فەرماندەو ئۆپەراسیۆنە هامبەشەکا جابەجێکەردەی هجومە ئاسمانیەکا سەرکەوتێوە  وردش بە بەکارئاردەو هەلیکۆپتەرە ئێف ١٦ یش ئەرەیاونا، کە حەشارگێوە چەتەکا داعشیش جە کەشو حەمرینینە جە کەرکوک کەرد ئامانج.

 شانەو ئەرەیاونای ئەمنی ئەرەیاوناش، "هەڵای هەرمانەی مەیڏانیە بەردەواما پەی ئانەی هێزە ئەمنییە ئەوەمەڼنەکۍ داعشی بە سزاو وێشا بیاوا، هەرپاسە جە ئۆپەراسیۆنێ چۆنایەتینە بە پەشبەستەی بە زانیاری دروسی جە ڕاوەبەرایەتی هەواڵگری سەروازی، و لوای شۊنیرەی ورد جەلایەنو شانەی ئامانجی جە فەرماندەیی ئۆپەراسیۆنە هامبەشەکا، هێزە ئاسمانییەکێ بە بەکارئاردەو فڕۊکەی ئێف ١٦، هجومۍ ئاسمانی سەرکەوتەی و وردشا ئەنجامدا پەی سەرو حەشارگێوە تیرۆریستا داعشی جە کەشو حەمرینی جە چوارچێوە و کەرتو فەرماندەیی ئۆپەراسیۆنەکا کەرکوکی".

 هەرپاسە دەسەو هەواڵگری سەروازی ئۆپراسێۆنە هامبەشەکا ئاشکراش کەرد، جە بۆمبوارانەکەنە مەفرەزێوە چەتەکا داعشی کریێنێ ئامانج کە جە ٤ کەسا پێکئامێنۍ.

 بەشو شانەو بە ئامانج گێرتەی هەواڵگری سەروازی فەرماندەیی ئۆپراسێۆنە هامبەشەکا ، ڤیدیۆو بۆمواران کەردەو چەتەکا داعشیش وەڵاکەردۆ.