یڵماز تونج وەزیرو دادو تورکیای جواب و داواکاری ڕابەر ئاپۆییش داوە پێوەس بە گلێرۆبییەیۆ چنی ڕۆنامەوانا و سیاستەمەدارێ و واتش: "ئانەی پەنەواز بۆنە جە چوارچێوەو یاسێنە کریۆنە."
دماو داواکاری دەم پارتی تا ئانەی ڕابەر ئاپۆ تاوۆنە چنی ڕنامەوانا، سیاستەمەدارێ و کەسێ تەرێ گلێربۆوە، یڵماز تونج وەزیرو دادی چا بارۆ قسێش کەردێ.
یڵماز تونج واتش، "جە یاسانە ڕاو و رێبازو گلێرۆبییەی چنی زینانکریایا جە گرتووخانەکانە بییەیش هەن. ئانەی پەنەواز بۆنە لە چوارچێوەو یاسایینە کریۆنە."
شاندو ئیمراڵیی دەم پارتی جە ٢٤و نیسانی جە گلێرۆبییەیشا چنی وەزیرو دادی یڵماز تونجاری داواشا کەردەبێ، ڕاگیرییەکا وەردەمو ڕۆنامەوانا و سیاسەتمەدارا پەی دیداری چنی ڕابەر ئاپۆی لابریۆنە.
مافو هیوای
وەزیرو دادی سەبارەت بە پرسیارەو ڕۆنامەوانا سەرو 'مافو هیوا' ی واتش: "هیچ گلێرۆبیێوە نییا پەی دۆخێوە چی جۆرێ."
پێوەس پینەی واتەواچەو دەم پارتی ئایشەگوڵ دۆغانە سەرو دیجیتاڵ میدیایی وێش ناڕەزایەتیش نیشانە دا و واتش: "ئێژا وەزیر دوورا جە گفتوگۆکا مافو هیوایۆ، زوانەکەش دوورا جە زوانو بنیادنیاو ئی پرۆسەیە، دەخەم مەشۆ کاریگەرییەکێش ژەهری جیامازا. پێسەو گلێرگەی ئینایمێ چەمەڕاو ئانەینە هێزو وێش پەی بنیادنیاو دادپەروەری بەکار بارۆنە. پەنەوازیما بە یاسا و کۆدەنگی دیموکراتیکیین نەک بە مشتومڕ نییایۆ."
