شەڕی ئێران-ئیسرائیل؛ لە ماوەی ١٢ ڕۆژدا ٦٢٧ کەس گیانیان لەدەستدا
وەزارەتی تەندروستیی ئێران ڕایگەیاند لەماوەی ١٢ ڕۆژی ڕابردوودا لەئەنجامی هێرشەکانی ئیسرائیل لانیکەم ٦٢٧ کەس گیانیان لەدەستداوە، چوار هەزار و ٨٧٠ کەسیش برینداربوون.
بەگوێرەی وەزارەتەکە زۆربەی قوربانییەکان لە تارانی پایتەخت و شاری کرماشانی ڕۆژهەڵاتی کوردستان گیانیان لەدەستداوە.
حوسەین کەرمانپور، لێپرسراوی پەیوەندییە گشتییەکانی وەزارەت ئاماژەی بەوە کرد، لانیکەم ٦٢٧ کەس گیانیان لەدەستداوە، چوار هەزار و ٨٧٠ کەسیش برینداربوون.
هەروەها ئاماژە بەوەش کراوە، لەئەنجامی هێرشەکان ٣٥ فەرماندە و سەربازی ئێرانی کوژراون.
باس لەوەش کرا، لەئەنجامی هێرشەکان ٥٠٠ باڵەخانەی نیشتەجێبوون زیانێکی گەورەیان بەرکەوتووە و ١٢ باڵەخانە بە تەواویی ڕووخاون.
