میدیاو جەنگی تایبەتی دۆڵەتو تورکی بانگەشەو ئانەی کەرۍ کە بەنداوو تشرینی ئینا چێرو کۆنترۆڵو سوپاو نەتەوەیی سووریای (NSA)ینە، بەڵام دیمەنەکۍ ئانەی بەروزا کە گرڎو بانگەشەکا دروێنۍ و چێوۍ پا جۆرە جە ئارانە نیا.

دماین دیمەنەکۍ کە جە بەنداوو تشرینیوە وەڵۍ کریێنێوە، بەرش وزا کە بەنداوو تشرینی بە تەمامی ئینا چێرو کۆنترۆڵو جەنگەوانا ئەنجومەنو سەروازی منبجی و هێزەکا قەسەدە، یەپەگەی و یەپەژەینە.

ڕۆنامەوانە دلۆڤان ئاسەمینە کە ئارۆ (٢٦و کانوونو یووەمی) سەعات ١٣:٠٠ بە کاتو ناوچەکەی لوێنە بەنداوو تشرینی، بە دیمەنەکاش ئاشكراش کەرڎ کە بەنداوو تشرینی بە تەمامی ئینا چێرو کۆنترۆڵو جەنگەوانانە.

'نمەبۆ کەس باوەڕ بە پڕوپاگەندەکا جەنگی تایبەتی بکەرۆ'

ڕۆنامەوانە دلۆڤانە جە دیمەنەکانە ئاماژە پانەی مکەرۆ کە ئینا بەنداوو تشرینینە، سەرنج وزۆ سەرو ئا پرو پاگەندا کە میدیاو جەنگی تایبەتی دۆڵەتو تورکی کە وچیۍ، بەنداوو تشرینی کۊتەن دەسو چەتەکا NSA. دلۆڤانە پېسە بەردەوامە مەبۆ جە قسەکاش : "گرڎو ئا پرۆپاگەندا دوورێنۍ جە حەقەتینیۆ و مەرامو جەنگی تایبەتینۍ پەی لاوازکەردەی باوەڕی گەلوو سەرنیشتی و ۋەرکۊتوو سووریای. ۋەرو ئانەی دۊڵەتو تورکی و چەتەکێش ئینۍ شکستەنە، ئینۍ وەڵاکەردەیۆ پڕوپاگەندەی ناڕاسینە. بەنداوو تشرینی بە تەمامی ئینا چێرو کۆنترۆڵو جەنگەوانا ئەنجومەنو سەروازی منبجی و هێزەکاو قەسەدەی، یەپەگەی و یەپەژەینە. پېسە موینمۍ جە دیمەنەکانە، بەنداوەکە بەتەمامی ئینا چێرو کۆنترۆڵو جەنگەوانانە. پۊکەی نمەبۆ کەس بڕوا بە پڕوپاگەندەکا جەنگی تایبەتی بکەرۆ."