داواکارییە تاریخییەکەو ڕابەر ئاپۆی سەرانسەرو جەهانینە دەنگش داوە. دۆسا گەلوو کوردی بە تامەزرۆییۆ بە پەیامە تارخییەکەی چەمەڕاو سەردەمێوە تازەی مکەرا. هەرپاسە هێزە دیموکراتیکەکا، چەپەکا ئەوروپای و ڕێکوزیاکا مافو مرۆڤی جە نزیکۆ لوا شۆنیرە پەی پێشهاتەکا مکەرا.

سەرۆکەو دادگاو هەمیشەیی گەلا ئیتالیای گیانی تۆگنۆنیە و یۆنە جە نوێنەرو مافو ژەنە نەتەوە یۆگێرتەکا ئەڵمانیای و ماریون بۆکەر سەرۆکو هامپەیمانی مییانەتەوەیی ژەنا، ئەرەیاوناشا کە ڕابەر ئاپۆ هەنگامێوە گۆرەش بەرەو دیموکراتیزاسیۆن و چارەسەری پرسو کوردی دەس پنەکەردەن. ئەرەم کانسۆ جە مەدیا حەبەرۆ چا بارۆ پرسیارەش جە تۆگنۆنیە و بۆکەری کەرد، ئاڏش جواب و پرسیارەکاشا داوە. تۆگنۆنیە و بۆکەر ئاماژەشا پامەیە کەرد کە جە پرۆسێوە پاسە جدیی و قووڵەنە مشۆم ڕابەر ئاپۆ بە شێوێ  جەسەیی ئازاد بکریۆنە.

گێڵایۆ تورکیای پەی مافەکا مرۆڤی و دەرفەتو ئەندام بییەی جە یۆبییەی ئەوروپای زیاتەر مکەرۆ

ماریان بۆکەر ئاماژەش پانەیەدا کە پەیامەکەو ڕابەر ئاپۆی کاریگەریێ فرەش ونە کەوتۆ و واتش: "ئینە با مانێ مێ کە ئەر کورد پێسەو سەرۆک شارەوانیش پۆستو سەرۆکایەتیچ گێرۆنە دەس یان بلۆنە پەرلەمان، ئانە داواکارییەکێس جە وێڕاوەبەری و چالاکییە سیاسییەکا ئیتر پێسەو 'تیرۆر'ی تەماشە مەکریۆنە و سزا مەدریۆ. ئا دۆخە بە تەمامەتی مەمەنۆنە و دمایش مێ. پی جۆرە دۆڵەتو تورکی بە پەشتبەستەی بە بەرژەوەندی و داواکارییەکا کوردی و تورکی، زیاتەر ئاسانکاریش پەی مکریۆ. بە پەین

واو من ئینە نەک هەر زەمینە پەی ئاشتی جە تورکیانە وەش مکەرۆ، بەڵکووم حکومەتو تورکی مەجبوور مکەرۆ واز جە کۆمکوژی کورد بارۆنە جە سەرنیشتوو و وەرکەوتوو سووریاینە.

پەنەوازا ئۆجالان پێسەو ڕابەرو گەلوو کوردی جە زینانە ئازاد کریۆنە و مشۆم نزیکۆ تاوۆنە قسێ چنی گەلی و نوێنەرەکاش بکەرۆ. پۆکەی مشۆم ئازاد بۆنە. هیوادارێنمێ ئا داواکارییە جابەجێ کریۆنە، ئینە داواکاری گرڏو مییانگەکا ئەنجومەنو ئەوروپاین. دۆڵەتو تورکیای مشۆم دمای بە گرڏ جۆرە سیاسەتێ فشارێ و هەڕەشێ جە دژو کورد بارۆنە . جە هەمان کاتەنە پەنەوازا جە وڵاتا هامساینە جە عێراق و سەرنیشتوو و وەرکەوتوو سوریای، ئێران دەس چا سیاسەتا هورگێرۆنە. ئانەیش ئەرەیاونا: "ئینە دەرفەتێوەن  گێڵایۆ تورکیای پەی ئاشتی و مافەکا مرۆڤی و ئەندامێتی جە یۆبییەو ئەوروپاینە.'

داواکارییەکە فرە ڕۆشنا

گیانی تۆگنۆنو جەختش چانەیە کەردۆ کە دۆڵەتو تورکیای مشۆم جواب و داواکارییە تاریخییەکە و ڕابەر ئاپۆی دۆوە و ئەرەیاوناش: داواکارییەکە فرە ڕۆشنا، بەڵام ئی داواکارییە داواو هێڵێوەش مکەرۆ. کەواتە داواکارییەکە فرە گرنگا، بەڵام مشۆم لایەنی وەراوەریش ئامادە بۆنە پەی وەشکەردەو هەلومەرجو دیموکراتیکی. بێگومان هەتا ئۆجالان زینانەنە بۆنە ئی پرۆسە سەرمەگنۆنە."

ئازادکەردە و ئۆجالانی نەک تەنیا پەی تورکیای و وەرنیشتی گرنگا، بەڵکووم پەی تەمامو وەرکەوتوو دلێڕاسەی گرنگی وێس هەن پۆکەی پەنەوازا ئاشتی پێسەو ڕوانگێوە وسیۆ ڕووە. ئۆجالان داواکارییەکەش ئەرەیاونا. پۆکەی مشۆم دۆڵەت ئیتر جوابش بڏۆوە.'