گەل بۊنەو ئۆندەریۆ ڕووەمکەرا خەسەخانە
چڼین کەسۍ بۊنەو کۆچی دماینو سری سورەیا ئۆندەریۆ ڕووەشا کەرڎە خەسەخانە، پرسەو سەرەوەشی جە مېیانو کەلتووری نازم حیکمەتینە ملۊڕاوە.
بە دیمەن
ئەندامو شاندو ئیمراڵیی پارتو یەکسانی و دیموکراسیی گەلا (دەم پارتی) و یاگەگیرو سەرۆکو پەرلەمانی سری سورەیا ئۆندەر چا خەسەخانەنە کە چنەشەنە چارەسەر هۊرگێرۍ، کۆچی دماینش کەرد.
چڼین کەسۍ ڕووەشا کەرڎە خەسەخانەو فلۆرەنس ناینتینگەیلی کە ئۆندەرش ئینا چنە.
خەسەخانە پەڕبیەن جە مېمانا. یاگەگیرو سەرۆک شارەوانی ئیستەنبوڵی نوری ئاسڵان، سەرۆکو پارتو گەلەجەکی ئەحمەد داود ئۆغلو، یاگەگیرو سەرۆک کۆماری جەودەت یەڵماز، پارێزنەرو ئیستەنبوڵی داود گول، هامسەرۆکو دەم پارتی تونجەر باقرخان و پەرلەمانتاراو دەم پارتی و چڼین کەسۍ بەرەو خەسەخانە کۊتۍ ڕا.
پرسەو سەرەوەشی سەعات ١٩:٠٠ جە مېیانو کەلتووری نازم حیکمەتینە جە شیشلی ملۊڕاوە.
