دەوڵەتوو تورکی وەروو هەواڵێوە بارەو دەسترێژیکەرڎەی سەروو کناچێوە جە شارۊچکەو تاتوانوو پارێزگاو بەدلیسوو سەرنیشتوو کورڎسانی سزاو ١٠ مانگا زینڎانییش سەروو "سینان ئایگوڵ" سەرۊکوو کۊمەڵەو ڕۊنامەنویساو بەدلیسیرە سەپنا.
"سینان ئایگوڵ" سەرۊکوو کۊمەڵەو ڕۊنامەنویساو بەدلیسی جە ١٣ەو کانوونوو یەکەموو ٢٠٢٢ ێنە دماو وەڵاکەرڎەیۊ هەواڵێوە جە ئەژماروو وێشنە میدیای دیجیتاڵینە بارەو دەسدرێژکەرڎەی سەروو زارۊڵێوە گیریا. جە ١٤و کانوونوو یووەموو ٢٠٢٢ێنە بە قەراروو داڎگاو سزاکاو تاتوانی زینڎانی کریا. لە ٢٢ۍ کانوونوو یەکەموو ٢٠٢٢ێنە ئازاڎ کریا. هیزی ئەرەنیشتەی یووەموو دۊسییەکەی بە تۊمەتوو "بەئاشکرا وەلاکەرڎەیۊ زانیاریی غەڵەتی" لقوو ١وو داڎگاو سزا قورسەکانە تاتواننە لوا ڕاوە.
ئایگوڵ ناڕەزاییش وەراوەر بە تۊمەتوو وەڵاکەرڎەیۊ زانیاریی ناڕاسی و چەواشەی بەر وست و مافوو پارێزنای وێش بەکار نارد. وەراوەرنە داواکاری گرڎین داواش کەرڎە، ئایگول بە تۊمەتوو "بەئاشکرا وەڵاکەرڎەیۊ زانیاریی غەڵەتی" سزاو ساڵۍ و یەرۍ مانگا زینڎانییش سەرەرە سەپنۊ. داڎگا داواکۍ داواکاری گرڎینیش پەسەنڎە کەرڎە و دماو واتەوواچۍ، بەینوو وێشانە قەرارشا دا ١٠ مانگۍ زینڎانی کریۊ، وەلۍ بەرکەرڎەی قەراروو زینڎانیکەرڎەکەی دما وزیا.
هەگەرەکوم قەرارەکە پەسەنڎ کریۊ ئایگوڵ زینڎانی کریۊ
ئەگەر قەرارەکە پەسەنڎ کریۊ و ئەرەیاونیۊ، ڕۊنامەنویس "سینان ئایگوڵ" پەی ماوەو ١٠ مانگا زینڎانی کریۊ.
