دێرەزۆرەنە هرووژمێوە چەتەکا داعشی دلێنە بریان
هێزەکێ ئاسایشو دلینەی ئەرەیاوناشا هیزی چەتەکێ ڕێکوزیا و تیرۆریستو داعشی هرووژمشا کەردەن سەرو نوقتێ ئەمنی هێزەکاشا جە ناوچەو زیبانی و دەموو دەس هرووژمەکە دلێنە بریان.
فەرماندەو گرڏی هێزەکا ئاسایشو دلینەی دەربارەو هرووژمەکا هیزی چەتەکا داعشی پەی سەرو مییانگەکاشا جە دەگاو دێرەزۆری ئەرەیاونێوەش وەڵاکەردۆ.
سەرەتاو ئەرەیاوناکەینە دەستنیشان کریان هێزەکێشا گرڏ ئامادەکاریێ ئەمنیشا جە دژو زیاڏ بییەی هرووژم و جموجۆڵەکا چەتەکا ڕێکوزیاو تیرۆریسو داعشی کەردەن و ئامان: " شانێوە چەتەکا داعشی هیزی سەعات ٢١:٠٠ هرووژمشا کەرد سەرو مییانو هێزەکاما جە ناوچەو زیبانو کانتۆنو دێرەزۆری. بە جوابدایۆ دەموو دەس و هێزەکاما هرووژمەکە دلێنە بریا."
ئاماژەش پانەیەدا چەتەکێ داعشی بە چەکی ئار پی جی هرووژمەکەشا کەردەن و بەڵام هیچ زەرەرێ گیانی بە هێزەکاشا نەیاوان.
جە دما دماینە ماچۆ: "واوەیش مکەرمێوە هێزەکێنا درێژە بە ئەرکەکاشا مڏانە جە دژو هرووژمەکا چەتەکا داعشی کە ئامانجشا شێونا و ئاسایشو هەرێمەکەین."
