ڕێکخراوی ئیکۆلۆژی کوردستان لە ئەورووپا (تەڤ-ئیکۆ) و ڕێکخراوی ژینگەیی (Klima Streik) سویسری لە شاری بێرن دەربارەی تێکچوونی کەشوهەوای جیهانی و تاڵانی ئیکۆلۆژی لە کوردستان پانێڵێکییان ڕێکخست.
پانێڵکە لە ناوەندی پۆلەتیک بیبلۆتیک ڕێکخرا و تێیدا ئیکۆلۆژیست، ڕێکخراوە ژینەگەییەکانی سویسرا و ئەندامانی ناوەندی کۆمەڵگەی دیموکراتیکی کوردانی بێرن بەشداربوون.
لە پانێڵکەدا هەڵسەنگاندن بۆ کاریگەرییەکانی سیاسەتی دەوڵەتان لەسەر ژینگەی کوردستان و تێکچوونی کەشوهەوای جیهانی کرا.
هەر لە پانێڵکەدا چالاکوانە ژینگەییە سویسرییەکان توێژینەوە ژینەگەییەکانیان خستەڕوو کە بەشێوەی مەیدانی لە ئامەد، شڕناخ، وان و ئیلح ئەنجامیان داوە و دەستنیشانیان کرد وشکردنی سەرچاوە ئاوییەکان، سووتاندی دارستانەکان و لێدانی کانە کانزییەکان ژینگەی هەرێمەکەیان بەرەوە لەناوچوون بردووە.
لە بەردەوامی پانێڵەکەدا چالاکوانی ژینگەیی سەلما قەرەسوو ئەندامی تەڤ-ئیکۆ باسی لە کارەکانی ڕێکخراوەکەیان کرد کە لە ئەورووپادا ئەنجامیان داوە.
پانێڵکە بە کۆدەنگی و بانگەوازی بۆ کاری پێکەوەیی ژینگەیی کۆتای هات.
