'داڎپەروەری دما وزیۊ بۊ بە ستەم'
بنەیانەو شەنیاشاری کە پەی کەسوکارە کوشیایەکاشا ٨٢٢ ڕوێن، ئینۍ ئێشکگێریی داڎپەروەرینە ئەرەیاوناشا: "داڎپەروەری دما وزیۊ بۊ بە ستەم".
جە مەنتێقەو پرسوسوو رحاینە جە١٤ و حوزەیرانوو ٢٠١٨ قەومۍ و پاسەوانەکۍ پەرلەمانتاروو ئاکەپەی ئیبراهیم خەلیل یەڵدز هجوومشا کەرد سەروو بنەیانەو شەنیاشاری. جە هجوومەکەنە دووۍ کوڕۍ و هامسەروو ئەمینە شەنیاشارۍ کوشیێبێنۍ. ئەمینە شەنیاشارە چەنی فەرید شەنیاشاری کوڕیش کە چا هجوومەنە بریندار بییەبۍ جە ٩و ئاداروو ٢٠٢١ێنە دەسشا بە ئێشکگێریی داڎپەروەری کەرڎەبۍ. ئێشکگێریی بنەیانەکەی جە ڕۊ و ٨٢٢یەمینە درێژەش هەن. ئەمینە شەنیاشارە بۊ نەو نەوەشیوە نەتاواش بلۊ وەرڎەموو داڎگای و یانەنە درێژەش بە ئێشکگێری دا.
بنەیانەو شەنیاشاری سەروو هەژماروو وێشاوە جە تۊ ڕە تۊ ڕەکۊ مەڵایەتییەکانە هەژماروو وەزیروو داڎی یڵماز تونچ و وەزارەتوو داڎیشا تاگۍ کەرڎۍ و ئەرەیاوناشا: "ئەدا ئینا وەرڎەموو داڎگاو رحاینە، منیچ لە پەرلەماننە. ئێمە دەسبەرڎارۍ داڎپەروەری مەبیمۍ. داڎپەروەری ئەگەر دما وزیۊ ، بۊ بە ستەم. مەبیدۍ هامبەشۍ ستەمی".
س.ز
