ئیسماعیل حەقی پەکین، وەرپەرسی وەڵینو ئیستخباراتو ئەرکانی گرڎی سوپاو تورکی، جە بەرنامێوە تەلەفزیۆنینە بانگەوازو تیرۆرکەردەی بافڵ تاڵەبانی سەردارو یۆبیەی نیشتمانیی کورڎەسانیش کەرڎەبۍ. پارتو هەرێمە دیموکراتیکەکا (دەبەپە)ی سەبارەت پا قسا سەرو هەژمارو پەلیانەو ۋێشۆ جە بەیاننامێوەنە کاروەدایش نیشانەدا و ئا بانگەوازییەشە شەرمەزار کەرد. دەبەپە ئەرەیاۋناش کە بانگەوازی پەی تیرۆری جیا جە بێ ئەخلاقی سیاسی هەوڵێوەن پەی دەسوەردای و ئاژاوەگێڵنی جە ناوچەکەنە.

دەبەپە جە درێژەو ئەرەیاۋناکەیشەنە واتش: "ئی جۆرە قسە مەترسیدارە ورووژنەرۍ درێژەپنەداین بە سیاسەتو دوژمنایەتی بەینو گەلا.

هاکان فیدان وەزیرو جبەرو دۆڵەتو ئەرەگیرو تورکی، پەی هۆرگیسنای جەنگی جە ناوچەکەنە ئەرەیاۋنابێش، "ئەگەر پەنەواز بکەرۆ ٢مووشەکۍ جە سوریاوە تەقنمۍ و ماچمۍ سوریا بیەن". دەبەپە یاڎش ئاورڎۆ کە: "ئەقڵیەتو دۆڵەتی کە هێزی هەوڵو لکنای خاکو ۋەرنیشتی دۍ، ئەمڕۆ بە بانگەوازو تیرۆرکەردەیشا هەمان ڕاسی ئاشکرا مکەرۆ. گەلوو هەرێموو کورڎەسانی ئینۍ سەروبەرو هۆرچنیەینە پەی یەکلایی کەردەیۆ چارەنوویسو ۋێشا. جە هەمان کاتەنە ئی هۆرچنیەیە پەیوەندی ڕاسەوخۆش بە ئاینڎەو ئەرەگیریەکاوە هەن. ئێمە فرە عال مزانمۍ کە حکوومەتو ئاکەپە-مەهەپەی بە هامپەیمانی و ڕێککۆتە گڵیاوەکاش، هەوڵو دەسوەردای جە هۆرچنیەکا هەرێمو کورڎەسانی مڎۆ و گەرەکشا سەرو بنەماو هێڵۆو ئەرەگیریەکاش شکس بە هۆرچنیەکا بارۆ. پەنەوازا ڕای گرڎی ئینەی بزانۆ کە مەڵامەتو ئا گرڎ ئاژاوەگێڵنیا جە کاتو هۆرچنیەکا هەرێمو کورڎەسانی کەسانێوەنۍ کە ڕاسەوخۆ جە دژو کوردا بانگەوازو کۆمکوژی مکەرا و گەورە سیاسییەکێشا ڕەوایەتی پا جۆرە قسا مڎا.

دەبەپە جە دما دمایی ئەرەیاۋناکەیشەنە ماچۆ: "بانگەوازیەکەو پەکینی دەنگو ئا کوتلە تاریکانە کە گەرەکشانە ملەملانەکا جە ناوچەکەنە قورستەر بکەراوە و ئەرەیاۋنانش؛ جە هەر گلێرگێوە دیموکراتیکەنە بانگەوازی پەی کوشتەی و تیرۆری نییا و قسەو باسش سەر نمەکریۆ. ئێمە جە گرڎ کاتێ زیاتەر جە دژو ئی عەقڵیەتەیە مردمێوە و جارێوەتەر ماچمۍ تورکیا مشۆم دەس جە سیاسەتو کوشتەی و تیرۆری هۆربگێرۆ. ئێمە پېسە دەبەپەی ئی عەقڵیەتە و هەر قسێوە فاشیستیانەی بە تنی شەرمەزار مکەرمۍ و دژو گڕد جۆرە هرووژم و پەلاماردایێنمۍ کە بۆ بە مەڵامەتو ئانەی مافو ئاشتی و ژیۋای گەلی تێک بڎۆ."