٢١ و ئاداری دما ڕۊو چالاکېەکانو یۋەم ڕۊو نەورۊزی جە شارو ئامەڎیەنە پېرۊزکریۊ .

ھامۋەخت چنی ئا ٤٣ە ناۋەنڎا ئێرو نەورۊزی جە تەمامو شارو قەزاو دەگاکانە کریۊۋە و مەراسېمو پېرۊزبایی ملۊنە ڕاۋە.

بەرنامەو نەورۊزو ٢٠٢٣ ۍ جە ٤٣ ناۋەنڎێنە پی جۊرە ملۊ ڕاۋە:

-١٨ و ئاداری

" جۊلەمێرگ، خارپێت-دەپ، ئاگری-پانۊس، مووش-کۊپ، ئایدین-گەرمەنجېک".

-١٩ و ئاداری

" ئەستەنبوڵ، وان، ماردین-قۊسەر، جۊلەمێرگ-گەڤەر، دێرسېم، چەولک، ئێلح، سێرت، ئېدر، موش، ئەنقەرە، مێرسېن، ئانتالېا، ئېزمېر، ئایدین، موغڵا، دەنېزلی، مانېسا، بورسا، تەکېرداغ، بالکەسېر، کوجائلی، گەبزە، ئاگری بازید، بەدلېس-تاتوان، ساکاریا-عارفیە".

-٢٠ و ئاداری

" قەرس، ئاگری، ئەردەخان، مێردین، نسێبېن، ئەرزڕۊم-قەرەیازی".

-٢١ و ئاداری

" ئامەڎ، شڕنەخ، جزیرۍ، رحا-وێرانشار، چاناقڵا "

ھ.ش