چالاکا بەشدار جە ڕاپیمای درێژمەودای دماو تەمامکەرڎەی یەرەم ڕۆو ڕاپیماکەیشا جە ناوەندو گلێرگەو دیموکراتیکی کورڎی پەی یاڎکەرڎەیۆ گەشمەرڎا کورڎەسانی چالاکیشا سازکەرد.

جە چالاکیەکەنە شیلان پەلشینە ئەندامەو جوانە ژەنا کۊششکاری قسێش کەرڎۍ و باسش چانەیە کەرڎ کە چالاکیەکە میراتو گەشمەرڎانۍ پېسە رۆستەم، تاڤین، بەرژین، لەجوان، دیداری و فرەو گەشمەرڎا تەرین کە ژیۋای حەقەتینشا جە کەشەکا کورڎەسانینە دیۆ و جە ناوەندەکا سەرمایەداریۆ ڕاپیمای ئازادیشا بەرەو ئا کەشا دەسپنەکەرڎ و ڕاپیمای ماوە درێژیچ یاڎگاری و میراتو ئاڎیشان".

دماتەر ئەڎاو گەشمەرڎۍ، ئایتەن سونگورۍ واتش، "قەول واوەی مکەرمێوە کە جەهانێوە ئازاد و تازە خوڵقنمۍ کە ئاواتو گەشمەرڎا بۍ و واتش: "جە دژو تەوژمەو زیاڎ بیەی فاشیزمی مشۆم جوانۍ کۊشش بکەرا".

تاتەو گەشمەرڎە، خۆشناو عەتایچ قسێش کەرڎۍ و ئاماژەش پانەیە کەرڎ کە پەی حەقسانایۆ گەشمەرڎا، زەریفتەرین جواب وەڵۍ وستەی ئەرەکۊشاین. عەتا ئانەش وست ڕووە کە دۆڵاتا ئەرەگیری بە چەکی کیمیاویی هرووژم مکەرا سەرو گەریلای، بە تەکنەلۆجیاو ئۆروپای هرووژم مکەرا و ئانەیچش وست ڕووە، کە مشۆم جوانۍ ڕۆ دماو ڕۆی زیاتەر پەرە بە چالاکیەکاشا بڎا کە میراتو گەشمەرڎان".

لاو ۋێشۆ هۆزان جۆمەرد تاتەو گەشمەرڎەین، باسش چانەیە کەرڎ کە ڕاپیمای شۆڕشی ڕاپیماو حەقیقەتی و ئازادییا، ڕاپیماو گەشمەرڎان. هۆزان جۆمەرد سڵامش چا جوانا کەرڎ کە سەرو رێبازو تەڤگەری ئازادیی کورڎەسانی هەنگام منیا.

دماو قسەکا بەڵگەفیلمۍ سەرو هۊرسنگنایەکا رابەرو گەلوو کوردی عەبدوڵا ئۆجالانی پێوەس بە گەشمەرڎا نمایش کریا.

یاڎەکە بە گۆرانیەو 'ئەز شەهیدم'و هۆزان جۆمەردی دمایش پنە ئاما، ڕاپیمای درێژ مەودا ئارۆ شارو ئەسەنینە بەردەوام مەبۆ.