هامسەرۆکاو کۆن-مەدی روکەن ئاکچا و کەرەم گۆک قەرار و ئامانجەکې کۆنگرەکەیشا هۊرسەنگنې و واتشا: "جە چوارچێوەو ئا قەرارا جە کۆنگرەکەنە دریێنې، مۆدێرنیتەی دیموکراتیک و یۊبیەی نەتەوەیی پێکمارمې."
کۆنفدراسیۆنو گلېرگەو دیموکراتیکی کوردەسانیا جە ئەڵمانیا (کۆن-مەد) ٢٢ې حوزەیرانی جە بێرگیش گلادباخ چوارەمین کۆنگرەو ئاسایی ۋێش بینا.
هامسەرۆکاو کۆن-مەدی روکەن ئاکچا و کەرەم گۆک سەبارەت بە قەرار و ئامانجەکا کۆنگرەکەیشا، ئا قەرارې دریێنې پەی ئاژانسوو هەواڵوو فوراتی (ANF)ی قسێشا کەردۍ.
کەرەم گۆک ئاماژەش پانەیە کەرد کە ئاڎې کۆنگرەکەی پېسە پڕۆسېوە موینا و واتش، "ئێمە یەرې چوار گلېرۊبیې ۋەرفراوانېما کەردې. جیای کۆمیتەو ئاماڎەکاری گلېرۆبیەیما جە بەینو ۋێمانە ڕێکوست. چنی هامسەرۆکاو فدراسیۆنەکا گلېرې بێنمېوە. پرسە هەنووکەییەکا هۊرسەنگنێنمې تاوەکو جە گلېرۊبیەو لوجنەو ئاماڎەکارینە وزیا ڕووە. بەگوێرەو ئا گفتوگۆیا کە کریې بەرکۊت کە کۆنگرەکەما هینە ڕۆ و دووە ڕۆی نەبې، کۆنگرەو ماوێوە بې. واتا کۆنگرەکەما پەی ساتێوە نەبې. کۆنگرەکە پڕۆسېوە بې."
ڕوکەن ئاکچایە سەرنجش وست سەرو لایەنو کۆمەڵایەتیی ئامادەکارییەکا کۆنگرەکەی و واتش، "کۆن مەد جە ئەڵمانیانە هێزی هەرە کۆمەڵایەتی سیاسیی ڕێکوزیا و کوردین. مشۆم وچیۆنە جە ئەڵمانیانە کە دووێ ملیۆن کوردێش چنە مژیوا، نوێنەری هەرە کاریگەر و کۆن مەدا. حەر پۆکەی خاوەنداریی کۆمەڵایەتیی جە کۆنگرەکەی، پەی سەروەریی سەر و ڕۆژەڤو کۆنگرەکەی و بەشداریکەردەی دلێشنە، هەرمانێ کۆمەڵاتییە لوا ڕاوە."
کەرەم گۆک ئەرەیاوناش کە جە کۆنگرەکەنە بە گرڏی ٣٤ قەرارێ دریێ و ئاماژەش پانەی کەرد کە بەشێوێ سەرەکی ئاماژە پانەی دریان کە پەنەوازا کلتوورو دیموکراسی بە سەرمەشقایەتی ڕێکوزیا کە و ئێمە بەرەو وەڵێ بریۆنە. ئەرەیاوناش، ئەڵمانیانە کورد جە ڕوانگەی سیاسییۆ زیاتەر جە ٣٠ ساڵان ڕووبەڕوو نادادپەروەری بۆوە و واتش، "حەر پۆکەی جە ئەرەمەزنارە و کۆن مەددینە ئێمە وەڵێ گرڏ چێوێ لایەنێوە یاساییما ئەرەمەزنا. کە وەڵێ گرڏ چێوێنە مافە یاساییەکاما بە بەهێزی پارێزنمێ. لێوە تەرۆ دلێ سیاسەتو ئەڵمانیاینە ناکۆکی هەن. لێوەتەرۆ بانگەوازەکەو ڕابەر و گەلوو کوردی عەبدوڵا ئۆجالانی ئەرێنی وینۆ، سەبارەت بە هەنگام نییای بەرەو چارەسەریی نامە پەی تورکیای کیانۆ، جە لێوەتەرۆ هامسەرۆکی وەڵینو کەجەکەی یوکسەل کۆچ، کە وێش دلێ سیاسەتو کوردینە جە ئەڵمانیانە ئشناسیان، جە پڕۆسەو ئاشتینە ئەڵمانیانە گیریۆ کە ئینەیچ ناکۆکییا. داواکاریی ئێمە ڕاسکەردەیۆ ئی ئاژەینە. ئێمە داوا جە وەزارەتو کاروبارو هونەریی ئەڵمانیای مکەرمێ دەس جە کریمیناڵیزەکەردە و کوردی هورگێرا. ئی نەژادپەرسیی ئەنتی-کوردە زەرەر بە دیموکراسیی ئەڵمانیای یاونۆنە.
تایبەت بە ڕاوەبەردە و کاروباری دیپلۆماسیچ بڕێ قەرارێ دریێ. جە سەرەتانە گەرەکمانە پەیوەندییەکاما چنی حکومەتو ئەڵمانیای بەهێز بکەرمێ، چنی پەرلەمانی و ئەرەمەرزییاکا تەری پەیوەندی وەش بکەرمێ.
جە کۆنگرەکەمانە تایبەت بە بەهێزکەردە و هەرمانە کلتووریی و هونەرییەکا، وەڵێ وستە و زوانو ئەڏێ و پەروەردەی قەرار دریا. هەرپاسە پەی زیاڏ کەردە و هەرمانە پەروەردەییەکا کاتی تازە دیاریکریا.
ڕوکەن ئاکچایە ئاماژەش پانەی کەرد، "بە پارادایمو مۆدێرنێتو دیموکراتیکو ڕابەر ئاپۆی هەوڵمڎەیمێ گلێرگێوە ڕێکوزیا بنیاڎ بنییەیمێ و پێسە و کۆن مەدی جە دووێ ساڵێ ئایندەنە بە سەرمەشقایەتی ژەنا و دینامیکو جوانا سەر و بنەماو ئەنجوومەن و کۆمونەکا هەوڵمڎەیمێ کوردی جە ئەڵمانیانە بەڕێکوزتەی بکەرمێ. پێسە و کۆن مەدی بانگەواز پەی گرڏ و پارتە سیاسییەکا، ئەرەمەرزییاکا و پلاتفۆڕمەکا کوردی جە ئەڵمانیانە مکەرمێ پەی یۆبییە و نەتەوەیی چێرو چەترێنە گلێرێ بیمێوە. ئەوەکۆشای دیموکراتیکی یۆ وزمی و گۆرەش بکەرمێ."
هەرپاسە ڕووکەن ئاکچا بانگەوازش پەی دۆڵەت و ئەرەمەزیا ئەڵمانییەکا کەرد کە گۆش جە داواکارییەکا گەلوو کوردی گێرا و ڕاو دیموکراسی گێرانە وەر.
