چالاکییەکاو ئێشکگێریی داڎپەروەری نزیکەو ٣ مانگان بەردەوامێنێ
چالاکییەکاو ئێشکگێری داڎپەروەری پەی ئازادیی ڕابەروو گەلوو کوردی عەبدوڵا ئۆجالانی و چارەسەروو پەرسەو کوردی، چند شارێوەنە نزیکەو ٣ مانگان بەردەوامێنێ.
ئامەد
چالاکییەکەو ئامەدی بە سەرمەشقایەتیی کۆمەڵەو هامکاریی بنەیانەو زینڎانییا (توای دەر) بیناو ڕێکوستەی ڕێزانوو پارتوو یەکسانی و دیموکراسیی گەلانە (دەم پارتی) ٨١ ڕۆێن بەردەواما.
چالاکییەکەنە ئەداو ئاشتیی، ئاکلیمە هاناسە ئاماژەش بە گۆشەگیریی ڕابەروو گەلوو کوردی عەبدوڵا ئۆجالان و مانگێرتەی جە واردەی زینڎانییا و ئێشکگێری داڎپەروەریی داو واتش: "تا ئازادیی بەڕێز ئۆجالانی درێژە بە ئێشکگێری مدەیمێ. داوا جە ئەدا تورکایچ کەرمێ، پەی ئاشتی ئینایمێ چێگە و بەیدێ با دەمودەس ئاشتی و یەکسانی بێ دی، داواو ئاشتیی کەرمێ، دەسوو ئاشتی درێژ کەرمێ".
وان
چالاکییەکەو وانی بە سەرمەشقایەتیی کۆمەڵەو هامکاریی بنەیانەو زینڎانییا (توای دەر)ی جە ڕێکوستەی دەبەپەی ٨١ ڕوێن بەردەواما. چندین قەومێ زینڎانیێ بەشدارێ بێنێ و بەردەوام درووشموو "بژیوۆ سەرۆک ئاپۆ"ی و "بژیوۆ مدرامانوو زینڎان"ی بەرز کریاوە.
ئێلح
چالاکییەکەو ئێلح بە سەرمەشقایەتیی کۆمەڵەو هامکاریی بنەیانەو زینڎانییا (توای دەر) ٢٣ ڕوێن بیناو دەبەپەینە بەردەواما. کاندیدوو هامسەرۆکوو شارەوانیی ئێلحی، مەهدی ئۆزتوزون باسوو گرنگیی کۆشیای ئاشتییانەو ئەدایاش کەرد پەی ورگێرتەی گۆشەگیری و داواش کەردە پەی گەورەکەردەی پەشتیوانیی.
سەردایەکانە نەکاندا تیشکە وزیا سەروو مانگێرتەی جە واردەی زینڎانەکا و داوا کریا پەی گەورەکەردەی کۆشیا. ئێشکگێرییەکە بە گۆرانیێ و درووشمەکا دماییش ئاما.
