لەمەودوا لە ئێران هەمووان گومانلێکراون
دوای هێرشەکانی ئیسرائیل بۆ سەر ئێران فشارەکان بۆ سەر خەڵک گەیشتووە قۆناغێکی نوێ. دەوڵەتی ئێران کە هێشتا لەسەر پێیە، بە تۆمەتی سیخوڕیی بەشێوەیەکی سیستەماتیک دەستیکردووە بە شاڵاوی دەستگیرکردن و گرتن.
دوای شەڕێکی ١٢ ڕۆژە، بە ئاگربەستی ٢٤ـی حوزەیران، بە تۆمەتی هاوکاریکردن لەگەڵ ئیسرائیل و سیخوڕی پڕۆسەیەکی بێڕەحمانەی فشار بەڕێوە دەچێت.
دوای ناڕەزایەتییەکانی ساڵانی ٢٠١٨ و ٢٠١٩ و ساڵی ٢٠٢٢ـی کاتی سەرهەڵدانی ژن، ژیان ئازادییشدا بارودۆخێکی هاوشێوە هەبوو.
بەگوێرەی ڕێکخراوەکانی کۆمەڵگەی مەدەنی، بەهۆی هێرشەکانی ئیسرائیلەوە خواستێکی تۆڵەکردنەوە و فشاری دەوڵەت ڕووی لە خەڵک کردووە. دروستکەری دەوڵەتی ئێستاکەی لەسەرپێ ماو، گرووپە ئیتنیکی و ئۆپۆزسیۆنەکان دەکاتە ئامانج.
بەگوێرەی ڕێکخراوی لێخۆشبوونی نێونەتەوەیی و ڕێکخراوە مەدەنییەکانی پارێزەری مافەکانی مرۆڤ ئۆپۆزسیۆنەکان، ئەوانەی لەسەر تۆڕی کۆمەڵایەتی ڕەخنە دەگرن، کورد، بەلوچ، کۆچبەرانی وەک بەهایی یان ئەفغانی دەکرێنە ئامانج. ئەم کۆمەڵەیە، لەپاش هەر ڕووداوێک بەشێوەیەکی سیستەماتیک وەک قوربانی بەئامانج دەگیرێن.
بەڵام بەگوێرەی ڕێکخراوەکانی کۆمەڵگەی مەدەنی، چیتر کەس لە ئاساییشدا نییە. هەمووان لە چاوی هێزە ئەمنییەکاندا گومانلێکراون.
هەبوونی درۆنی چاودێری، بەکارهێنانی واتسئەپ، یان بەکارهێنانی هەر خزمەتگوزارییەکی ئینتەرنێتی ستارلینک ڕەنگە ببێتە هۆکاری زیندانیکردن.
ڕێکخراوەکانی کۆمەڵگەی مەدەنی ئاماژەیان بەوە کردووە، لەماوەی شەڕی ئیسرائیل و ئێراندا بەسەدان کەس دەستگیرکراون. ئەو کەسانەی کە بە سیخوڕی تۆمەتباردەکرێن، ڕووبەڕووی دادگاییکردنی بەپەلە و سزای زیندانیکردن، تەنانەت لەسێدارەدانیش دەبنەوە.
