کۆنگرەو ١٢ـەمینو پەکەکەی جە ٥-٧و ئایارینە بەسەرکۊتەیی جە هەرێمەکاو پارېزنای مەدیاینە ئەنجام دریاو چنەشەنە قەرارو دمایئاردەیش بە گرڎو ئا هەرمانا دا کە بەنامۍ پەکەکەیۆ کریێنۍ.

جە دمادمایی کۆنگرەکەینە جە ئەرەمەرزنەرا پارتو کرێکارا کوردەسانی (پەکەکە) دوران کاڵکان وتارێوە وردە و کاریگەرەش پێشکەش کەرڎە.

وتارەکۍ دوران کاڵکانی پی جۊرەنە:       

"چی یەرە ڕووەنە، جە چوارچێوەو دیدگا و داواکاریەکا ڕابەر ئاپۆینە، گفتوگۆیۍ گرنگما کەرڎ و قەراری تاریخیما دا. بێگومان ئەر ئی قەرارە جە ئاستی باڵانە جابەجێ بکریۆ، پرۆسێوە تازە دەس پنە مکەرۆ. سەرو بناغەو ئەوەکۊشای ئازادی کوردەسانی، پەی دیموکراتیکبیەو ۋەرکۊتوو مېیامینی و وەڵێکۊتەی ژیۋای دیموکراتیکی مرۆڤایەتی پرۆسێوە گرنگ دەس پنە مکەرۆ. ئێمە باوەڕیما پینەینە. پی کۆنگرەیە ئێمە بە ئاشکرا پلانسازی و پێناسەما پەی ئی پرۆسەیە نەکەرد. بەڵام ئێمە تا دمایی ڕاما پەی وەش کەرڎ. ئێمە بە ڕۊشنی باسما چانەی کەرڎ کە چێش پەنەوازا، پەنەوازا چێش فاڕیۆ و چ چێوۍ سەرو ئی بنەمایۍ جیامەنۆ. ئینەیچ ۋێش جە ۋێشەنە ئەنجامێوەن. سەرو بنەماو ئی ڕا وەشکەردەیە، ئێمە جە دڵۆ باوەڕیما چامنەن کە سەرو هێڵۊو ئاپۆیی هەنگامەی وەڵێکۊتۍ تازۍ منریۆ. هیواو سەرکۊتەی موازمۍ پەی ئا ئەوەکۊشای و هەوڵا سەرو ئی بناغەیە ئەنجام مڎریا. هیواڎارێنمۍ پەی گەلو کوردی و ژەنا و جوانا و گەلا تورکیای و ۋەرکۊتوو مېیامینی و تەمامو مرۆڤایەتی، ئازادی و یەکسانی و خێرە و دادپەروەری و وەڵێکۊتەی گرنگ شۊنەو ۋێشەرە بارۆ. هیواڎارێنمۍ ئی قەرارۍ ئێمە، بۆ بە مایۍ گرڎ جۊرە وەڵێکۊتەیۍ ئازادیوازانەی. گفتوگۆکێما سەرو سیاونوسو قەرارەکا، بە بەشداریێوە گرڎین و ئاژێوە قووڵ و شەفافەنە لواڕاوە. عال و ماناڎار بۍ. پەیلوایما چامنەن، بە سەرکۊتەی مېیاوۆ ئەنجام.

دماجار متاویۆ چێش وچیۆ؟ ئی دمایی پنەئاردەیە ڕا وەشکەری تازۍ گېرۊنە ۋێش. پۊکەی پېسە هەمڕایا وەڵتەر قسێشا کەردێنە و واتەنشا، یاگۍ جۆش و کەیف وەشییا. بە ماناو دلېنەشیەی، تەمام بیەی، دمایئارڎەی، شیبیەیۆ، مەردەی نییا. بەپێچەوانۆ بە ماناو ژیوایۍ بەهێزتەری و کاریگەرتەری و حەقەتینەتەری مۍ، ڕا وەشکەرا پەی ئینیشا گرڎی. پۊکەی متاومۍ بڕۍ چێوێ واچمۍ. ئەر پی جۊرە نەبیۍ نەتاوێنمۍ حیچ واچمۍ. پۊکەی ڕەنگە بە ئیسفاڎەبۆ سەرنج وزمۍ سەرو بڕۍ چێوۍ تایبەتی. ئینە ١٢هەمین کۆنگرەو پەکەکەیا. جگە جە کۆنگرەو چوارەمی جە گرڎو کۆنگرەکا پەکەکەینە بەشداریم کەرڎەن. پۊکەی من جە هەڤاڵە شانس دارەکانا، چا کەسانا کە پارتەکەما دەرفەتش پنە بەخشان. جە سەیەو دووروینی ڕابەر ئاپۆی و هێزو ڕاوەبەردەیش و ڕەنج و هەوڵەکاش، پەکەکە دلېنە نەشی. چی دماییانە واتش من مەسیح نیەنا، چن جارێوە واوەیش کەرڎۆ. گەرەکش بۍ واچۆ، من گرڎ چێوۍ بە ڕەنج، بە کۊشش خوڵقنو، ٢٤ سەعاتۍ چنی ئی پرسیارا مژیوو، چنەشا ورد بووە. ئا پرۆسەی کە ۋېیەردەن پی جۊرە بۍ. ئەر بە مەعنێوە تەسکەرە تەماشەش بکەردۍ، ماچدۍ پەکەکە سەرکۊتەیش بەدەس ناورد. بەڵام مقارنە پا چێوەی کە بە سەرکۊتەی نامۍ بریۆ، چڼ قات و سەڎان قات سەرکۊتەیش بەدەسئارڎ و وەڵێکۊتەیش خوڵقنا. جە ماوەو ئەوەکۊشای ٤٧ ساڵەینە، بڕۍ پەرسانەو ماچا "فڵان چێشش کەرڎ، پەکەکە چێشش وەشکەرڎ"، ئینسان متاوۆ جوابو پرسیارەو "ئێمە چێشما وەشکەرد؟"ی بڎۊوە. تاریخێوەش سەرو بن کەرڎۆ. پەی کوردی و کوردەسانی ئینە پێکئاما، ئەر هەنگامەکۍ ڕابەر ئاپۆی و ئەوەکۊشای ٤٧ ساڵەو پەکەکەی نەبیۍ، چێوۍ بە نامۍ کورد بیەیۆ نەمەنۍ. مشۊم هەڤاڵایچ بەڕاسی ئینەی بزانا. ژیۋایما شایەتو ئینەینە. ئینە وەسف و پەسینای نییا، ستایشو پەکەکەی نییا. پۊکەی باسو ژیۋایۆ کوردی مکریۆ. بەڵێ، سەرجەنۆ بیەی، هەستکەردەی بە ۋێ، لوایۆ سەرو ڕاو ئازادی، وەشکەردەی ئیرادەی و هۆشیاریی ئازادی، ئینۍ گرڎ جە ڕاو پەکەکەیۆ بەدیئامۍ. ڕاسا، کاتێ پەکەکە ئەرەمەرزیا، جمېیەرو چەپ و سۆسیالیست جە تورکیانە چڼین گرووپێشا پێکئاوردۍ، حەریۊشا بەهێز بۍ. هێزو پەکەکەی ئڼەو نیمەو هێزو بەشێوە چا ڕێکوزیایا نەبۍ. ڕابەر ئاپۆ واچۍ "جمېیەرە چەپەکۍ تورکیای بەهێزۍ بێنۍ، جە تورکیانە هەرمانە کەرێنۍ، ئێمە ڕووەما کەرڎە کوردەسان تا کوردەسانی بیاونمۍ پا ئاستیە". واتش "ئاستو هۆشیاری و ڕێکوستەی جە کوردەسانەنە دما کۊتە بۍ". پۊکەی ڕووەش کەرڎە کوردەسانی. ئەنجام چێش بی؟ دماو کودەتاو ١٢ و ئەیلوولی، ئا ئەتمۆسفیر و هەلومەرجە نەمەن. ئەر پەکەکە نەبیۍ، بڕۍ چا گرووپ و جمېیەرا کە بانگەشەی جۆراوجۆر مکەرا و هەوڵمڎا بەشێوێوە وشک و نەفاڕیای بژیوا، نەمەنێنۍ؛ بیەو ئاڎیشا بەرەنجامو ئەوەکۊشای پەکەکەیا. ئەر جە تورکیانە هومېڎێوە دیموکراتیکبیەی بۊنە، باسو شۆڕش و برایەتی و ئازادی مکریۆ، ئینە گرڎ جە سەیەو پەکەکەیۊن.

کاریگەرییەکێش سەرو ۋەرکۊتوو مېیامینی و جەهانیچ بە هەمان شێوە متاویۆ هۊرسەنگیۆ. کاتێ پەکەکە هەنگامەش نیا بەرەو ئەوەکۊشای سیاسی کاریگەر، جەنگێوەش دەسپنەکەرڎ، ئا کاتە سۆسیالیزمی بنیاڎنریا جە ساڵۊو ١٩٨٠ ینە وڕابێرە، ڕابەر ئاپۆ بە ڕۊشنی جە کۆنگرەو ٣ ئینەش ئەرەیاۋنا. پارتو کۆمۆنیستی سۆڤیەتیچ هەر چا ساڵێنە کۆنگرەش بینا. هەرپاسە هۊرسەنگنایەکۍ گۆرباچۆڤی بێنۍ. ڕەخنەش جە گرڎ چێوۍ گێرت. تەنانەت ئا کاتەیچە واتش، "حیچ ئایندێوە چنی ئی سیاسەتا نییا، پی زووانە وڕۆ، ئی سیاسەتەیە دمایی پنەمارۆ. چنی متاوا ۋەرا ۋەر پا سیستەمەی کە ئەمریکا سەرمەشقایەتیش مکەرۆ؟، چنی متاومۍ مەنمێوە"، بەڕاسی  ٤ ساڵێش نەخواینا سیستەمەکەشا هۊرشێویاوە. جارێوە ڕابەرایەتی پەرساش "ئەر ئیسلامەتی جە مەککەنە تەسفیە بۆ، چکۊو دنیێنە مەنۊوە؟". مەبەسش ئانە بۍ "ئەر سۆسیالیزم جە مۆسکۆنە تەسفیە بۆ، ئیتر چکۊ متاوۆ مەنۊوە، چکۊ متاوۆ ۋێش ڕاگێرۆ. چا دەسش پنەکەرڎ، ئەر چا دلېنە بشۆ، چکۊ مەنۊوە؟".  ئیسە ئەر جە جەهانەنە هیوا و باوەڕ بە سۆسیالیزمی هەن، ئیرادە هەن، هەوڵ و گێڵایۍ هەن، فەیلەسوفۍ تازۍ بەرکۊتێنۍ، ڕێکوستەی تازۍ ئەرەمەرزیێنۍ، بەتایبەت هامشانو جمېیەرەکا ڕەنج و کرێکارا جمېیەرو ئازادیی ژەنا بەرکۊتێنۍ، جمېیەرۍ ئیکۆلۆژی پېسە هێزی تازەی کاریگەری وەڵۍ گنا، ئینە گرڎ جە سەیەو فیکر و هۊرسەنگنای ڕابەر ئاپۆیا، ئەنجامو پارادایمو شارستانییەتو دیموکراتیکیا. ئیساتۍ ئینسانەکۍ خاوەنداری چی فیکرەیە مکەرا. هێزو فیکری و چالاکی و ڕێکوستەیش چنە مویناوە. گرڎ کەس باوەڕش بە ئازادی و یەکسانی و ژیۋای کۆمیناڵی بۆ، دماو وڕای سۆسیالیزمی بنیاڎنریای، باوەڕی ۋێشا پەی بەدیئاوردەی ئینەی جە فیکرو ڕابەر ئاپۊیۆ هۊرگېرا. ڕابەر ئاپۆیچ بە ڕێکەستەی و تەڤگەرو پەکەکەی ئی فیکرەشە وەشکەرڎ. سات بە سات وستش بوارو پراکتیکیوە، چنەش کۊڵێوە، چاوە فیکری تیۆریش خوڵقنا، ئینەش فاڕا پەی تیۆرێوە، بە ئامێتەکەردەی تیۆر و پراکتیکی ئینەش وەشکەرڎ. حەقەتینێوە چامنە ڕۊشن هەن. پۊکەی چەوەسیاکۍ و گەل و مرۆڤایەتی، بەتایبەت ژەنا و جوانا خاوەنداری جە ڕابەر ئاپۆی مکەرا. پەی ئازادیی بەڎەنی ڕابەر ئاپۆی، هەڵمەتێوە فرە گرنگ و کاریگەرەشا دەس پنە کەردە. ئینە ئاسان نەبێ، گرڏ بەرئەنجامو فیکر و هەوڵو ڕابەر ئاپۆی به. ئی ئەوەکۆشایە کاریگەریش سەرو کوردەسانی بێ، ڕەنگە ئوەکۆشای ئازادیمان جە ڕووەو جابەجێ کەردەمو ئی هێڵەیۆ کێماسش بییەبۆ، بەڵام بە هێز هورگێرتری جە فکرو ڕابەرایەتی ئی چێوێشە بەدیئاردێ. کورد سەرمەشقایەتی ئینسانی مکەرۆ، ئینسان هێز و جۆش و خرۆش جە ئەوەکۆشای ئازادیی کوردەسانی هورگێرۆ. بەتایبەت ئا هێڵەو ئازادی ژەنێ کە ڕابەر ئاپۆ دەسش پنەکەردە. ئینە پەی هۆشیاریی ئیکۆلۆژییش ڕاسا. دووەمین جە ئەڏایا بییەی سرووشتی، وەڵکەوتەی گلێرگەو ئازادی ژەنێ. وەڵکەوتەو هێڵەو ئازادیی ژەنا سەرو ئی بناغە تاریخییە ئاوەژۆ کەردەن، سیستەم و زیهنیەت و سیاسەتو پیاسالاری جەڕووەو تاریخی و جەئاستی تیۆرینە ڕەخنەکەرد، جەڕووەو  پراکتیکیۆ ونە پەرسایش چنی کەرد و ڕەخنەش کەرد، جە وەراوەرو ئینەینە هێزو بەگلێرەبییە ئینسانی کە پەشتی بەسۆ بە ئازادی ژەناوە، نیشانەدا. ئی زیهنیەتە تازە تاریخش خوڵقنا و نوێنەرایەتی شارستانییەتو دیموکراتیکی مکەرۆ. پێناسێوە تازەش پەی گلێرگەی وست ڕووە، جە ڕاوەبەردەو ژیوای ئازاد و دیموکراتیکینە تازەبییەیۆش کەرد کە خاوەن ناوەڕۆکی پارادایمی بێ. ئینە فاڕییا پەی ئەوەکۆشای و ڕا پەی وەڵکەوتەی کریاوە. گرڏ چەمشا ئینا سەرو ئینەی. بەڵێ، بی بە ئاسۆیێ پەی گەلا، بیی بە جەئەڏایا بییەی پەی کوردا، کوردش وست سەرو  ڕاو ئازادی و هۆشیار و ڕێکخراوەیش کەرد، دیموکراسیش جە تورکیانە خوڵقنا، جە وەرکەوتوو دلێڕاسەینە و جەهانەنە سەرمەشقایەتیێ گۆرە مکەرۆ پەی وەڵکەوتە س دیموکراسی، خزمەت مکەرۆ، هامکاتەنە جە سیاسەتو ئی دەسەڵاتی و دۆڵەتەیشەنە یاگێوە گرنگەش هەنە. فرە لایەنێ خاوەنداری چی دیمەیە مکەرا. جە تورکیانە چنین ئینسانی کە جە کەنارو دمای پنە ئامای بێنێ ، ئامێوە فکرو وێشا، بیێ سەرۆکوەزیرانێ و سەرۆککۆمار و سەرۆکو چێش و چێشی، بیێ دەسەڵاتدارێ. هورسەنگنایشا پەی ئەنجامو ئەوەکۆشای پەکەکەی کەرد. ئی ئەوەکۆشایە دەرفەتی چی جۆرەش وست وەردەمو کەسانێ بەرژەوەندیوازی. چی؟ چونکە سیستەم جە کوردەسانەنە پی جۆرە بنیادنریا. نکۆڵی و پاکتاو سەرو کوردەسانی، دابەشکەردەو کوردەسانی، سیستەمو قڕکەردەی ئەرەگیر سەرو ئی بناغەیە ئەرەمەزیا. ئینە سیستەمو جەنگی بێ، پەکەکە ئی جەنگەش جە تەمامو کوردەسانینە وەڵاکەردۆ و ئنە درێژەش پنە دا، گرڏ گەرەکشا بێ قازانجی سیاسی جە ئەوەکۆشا پەکەکەینە بکەرا. ئینە حەقیقەتا. بەرهەمەکێ پەکەکەی، ئاستو کاریگەرییەکەیش، پی جۆرەنە. بێگومان پەی ئانەی ئەوەکۆشایش نە کەردە کە ئیسفادەش چنە هورگێرۆ، دژو ئاڏشا ئەوەکۆشا. بەڵام ڕەوشێوە چانە هەن کە ڕابەر ئاپۆ پنەش واچێ "تەڵەو کورد"، ی کاتێ وەراوەرو زاڵمترین دوژمنی کۆشس لەری، ئەوێ تەرێ، ئانێ نەیارێ و ناکۆکێ بێنێ چنیش، هەوڵڏێ ئیسفادەش چنە هورگێرۆ. ئی سیستەمو دۆڵەت دەسەڵاتەیە پی جۆرە ئەرەمەزیا. بونیادەکەش پی جۆرەنە. پۆکەی مشۆم بەتەماتی نەمەنۆ. ئینسان تاوۆنە ئینەیە واوەی بکەرۆوە.

بەڕاسی پەنەوازا فرە بەعالی جە ئەوەکۊشای پەکەکەی بیاومېنە

جە حەقەتینەنە باسما کەرد، هەرپاسە جە نویستەیەکایچەنە بۍ. بەڕاسی مشۊم چا ئەوەکۊشایەی پەکەکە کەردەنش عال بیاومێنە. پەنەوازا جە گەشەکەردەی و میراتەکەیش عال بیاومێنە. پەنەوازا ئەوەکۊشایما پەی دیموکراسی و ئازادی سەرو بنەماو ئازادی ژەنا جە کوردەسان و تورکیانە زیاتەر بەرەو وەڵۍ بەرمۍ و سەرو ئاستو ۋەرکۊتوو مېیامینی و جەهانی پەرەش پنە بڎەیمۍ، پۊکەی مشۆم ئا میراتییە بە دروسی و کاریگەر بەکار بارمۍ. وەڵینێوە ڕۆشنویری و کرداری پەنەوازا پەی ئەنجامدای ئی ئەرکەیە. تەنیا پەنەوازا بزانمۍ چنی چنەشا بیاومێنە و بتاومۍ بە عالی بەکارشا بارمۍ. ئێمە بە ئاسانی متاومۍ ئینەی ڕاوەبەر بکەرمۍ. ئێمە نمەبۆ جە بڕۍ ویرکەردەیۆ و ئەنجاما نیگەرانۍ بیمۍ. قەرارو دمایئاردەی بە کۊششی چەکڎاری و هەرجۆرە چالاکیێوە بەنامۍ پەکەکەیۆ، ئینۍ چ مانێوەشا هەنە؟ چی یاوان ئی ئاستە؟ دەرەنجامو دلۍ جمېیەرو ئاپۆی چێش بۆ ئەر بەشداریێوە بەهێز جە قەرارەکا ئی کۆنگرەینە بۆ و جە ئاستێوە بەرزەنە جابەجێ بکریا، پەنەوازا ئینەی بوینمۍ. چی چوارچێوەنە پېسە بڕۍ جە هەڤاڵا جەختشا سەر کەردەنۆ مشۊم بە هێزۆ ڕەخنە و ڕەخنەدای عال بکەرمۍ، بڕۍ جە هەڤاڵا واتشا مشۊم قووڵتەرۍ بیمێوە پاسەنە مشۊم پاسە بکەرمۍ.

ڕابەر ئاپۆیچ جەخت سەرو ئینیشا مکەرۊوە، ڕابەر ئاپۆ سەرمەشقایەتی ئینیشا گرڎ مکەرۆ. مشۊم چەمەڕاو ئاڎیی بیمۍ. بەڵام ئێمە پەنەوازیما پینەی هەن، کادری تازە، سەردەمی تازە، سۆسیالیزمو گلېرگەی دیموکراتیک بەرەو وەڵۍ بەرۆ. ئا کادرەی کە میاونۊش سەرو واقیعی پی جۊرە بۆ. ئینە ئاژێوە حەقەتینا. نەک ئانەی کەسێوە گەرەکش بۆ کەرۊش، بەڵام بەڕاسی پەنەوازما پنەشا. سەرو ئا بنەمایۍ کە ئازەکەما ئینەش گەرەکا، مشۊم ئا حەقەتینا بوینمۍ و چنەش بیاومێنە و بتاومۍ هەرمانە سەرو ئا واقیعا بکەرمۍ. ئیساتۍ فاڕیایۍ بنەڕەتی چامنە پەنەوازا، ئێمەیچ بە گرڎو هەرەکەتو ۋێماوە هەوڵش پەی مڎەیمۍ و بە گرڎو هەوڵەکا ڕابەر ئاپۆی، ئانەی جە ۋېیەردەنە نەتاواما کەرمێش، بە پەشتی بینای بە قەرارەکا ئی کۆنگرەیە، بکەرمېش.

ئەر ڕەوتێوە وەردەممانە بەرەو وەڵۍ گەشە بکەرۆ، ئانە سەرو ئی بنەمایۍ بۆ. قەرارەکۍ ئی کۆنگرەیە زەمینە پەی ئا جۆرە پێشئامایا مکەرۊوە. سەرمەشقایەتی ئی ڕۍ مکەرۆ. ئێمە ئا قەرارەما دان و ئینەی مسۆگەر مکەرۆ. ئانەما پەشتڕاس کەردەنۆ. ئێمە پی مەعنێوە جوابو داواکاریەکا ڕابەر ئاپۆیما داوە. بەڵام هەرمانەو ئێمە تەنیا قەراردای نیا. بەفەرمیکەردەی داواکارییەکاو ڕابەر ئاپۆی نییا. ئەرک و ۋەرپرسیاری ئێمە پی قەرارا کە چێوە دێنێما دمایشا نمۍ. بەڵکم فرە گرنگ ئینەنە بوینمۍ و چنەش بیاومېنە.

ئێمە وەردەمو ئی فاڕیایما کەردۆ، واتە ئا فاڕیایەی کە ڕابەر ئاپۆ جە ماوەو ٣٥ساڵا ۋېیەردەینە بەبڕیار و ڕای تازۍ پەی بەدیئاوردەی ئا فاڕیا ئایدۆلۆژی و ستراتیژییەی کە گەرەکش بۍ جە جمېیەرەکەنە وەشش بکەرۆ، ڕاش پەی فەراهەم کەردەن و جە ئێمۆ دەس پنە مکەرۆ. ڕابەر ئاپۆ درکش پانەی کەرڎ جە گلېرگە و سیستەمێوە کە ڕووبەڕووما بۊوە ڕەنگ مڎۆوە. ئێمە چۍ پېسە سردێنمۍ. کادرا، ژەنا و ڕێکوزیاکا گلېرگەی دیموکراتیکی ڕێکوزیا سیاسییە دیموکراتیکەکاما جە گرڎ ئاستەکانە ڕێکوزیۍ گلېرگەو دیموکراتیکینۍ، کادری شۆڕشگێڵن، دێموکراسی و وڵاتپارێز سردەو بەینو ئی پرسەیە پێکمارانە. واتە ئێمە سەرمەشقایەتی فاڕایۆ ئا فاریایە کە ڕابەر ئاپۆ بەدیش ئارڎەبۍ پەی گەلا، ژەنا، جوانا، گلېرگەو و هەرپاسە سەپنای سیستەمی پەی فاڕیای ئێمە میانجی پرۆسێوە پی جۊریە مکەرمۍ. ئەر جە کەسایەتی ئێمۆ بەدی بۍ، جە پراکتیکەنە سەرکۊتە بۊنە. ئەگینا محاڵا. ئەر ئینەی نەوینمۍ و چنەش بیاومێنە و سەرو ئی بنەمایۍ بەشداری و هەوڵو ۋێماش پەی نەڎەیمۍ، تەنیا بە ئەوەکۊشای ڕابەر ئاپۆی بەدی نمۍ.

فارییایما بنەماو سەرکۆتەی  ئی پرۆسەینە

با قەرارا کە دانما، ڕاما پەی فاڕییاکا کەردەنۆ، بەڵام ئەر تازە بییەیۆ ڕووەنەڏۆ، فاڕییای ڕووەنەڏۆ، هەنگامەی تازێ نەگیریۆنە وەر، بنیاتنیای تازە ڕووەنەڏۆ. گرڏ و ئینشا پەیوەندیشا بە فارییای  ئێمە هەن. ئەر جە کاتو وێشنە تاواما فاڕییای  جە ویرکەردەیۆ و، تاکتیک، شێواز و ڕێکوزتەی وێما کەرمێ، ئەر ئا کاتە ئی هەرمانێما کەردێ، ئی دۆخە ڕووە نەرێ. ئیسەیچ ئەر ئی هەنگامێ سەرگنۆنە، ئانە بە ڕاو فاڕییای ئێمە بەدی مێ. ئەگینا سەرمەگنۆ. پۆکەی ئەوەکۆشای گۆرە سەرو ئی بنەمێ دەس پنە مکەرۆ. پرۆسێوە هەمە لایەنە دەس پنە مکەرۆ کە مشۆم چالاکانە هەرمانەش پەی کەرمێنە. گرڏ کەسێ  گێرۆوە، مەبۆنە کەس چبەرو ئی ئەوەکۆشاینە مەنۆوە. مشۆم بەشێوێوە دروست و ڕاس سەرو بنەماو هێڵە وئاپۆیی، سەرو بنەماو پارادایمی تازەی، وێما فاڕمێ. بەدیئاردەو گرڏ و ئانیشا پەیوەسا بە ئێمۆ. ئا بارودۆخ و هەلومەرجەی کە ڕابەر ئاپۆ وێش ئیناش چنە ئینا مییانو ئی پەرسێنە. هێزش هەن، کۆشش مکەرۆ. گەل پەشتیوانییێ گۆرە مکەرۆ. ئینسانییەت، ناوەندە دیموکراتیکەکێ تا ڕادێوە ئشناسانشا. پەشتیوانی ئاڏشا ئینا پەشتەو ڕابەرایەتیۆ. بەڵام ئەر پەشتیوانی ڕێکوزیای و پاڵپەشتیی کادر و پەشتیوانی گلێرگەی ڕێکوزتەی نەبۆنە، ئایا ڕابەرایەتی تاوۆنە بە تەنیا ئی پرۆسەیە بەرۆ ڕاوە؟ واتە ئایا تاوۆنە چا هەلومەرجەی کە ئینا دلێشنە سەرکۆتەی بەدەس بارۆنە؟ کەواتە، ئێمە بەڕاسی ئینایمێ پرۆسێوە گرنگ و، سەخت و پەڕ جە بەربەس جە زیاتەر جە جارانی.

واتە وەرپرسیارێتی بنەڕەتی گنۆنە ئەستۆو ئێمە، پێسە چنین ئا قەرارێما دێنێ. ئەرکەکێ گنانە سەر و شانەو ئا  هەڤاڵا بەشداری کۆنگرەکەینێ. دلێ جمیەرەکەینە پەنەوازا تازە بییەیۆ،فاڕییای  کە ڕابەر ئاپۆ گەرەکشا جابەجێش کەرمێنە و ئینەیە یاونمێ بە گرڏ و گلێرگەی. پەنەوازا سەرو ئی بنەمێ ژەنی، جوانێ و گرڏ کەسێوە پەروەردەی و ڕێکوزتە کریۆنە و هانشا دەیمی پەی بەشداریکەردەی چی پرۆسەیە و خزمەتکەردەی. پۆکەی ئەرک و وەرپرسیارێتی ئێمە ئینا چی چوارچێوەنە.

رەنگە دمایی بە پەکەکەی بێنە، بەڵام ئایدیاکەش هەمیشە زینەن

بەڵێ ئێمە قەرارما دا دمای بە چالاکییەکاما بارمێنە چێرو نامێ پەکەکەی، قەرارما دا دمای بە پێکئاردەی ڕێکوزتەی بارمێنە، چالاکیی و بییەیش مدرنمێ. بەڵام مزانمێ پەکەکە جمییەرێوە ئاپۆیی بێ. واتە فۆڕمی ڕێکوزیێوە و چالاکی حەقیقەتو ڕابەر ئاپۆی بێ. ڕابەر ئاپۆ بە پارتو گەشمەرڏا پێناسەش کەردەن. بەڵێ، پێکئامێ رێکوزتەی پەکەکەی بەڕاسی فاڕیۆنە، کریۆنە دمایش پنە بێ و و دمایش پنەمێ. بەڵام ویرۆکەکێش مەتاویانە دمایشا پنە بێ. هێڵە ئایدیۆلۆژی و سیاسییەکەش مەنۆوە. ئا ڕۆح، هەست، ویرۆکە و میراتەی کە وەشش کەردەن دلێنە مەشۆ. ئایا تاومێنە ئا بەهایێ کە ئەوەکۆشای پەکەکە وەشێش کەردێنێ بە دلێنەشییەی باسش کەرمێنە؟ کێ تاوۆنە ئانیشا دلێنە بەرۆ؟ کێ تاەۆنە سەڕۆشاوە؟ کەس نمەتاوۆنە. کەواتە، گەرەکما جە دما دماینە واچو؛ بانگەوازێوەن  پەی ئەوەکۆسایێ دروست تەری، بەهێزتەر و کاریگەرتەر. ئینە دەستێوەردای ڕابەت ئاپۆیەپن پەی ئێمە. قەرارەکێ ئیسەیش ئی حەقیقەتەیە پێناسە مکەرا. ڕابەت ئاپۆ ماچۆ: "بە وردی جە وێتا قووڵێ بیدێ، خاستەر ڕێکوزتەی بکەردێ، فۆرمێوە بەهێزتەر بنیاد بنییەیدێ هەتا خاستەر تاونە ویرۆکەکام جابەجێ بکەر و جە حەر یاگێنە ئاشکراش کەردێ.' پحکەئ ئەرک و وەرپرسیارێتیما با قەرارەیە کە دانما نەک حەر کەم نەبییەنۆ، بەڵکوم زیاتەر بۆنە. ئێمەچ سەرو ئی بنەمێ مدرمێنە.

دووژمن گرڏ کاتێ ئینا هەوڵو  فریودایمانە

هێزە دژبەرەکێ تەنیا حکومەتو ئاکەپەی، دۆڵەتو تورکی و هێزە هامپەیمانەکێ نەتەوەپەرەسەکێ نییەنێ. بەڵکووم سیستەمێوەن. ئینە ماناش ئانێنە کە ئەوەکۆشای ئینا دژو ئینەی. ئەوەکۆشایێ چڕ و بەردەوام ئینا ڕاوە. تا ئا ڕادەی کە ئی ئەوەکۆشایە بەرە و وەڵێ بەرمێ تاومینە فارییای و فاڕییای ئەرێنی بەدەس بارمێنە. بە واتێوە تەر هیچ لایەنێوە دژبەر نییا ئینەیە قبوڵ بکەرۆ. ئی جۆرە عەقڵییەتە، سیاسەت و سیستەمە جە دژو ئێمە بییەیش نییەیا بە پێچەوانە، مەبۆنە قەد جە یاڏما بشۆنە، دوژمنێوە جە دژو ئێمە هەن کە گەرەکشا  جە ئاوێ کەمەن خنیگنۆما، دوژمنێ چانە هەن بەردەوام هەوڵمڏۆ فریوما دۆنە. بەردەوام گەرەکشا بە جەنگی دەروونی و جەنگی تایبەت کاریگەریما سەر بکەرۆ، بەلاڕێرە بەرۆما و چەواشێما بکەرۆ. هەزار و یەک جۆر دوژمنێما هەنێ. جە گرڏ یاگێنە هەنی. پۆکەی جە گرڏ لێوە ئینایمێ هرووژم و ئی دوژمنانە. هەڤاڵێما ئاماژەشا پانەیە کەرد کە ئینە زیاتەر بۆنە. بەڵێ پاسەن  ڕاسا.

هەرپاسە ڕەنگە گرڏ و ئانەی کریۆنە فێڵێوە بۆنە. گەمێوە بۆ. ئی هەرمانا پەی فریودایما بکەرا. چونکە فرە سروشتییا چونکە دوژمنێنێ. مەبۆنە واچمێ مەگەر ئینە کریۆنە؟ گرڏ ئا قەولێ دریانە، ئایا پی جۆرە هەڵسوکەوت مکەرا؟ بەڵێ، ئاڏێ مکەراش. چونکە ئینێ تایبەتمەندی ئاڏشان. ئینە یاواینە و ئاڏشان. ئینە پێوانەو ئاڏشان. هیچ سەیر نییا. ئینە لاو ئاڏشا بە ئازایەتی نریۆرە. حەر کەسێ ئی هەرمانێ بە خاسترین شێوە بکەرۆ یاوۆنە ئاستێوە بەرزتەر. ئاڏێ دلێ وێشانە هەرمانێ پاسێ مکەرا. تەنانەت چەمێ یۆتری بەرمارا. هورشا واسێنێ، پارچە پارچەشا کەردێنێ، جە قەنارەی دریێنێ. با ویرما بۆنە حکومەتو ئیسەی چێشس بە خاوەنەکا وێش کەردەن؟ با تەماشە و تارخی بکەرمێ. پۆکەی مەبۆنە ئنە ساویلکێ بیمێ؟ ئی حەقیقەتێ دلێنە پشانە. مەتاومێنە جە یاڏشا کەرمێ. پۆکەی یاڏما نەشۆ کە هێزو جەنگی بیمێ، بەهێزتەر مرددیمێ، وەرپرسیارێتی و ئەرکی زیاتەرما بۆنە و چێرو بارگرانی ئەرک و وەرپرسیارێتینە بیمێ. حەر وەرو ئی مەڵامەتەیە دەس مکەرمێ بە یاواینەی وردتەر و دەس مکەرمێ بە فاڕییای. پۆکەی پی کۆنگرە دەسش پنە مکەرمێ.

فارییای بەهێز ئەنجام مڏەیمێ
ئێمە دەس بە فارییای  مکەرمێ. ئی کۆنگرە مشۆم دەس پنە کریۆنە. فاڕییایێ بەهێز ئەنجام مڏەیمێ. چنین تاومێنە ئینەیە بکەرمێ؟ پەنەوازا یاوایمانە جە حەقیقەتو ڕابەر ئاپۆی قووڵتەر بکەرمێ، یاوایمانە جە ناخ و هەستەکانە قووڵتەر کەرمێنە و بە ئازایێ زیاتەرۆ چالاکییەکاما سەرو ئی هێڵێ ئەنجام دەیمێ. پی جۆرە تاومێنە کاریگەریما سەرو یۆتری بۆنە و تاومێنە بەدەسش بارمێنە. ئینە جە حەقیقەتەنە فرە گرنگا. چی کاتەنە یۆگێرتەی فرە گرنگا. گفتوگۆ کەردەی چنی یەکتری، گۆش گێرتەی جە یەکتری، پاڵپەشتیکەردەی و بەهێزکەردی یەکتری پەی چارەسەرکەردە و کێشەکا، پەنەوازیش بە هامدەنگییا. گرڏما پەنەوازیما پی بنەمێنە. جە سەرەتاوە ئاماژەم پنەکەرد بە هەڤاڵیەتی ڕابەر ئاپۆی بێ کە تاواما هەتا ئیسە مڏرامان  بکەرمێ و درێژە بە ڕاپیمای دەیمی. سەرەڕاو گرڏ و کەموکوڕییەکا تاواما گرڏ و بەربەستەکا ویەرنمێ. ڕۆشن بییۆ کە تاومێنە هێزێوە بەهێز و پەشتیوانی بەهێزێ بیمێ پەی یەکتری.
یانێ تاومێنە هێز و پەشتیوانی گۆرە بیمێ پەی یەکتری. ڕێکوزیا بییەی تەنها فۆرم نیا. بیروکراسی نییا. بەتایبەتی پارتی بییەی بەدڵنیاییۆ ئانە نییا. ڕێکوزتەی شۆڕشگێڵانە و سۆسیالیست پەشتی بە فۆرمی مەبەسۆنە. ئی فۆرمە پەت جمیەرەی پێسەو جمیەرەو ئاپۆیی گونجیا نییا. سۆسیالیزمی ئۆروپای پەرەش پنەدریا. هەرپاسە سۆسیالیزمو ڕوسیای بناغەکەش نیارە. کەسایەتی لەنین جە گرڏ کەسێ زیاتەر جەختش سەر کریانۆ. ئایا ناوەڕۆکو دەستوور پی جۆرە بۆنە؟ ئاڏێ قیامەتشا بەرپاکەرد. بەڵام جە حەقەیقەتەنە پاسە نەبێ. پێغەمبەرێ با جۆرە نییەنێ. ڕێڕەوی فەیلەسوفەکا پی جۆرە نییا. ڕابەر ئاپۆ واتش: "جمیەرەکەم زیاتەر جە جمیەرەو سوسیالیستە بوروکراتیکەکان، نزیکتەرا جە جمیەرەو ئازادیوازەکا و پەیغەمبەرەکێ." جە حەقیقەتەنەی جۆرەنە.

بە جابەجێ کەردە و ئەرک و وەرپرسیارەکاما، بیمێ بەهێزتەرین هێزو ڕێکوزتەی جە جەهانەنە
پۆکەی مشۆم ئاپۆیی بییەی کەرمێنە شێوازو ژیوایما. پی جۆرە جە ڕابەرایەتیۆ فێرێ بیمێ. ڕابەر ئاپۆ هێزی فیکریش هەن. ڕابەر ئاپۆ ماچۆ، با جۆرە جە قەبرەیشەنە بەردەوامێ بیمێ. ئینە ماناش چێشە بێ؟ من هێزێوە فیکرینا، ویر کەردەوەکێم ڕێنمایم مکەرا. ئەرک و وەرپرسیارێتی ئینا سەروو گرڏ چێوێوە یارمەتیدای گەلیا پەی یاوای پی ئاستەیە. کاتێ ئی هەرمانێ کەرمێنە، فارییای جا جۆرە کەرمینە، هەنگام بە هەنگام ئەرک و وەرپرسیارێتی وێما جابەجێ مکەرمێ، تاومێنە بیمێ بەهێزتەرین هێزو ڕێکوزیای و تواناو وەرەنگاربییەیۆ حەر جۆرە هرووژمێوەما بۆنە، بە هەمان شێوە دووروینایما بەهێزتەر بۆنە و تاومینە پێشبی حەقیقەتەکا بکەرمێ. جە گرڏی گرنگتەر تاومێنە بە خێرایی قەرار دەیمێ و پێوەرە ئەوەکۆشای سەرکۆتە بەرمێ ڕاوە. تاومێنە بە بەهێزتەرین شێوەو کۆمەڵایەتی بییەی دلێ وێمانە بەرجەستەش بکەرمێ. ئەر گرڏما جە دۆخێوە چانەنە بە شێوێوە ڕێکوپێک ئەرک و وەرپرسیارێتیەکێما بەرمێ ڕاوە، بە دڵنیاییۆ بیمێ بەهێزتەرین هێزو ڕێکوزتەی جە جەهانەنە. ڕابەر ئاپۆ پەی یوەم جاری بەشداربیەی حەقی و کەماڵەکا واچێ: "ئێمە قسێ نەکەرێنمێ؛ کاتێ تەماشە و چەمێ یەکتری کەرێنمێ، یاوینمێنە مەبەسما چێشا و بە یەکتری واچێنمێ بە چەمێ. دماو ئانەی گرڏما زاناما کە مشۆم چێش بکەرمێ." پەنەوازا جمیەرەو ئاپۆیی پی جۆرە تەماشە کریۆنە. پەنەوازا پی جۆرە پێناسە کریۆنە. بەڕاسی ئاپۆیی بییەی پی جۆرە بێ، پی جۆرە سەرەش هوردا. ئینە حەقیقەتو گەشمەرڏامانە. یەکپارچە بییەو گەشمەرڏاما چنی ڕابەر ئاپۆی پی جۆرە بێ. یۆبییەو حەقیەکا، کەماڵەکا، مەزڵوم و خەیرییەکا پی جۆرە بێ. هەرپاسە چی دما دماییا هەڤاڵ فوئاد و ڕەزا پی جۆرە بێنێ. هەرپاسە منیش گەرەکما ئانەی وینانم چنی هەڤاڵام پێسەو بەڵگێوە باسش بکەرو. من قەد ڕابەرایەتیم نەوینان چنی هەڤاڵ حەقی نیشۆرە و ماوێوە درێژ باسو بابەتەکا بکەرۆ. هەرپاسە پێسەو شایەتحاڵێوە گەرەکما تێبینییەکا وێم چنی هەڤاڵا باس بکەرو. من هەرگیز شاهیدی ئانەیە مەڏۆ سەرکردێوە چنی هەڤاڵ حەقی نیشۆرە و چن دەقێوە دوور و درێژ سەرو پەرسەکا قسێ بکەرا. چا کاتەنە ڕابەر ئاپۆ هەڵای ویرۆکەکێ وێش نەنوسێبێنی، ڕێکوزیێوە نەبێ، ئەزموون نەبێ، هیچ نەبێ. بەڵام ئا حەقیقەتەش وینابێ. با جۆرە جە ڕابەرایەتی یاوانینە و با جۆرە بەشداری ڕابەر ئاپۆی بییانی. بنەماو پەکەکەی ئینەن.

ڕابەر ئاپۆ: سەردەمو سۆسیالیزمی و گلێرگێوە دیموکراتیکیا
جابەجێ کەردە و دروسی و سەرکۆتوانەو قەرارەکا کۆنگرەی دەرفەتێوە پاسە تازەما پەی سەردەمێوە بە ‌هێز بەخشۆنە. هامکاتەنە زەمینە و دەرفەتێوە بەهێز پەی سەر هوردای هەڵمەتەو ئازادی ڕابەر ئاپۆی ڕەخسنۆنە. هیچ چێوێ چانەی خاستەر و جوانتەر نییا. پی مانایە مێ، تا ئا ڕادەی کە بەڕاسی جە ئەنجامو کۆنگرەکەیما یاومێنە و بە شێوێوە کاریگەر و سەرکەوتووانە جابەجێش بکەرمێ، سەرەتاو سەردەمێوە تازەی بۆنە. سەرەتاو هەڵمەتێوە شۆڕشگێڵی، ئازادیخوازی ژەنا و ئەنتەرناسیۆنالیستی بۆنە. ڕابەر ئاپۆ واتش: "سۆسیالیزمی گلێرگەی دیموکراتیکا. ئا ئەنجامێ کە چێوە بەرهەم مەیا، ڕاو وەردەمو هەڵمەتێوە بە هێزی پەی سۆسیالیزمو گلێرگەو  دیموکراتیکی مکەرۆوە. ئێمە ئینایمێ چا بڕوێنە. سەرو ئی بنەمێ بە ڕاو ڕەخنەی و وێ ڕەخنەکەردەی بە یاواینەی دروس جە پرۆسەکەی، رێبازەکەما تازە کەردەنۆ و بەشداریما جە حەقەیقەتو ڕابەر ئاپۆی مسۆگەر کەردەن. هامکات ئینایمێ چا بڕوێنە بەشداری کارا و تازە بییەیۆ گرڏ و هەڤاڵا چی پرۆسەنە سەرکەوتوو بۆنە. ئێمە و گرڏ و هەڤاڵا سەرو ئی بنەمێ و جە دەورو ڕابەر ئاپۆی گلێرێ بیمێوە؛ بێگومان بە یاوانێوە دروس و بەشدارییێ دروس و ڕاس بەشداریێ فرە بەهێزتەر، بانگەوازو پەرەپنەدای هەمیشەیی ڕێبازی جەڕووەو فیکری و پراکتیکیۆ پەی بە ئەنجام یاونای ئی پرۆسەیە. هیواو سەرکەوتەی گۆرە پەی گرڏ و هەڤاڵا وازمێ. بە ڕێز و حورمەتۆ یاڏ و گرڏ و گەشمەرڏە قارەمانەکاما یاڏ مکەرمێوە و بە حەسرەت و ڕێزداریێ قووڵۆ سڵام جە ڕابەر ئاپۆی مکەرمێ.
بژیۆنە بژیۆنە ڕابەر ئاپۆ
بژیۆنە سەرۆک ئاپۆ."