مەجلیسوو بنەیانەو گەشمەرڎاو گەرکی لەگی ئەرەیاوناێوەش پەی ڕای گردینی وەڵا کەردۆ و داواش کەرڎە، دەسوبرد ڕەوشوو ڕابەروو گەلوو کوردی عەبدوڵا ئۆجالانی ئاشکرا کریۆ دماو ئا بوومەلەرزەیە نزیکوو ئیمراڵیینە ڕووەش دا.
ئەرەیاونایەکە وەرڎەموو بیناو مەجلیسوو بنەیانەو گەشمەرڎانە شارۆچکەو ڕمێلانینە لاو ئەنداموو مەجلیسوو گەشمەرڎا عەلا دەهامی و بە ئامادەبییەی ئەنداماو مەجلیسە سەروازی و مەدەنییەکا و نوێنەروو هێزە سەروازییەکاوە ونیاوە.
ئەوەڵوو ئەرەیاونایەکەینە تیشک وزیان سەروو گۆشەگیریی ڕابەروو گەلوو کوردی عەبدوڵا ئۆجالانی و بێدەنگیی جیهانی و هێزە میاننەتەوەییەکا.
دلێچشنە ئامان: "چند جارێوە بوومەلەرزێوە دەوروبەروو ئیمراڵیینە ڕووەش دێنە، ئینەیچ نیگەرانێش کەردێنمێ دەربارەو ڕەوشوو ڕابەروو گەلوو کوردی عەبدوڵا ئۆجالانی، کە حیچ چیوێ بارەشەو مەژنەومێ و ڕا مەدریۆ بنەیانە و پارێزنەرێ سەرێش بدا و نیگەرانییەکاما نازا".
ئەرەیاوناکەی داوا کەرۆ: "ئا ڕێکوزیێ بانگەشەو ئینسانیەتی کەرا، پێویسا دەسوبەرد جموجووڵ کەرا و گۆشەگیریی ڕابەری ماڕا و ڕا بە سەرڎایکەرڎەی بدا". هەرپاسە جەختشا کەردۆ سەروو کۆشیای تا بەدیئارڎەی ئازادیی جەستەیی ڕابەروو گەلوو کوردی عەبدوڵا ئۆجالانی.
