بایەکی سارد کە لە کیشۆری بەستەڵەکی باشوور (ئانتارکتیکا)ەوە هات، کاریگەری لەسەر سێ وڵاتی ئەمریکای باشوور هەبووە. پلەکانی گەرما لەم هەرێمانەدا بۆ خوار 0 پلەی سەدی دابەزیوە. حکومەتەکان کێشەیان هەبووە بۆ دەستەبەرکردنی دابینکردنی غاز و پلانی پەناگەی فریاگوزاری. لە ئەرجەنتین بەپێی ڕێکخراوی کۆمەڵگەی مەدەنی "Proyecto7 "، لە زستانی ئەمساڵدا لایەنیکەم نۆ کەسی بێ ماڵ بەهۆی سەرماوە گیانیان لەدەستداوە. 

هۆشداری زەنگی سوور لە ئۆرۆگوای 

لە ئۆرۆگوای شەش کەس گیانیان لەدەستدا. لە سەرتاسەری وڵات هۆشداری "زەنگی سوور" ڕاگەیەندرا. حکومەت کەسانی بێ ماڵی گواستووەتەوە بۆ ناوەندەکانی خۆپاراستن. 

لە چیلی بۆ کەسانی بێ ماڵ پلان جێبەجێکرا 

لە چیلی بۆ ڕۆژانی زۆر سارد بۆ ئەوکەسانەی بێ ماڵن پلانی شوێنی خۆپاراستن جێبەجێکرا. بەپێی ئامارەکانی وەزارەتی کەشناسی چیلی، لە شاری چیلان کە ٤٠٠ کیلۆمەتر لە باشووری سانتیاگۆوە دوورە، پلەکانی گەرما بۆ خوار ٩ پلەی سەدی تۆمارکراوە. لە هەندێک هەرێمە بیابانییەکانی ئەتاکاما کە وشکترین بیابانی جیهانە، بۆ یەکەمجار لە ماوەی ١٠ ساڵدا بەفر باریوە. 

پێشبینی کراوە لە چەند ڕۆژی داهاتوودا دۆخی هەرێمەکە باشتر بێت.