بە سەرمەشقایەتی دەم پارتی و دەبەپە گلێرۆبییەو گەلی پەی گفتوگۆکەردەی و هورسەنگناو داواکاری 'ئاشتی و گلێرگەی دیموکراتیک'ـو ڕابەر ئاپۆی جە دووەم ڕۆنە جە چنین شارێنە بەردەواما.

گلێرۆبییەکا گەلی جە ٩و ئاداریۆ دەسش پنەکەردەن و تا ١٥و ئاداری بەردەوام بۆنە، جە گلێرۆبییەکانە کە دوور جە چەمو میدیاکا ئەنجام دریۆنە، گفتوگۆ و هورسەنگنای پەی داواکاری "ئاشتی و گلێرگەی دیموکراتیک"و ڕابەر ئاپۆی ئەنجام دریۆنە.

جە دووەم ڕۆو گلێرۆبییەکانە، جە ناوچەکا جورنێ ڕەشی ئورفا، بارەگاو دەم پارتی مەڕەش، جە بارەگاو مییانو دەم پارتی شارو ئاگریی، جە مییانو شارو جۆلەمێرگی بە ئامادەبییەو ئەنداما دم پارتی، مەیەکە و تەژەئا گلێرۆبیێوە لوا ڕاوە. هەرپاسە جە قەرەچۆبانو قەرەیازی ئەرزرۆم، جە بارەگاو دەم پارتی ناوچەو کۆپێ مووشی، جە تەلارەو شارو ئەردیشی و بێگرو شارو وانی، جە تەلارەو شارو تارتووسو مێرسینی و جە بارەگاو دەم پارتی ناوچەو لیجەو ئامەدی  بە بەشداری هامشارەوانیەکا و ئەنداما دەم پارتی و دەبەپەی و گلێرۆبییەی ئەنجامدریا.