چوارچوەو ئا هەڵمەتێنە پەی ئازاڎیی ڕابەروو گەلوو کوردی عەبدوڵڵا ئۊجالانی و چارەسەری سیاسی پەی پەرسەو کوردی جە ١٠و تشرینوو یوەمینە دەسش پەنە کەرڎەن، چندین وەڵاتاو ئەورووپاینە خێمۍ نریێرە.
چالاکییەکاو نیایرەی خێما، کە ٢٤وو تشرینوو یوەمینە دەسش پەنە کەرڎەبۍ، دووۍ ڕوۍ بەرڎەوامێنۍ. جە چند شارێوە تەریچنە دەس بە چالاکی کریا.
چالاکییەکە چوارچوەو ئا هەڵمەتێنە بۍ، کە پەی ئازاڎیی ڕابەروو گەلوو کوردی عەبدوڵڵا ئۊجالانی و چارەسەری سیاسی پەی پەرسەو کوردی ١٠و تشرینوو یوەمینە لاو هامڕا و دۊساو کوردیوە دەیان شارێنە دەسش پەنە کەرڎەن.
بۊرڎۊ
شاروو بۊرڎۊو فەڕەنساینە، ئی چوارشەممە خێمۍ وردریا، بە فەڕەنسی و ئینگلیزی زانیاریۍ وەڵۍ کریێوە، چالاکییەکەنە، وەڵاکریێوۍ سەروو گۊشەگیریی ڕابەروو گەلوو کوردی عەبدوڵڵا ئۊجالانی و کتێبەکاش وەڵا کریێوە.
کۊپنهاگن
چالاکیی نیایرەی خێما شاروو کۊپنهاگنوو دانیمارکینە، دوۍ ڕۍ بەرڎەواما.
چالاکییەکەنە وەڵاکریێوی دەربارەو گۊشەگیریی سەروو ڕابەروو گەلوو کوردی عەبدوڵڵا ئۊجالانی وەڵۍ کریێوە.
هیدایەت مەلا عەلی وەرکەوتوو کوردستانیوە چالاکیی وەرڎەموو پەرلەمانوو دانیمارکینە، واتش: "عەبدوڵڵا ئۊجالان، سەرەڕاو گردوو هەلومەرجەکا، مدرامان کەرۊ، دیدگاش پەی ئازاڎی و چارەسەری و ژیوای پێشکەش کەرۊ. بە هاگاداریکەرڎەی جە عەبدوڵڵا ئۊجالانی، ئینسان هاگابییەی جە گردوو بەهاکاو کوردی کەرۊ".
٢٦ۍ تشرینوو یوەمی چالاکییەکە دماییش مۍ.
دانهاگ
شاروو دانهاگوو هۊڵەنداینە، ئا چالاکییە ٢٤وو تشرینوو یوەمینە دەسش پەنە کەرد، بەرڎەواما.
ڕۊی دووەمنە، چالاکییەکە بە سەرمەشقایەتیی تەڤگەروو ژەناو کوردی، وەرڎەموو پەرلەمانوو هۊڵەنداینە لوا ڕاوە، زانیاریی دەربارەو گۊشەگیری وەڵا کریاوە، وەڵێکریێوەکۍ بەشۍ کریۍ.
