گەنجاو ڕحای نامەشا پۍ ڕابەروو گەلوو کوردی کیاست
مەجلیسوو گەنجاو دەم پارتی جە ڕحا نامەشا پۍ ڕابەروو گەلوو کوردی عەبدوڵا ئۆجالانی کیاست، کە ٣٥ مانگێن ئینا گۆشەگیریێوە قورسەنە و حیچ زانیاریێوەش جە بارۆ مەزانیۆ.
مەجلیسوو گەنجاو پارتوو یەکسانی و دیموکراسی گەلا (دەم پارتی) جە چوارچێوەو هەڵمەتەو "١٠٠٠ نامانە پۍ ئیمراڵی" نامەشا پۍ ڕابەروو گەلوو کوردی عەبدوڵا ئۆجالانی کیاست.
دلۍ گەنجەکانە موحسین ئایدۆگدۆ سەرنجش وست سەروو گۆشەگیری ڕابەروو گەلوو کوردی عەبدوڵا ئۆجالانی و واتش: "بەمەڵامەتوو سیاسەتوو گۆشەگیری سەروو بەڕێز عەبدوڵا ئۆجالانیوە، گەلاو کوردسانی و تورکیای مەتاوا هەناسە بڎا. دمایی ئاردەی بە گۆشەگیری و مسۆگەرکەردەی ئازاڎیی جەسڎەیی بەڕێز ئۆجالانی پۍ گرڎوو گەلا ژیۋگەی ئاشتی و ئارامی چەسپنۆ".
جەدرێژەو قسەکاشەنە واتش: "پۊکەی چارەسەری پرسوو کوردی بەڕێوە دیموکراتیک و مسۆگەرکەردەی ئازاڎیی جەسڎەیی بەڕێز ئۆجالانی چێوێوە ژیۋاییا. بەمەڵامەتوو نەبیەو زانیاری سەروو بەڕێز ئۆجالانی، ئێمە نامۍ کیانمۍ پۍ ئیمراڵی. پێسە بەڕێز ئۆجالان واچۍ "مەبۆ گەنجا هیوا و چەمەڕاییەکا پووچۍ کەراوە".
