گەنجا چالاکی ئی حەفتەو جنێڤیشا ئەنجامدا
گەنجا چالاکی ئی حەفتەو ۋەروودەم و نەتەوەیۊگێرتەکاشا جە جنێڤەنە ئەنجامدا، ئەرەیاۋناشا، هەڵمەتەو "ئازاڎیی پۍ ئۆجالانی، چارەسەری پۍ پرسوو کوردی"جە ئەساسەنە بانگەوازوو فراوانکەردەی مدرامانیا پۍ گەنجاو کوردی.
چالاکی ئەرەنیشتەی ۋەروودەم و نوێنەرایەتی نەتەوە یۊگێرتەکانە جە جنێڤوو پایتەخت و سویسراینەکە جە ٢٥/١/ ٢٠٢١یوە گرڎ ڕووانۍ چوارشەممەی پەی ئازاڎیی جەسڎەیی رابەروو گەلوو کوردی عەبدوڵا ئۆجالانی ئەنجام مڎریۆ، بەردەواما.
چی حەفتەنە ئەنداماو تەجەشەی (جمیەروو گەنجاو شۆڕشگێڵنی) و تێکۆژنی (ژەناو گەنجی کۊششکاری) چالاکی ۋەروودەم و نوێنەرایەتی نەتەوە یۊگێرتەکاشا ئەنجامدا.
جە چالاکیەکەنە گەنجا پۍ رێزگێرتەی جە یاڎوو گەریلاکا هەپەگەی ساسۆن ئاسمین (موراد ئۆچەک)ی و ژێهات باگۆک (محەمەد گوموش)ی کە جە چالاکیەکەو مێڎانوو مدرامانوو کەش و هەکارینە گەشمەرڎۍ بیۍ، دەیەقێوە بە بێدەنگی مردۍ.
رەمەزان ئامەد چالاک و تەجەشەی ئەرەیاۋناش، کە گەریلا خاوەنداریشا جە مدرامانوو رابەروو گەلوو کوردی عەبدوڵا ئۆجالانی جە ئیمراڵینە کەردەن و داواش کەردە خاوەنداری جە هەڵمەتەو ئازاڎیی پۍ عەبدوڵا ئۆجالانی کریۆ.
ڕەمەزان ئامەد واتش، هەڵمەتەو "ئازاڎیی پۍ ئۆجالانی، چارەسەری پۍ پرسوو کوردی"کە جە تەرەفوو دۆسا کوردیوە جە ١٠/١٠/ ٢٠٢٣ ێوە دەسشپنەکریان، جە بنەڕەتەنە بانگەوازوو گەورەتەر کەردەی مدرامانیا پۍ گەنجاو کوردی. جمیەروو ئازاڎیی کوردی سەروو ئا بنەمایۍ ئەرەمەرزیان و دروشمەو رابەر ئاپۆی "ئێمە بە گەنجی دەسما پنەکەرد، بە گەنجی سەرۍ گنمۍ' پۍ ۋێما بە بنەما گێرمۍ. پێسە گەنجێوە کوردی وەعدوو گوڕدای بە مدرامانی ئەرەیاۋنمۍ".
