ئێشکگێریی داڎپەروەریی بنەیانەو زینڎانییا چنڎ شارێوەنە بەردەواما، چالاکییەکانە داواو "ئازاڎیی جەستەیی پەی ڕابەروو گەلوو کوردی عەبدوڵا ئۊجالانی و چارەسەری سیاسی پەی پەرسەو کوردی" وزیا وەڵێ.

ئامەد

چالاکییەکەو ئامەدی بە سەرمەشقایەتی کۊمەڵەو هامکاریی بنەیانەو زینڎانییا (توای دەر) بە داواو "ئازاڎیی جەستەیی پەی ڕابەروو گەلوو کوردی عەبدوڵا ئۊجالانی و چارەسەری سیاسی پەی پەرسەو کوردی" بیناو پارتوو یەکسانی و دیموکراسیی گەلا (دەم پارتی)ینە  لە ڕێزاننە ٧٧ ڕوێن بەردەواما.

فرەو کەسی سەرۍ چالاکییەکەیشا دا و درووشموو "بژیوۊ مرامانوو زینڎان"ی و "ماف، یاسا، داڎپەروەری" بەرز کەردۊ.

ئێلح

چالاکییەکەو ئێلح بە سەرمەشقایەتی (توای دەر) بیناو دەبەپە ١٨ ڕوێن بەردەواما.

ئانۍ سەرۍ چالاکییەکەیشا دا، ڕۊشنایشا وست سەروو مانگێرتەی جە واردەی زینڎانەکا و بانگەوازشا کەرد پەی گەورەکەردەی کۊشیای. سەردایکەرۍ چنڎین جارۍ درووشموو "ژەنی، ژیوای، ئازاڎی"ی و "بژیوۊ مدرامانوو زینڎان"ی و "بە کۊشیای سەرێگنمێ"یشا بەرز کەردۊ.

ئەدەنە

چالاکییەکەو ئەدەنەی بە سەرمەشقایەتیی کۊمەڵەو پەشتیوانی بنەیانەو زینڎانییا و حکومدریایاو ئەدەنە ٧٨ ڕوێن بەردەواما. ئارۊ ئەڎایاو ئاشتی و ڕاوەبەراو ڕێکوستەی دەم پارتی سەرۍ چالاکییەکەیشا دا. چالاکۍ ئەوەخوایشا کەردۊ، تا ئازاڎیی ڕابەروو گەلوو کوردی عەبدوڵا ئۊجالانی چالاکییەکەشا بەردەواما.

مێرسین

چالاکییەکەو مێرسینی بیناو کۊمەڵەو هامکاریی زینڎانییا و حکومدریایاو چوکرۊڤای  ٧٨ەمین ڕۊنە بەردەواما. درووشموو "ژەنی، ژیوای، ئازاڎی"ی و "بژیوۊ مدرامانوو زینڎان"ی و "بۍ سەرۊکی ژیوای مەبۊ" بەرز کریاوە.

یۊ جە چالاکاو ئەڎاو ئاشتی مەریەم ئەربەیە واتش، پێسە ئەڎایا درێژە بە کۊشیای مدا و واتش: "کرێڵوو ئاشتی وەرکەتوو دلێڕاسەینە بەڕێز عەبدوڵا ئۊجالانا. تا کورد ئازاڎۍ نەبا، تورکیچ ئازاڎۍ مەبا، حەروەخت سەرۊکایەتی ئازاڎ بی، گەلوو کوردی و گەلوو تورکیچ ئازاڎۍ با".

وان

چالاکییەکەو وانی بە سەرمەشقایەتیی کۊمەڵەو پەشتیوانیی بنەیانەو زینڎانییا (توای دەر)ی بیناو پارتوو هەرێمە دیموکراتیکەکا (دەبەپە)ینە ٧٧ ڕوێن بەردەواما.

یوە چانیشا کە سەرش دان، فاتمە ئەسڵانە سڵامش ئۊو مانگێرتا کەرد، داواو پەشتگیریی چالاکییەکەی و بەیاگەیاونای داواو زینڎانییەکاش کەردە. چالاکییەکە بە درووشموو "بژیوۊ سەرۊک ئاپۊ"ی و "بژیوۊ مدرامانوو زینڎان"ی و "بۍ سەرۊکی ژیوای مەبۊ"ی بێ.