سەرسەعبوو ئارۊی سەعات ٠٩:٢٥ دەیەقۍ فڕۊکێوە بێفرۊکەوانی بۊمبچنکریاو دەوڵەتوو تورکی ئەرەگیری کەمپوو پەنابەراو گەشمەرڎە ڕۊستەم جودیی (مەخمور)یش بۊرڎومان کەرڎ.

بە پاو زانیارییەکا ژەنێوە ٥٠ ساڵۍ بە نامۍ ئایشە محەمەدێوە بریندارە بییە.  

خەڵکوو کەمپەکەی وەرڎەموو خەسەخانەینە مرڎێنۍ و ئیساتێنە لوجنەو کاربەدەساو عێراقی ئینۍ یاگۍ ڕووەدایەکەینە.

دەوڵەتوو تورکی ئەرەگیری ٧وو تشرینوو دووەمیچنە مزگیی کەمپەکەیش کەرڎەبۍ ئامانج و هاموەخت چا بورڎومانەیچەنە ژەنێوە و دووۍ زارۊڵۍ بریندارۍ بیۍ و بڕۍ یانۍ دەوروبەریوو مزگییەکەی زەرەرشا وەر کەوتەبۍ.