ئێشکگێریی داڎپەروەری بە داواو ئازاڎیی جەستەیی ڕابەروو گەلوو کوردی عەبدوڵا ئۊجالانی و چارەسەری سیاسیی پەرسەو کوردی چند شارێوەنە بە سەرمەشقایەتیی بنەیانەو زیندانییا و ڕێکوزیا مەدەنییەکا بەرڎەواما.

وان

ئێشکگێریی داڎپەروەری واننە بە سەرمەشقایەتیی کۊمەڵەو هامکاریی بنەیانەو زیندانییا و حکومدریایا (توای دەر) پەی ئازاڎیی جەستەیی ڕابەروو گەلوو کوردی عەبدوڵا ئۊجالانی ٨٣ ڕوێن بەرڎەواما. چالاکییەکەنە بە درووشموو "بژیوۊ مدرامانوو زیندان"ی بەرز کریاوە. ڕێکوستەی دەم پارتی ڕاو ئاوریشمی و چندین کەسا سەرشا دا. قەومۍ زیندانییا ئەوەخوایشا کەرڎۊ، تا گۊشەگیریی ڕابەروو گەلوو کوردی عەبدوڵا ئۊجالان و زیندانییا ورنەگێرۊ، کۊشیای بەرڎەواما.

ئێلح

ئێشکگێرییەکەو ئێلحی بە سەرمەشقایەتیی توای دەری بیناو ڕێکوستەی پارتوو هەرێمە دیموکراتیکەکا (دەبەپە) ٢٦ ڕوێن بەرڎەواما. ڕاوەبەراو دەم پارتی و دەبەپەی و نوێنەروو ڕێکوزیا مەدەنییەکا سەرشا دا، بەشداربیۍ ناڕەزایەتییشا بەروست بەرابەروو فشاروو سەروو کوردا، شیعرۍ پێوەس بە ئازاڎیی ونیێوە.

درووشمی "ژەنی، ژیوای، ئازاڎی"ی و "بژیوۊ مدرامانوو زیندان"ی و "بە مدرامان سەرگنمێ" بەرز کریاوە و چالاکییەکە بە هەلهەلە و چەپڵۍ بەرڎەوام بی.

ئامەد

ئێشکگێرییەکەو ئامەدی بە سەرمەشقایەتیی توای دەر ٨٣ ڕوێن بیناو دەم پارتیینە ڕێزاننە بەرڎەواما. چالاکۍ بەشدار بیۍ پانێڵەکەو تەڤگەروو ژەنە ئازاڎانە (تەژەئا) بە ناموونیشانوو "پڕۊسەی ئاشتیینە، ڕاسیی ژەنا و پەرسەو گۊشەگیری" ژووروو بازرگانی و پیشەسازیینە.

مێردین

ئێشکگێریی داڎپەروەری بیناو ڕێکوستەی پارتوو هەرێمە دیموکراتیکەکانە (دەبەپە) مێردیننە بەرڎەواما،  چالاکۍ بەکوردی واناشاوە و گۊرانیۍ مدرامانیشا واتێ.

چالاکۍ پێوەس بە شاندوو سی پی تی، کە ئاما تورکیا و نەلا سەردای زیندانوو ئیمراڵی، کە ڕابەروو گەلوو کوردی عەبدوڵا ئۊجالانش چەنە زیندانیی کریان هەواڵشا دا و نرخنایشا پەی هەڵوێستەکەو سی پی-تیشا نرخنا و ناڕەزایەتییشا بەروست دژوو ئی هەڵوێستەیە.