دەسوەڵۍ وستەی گەنجاو عەرەبی جە شەنگال جە بارەو مژارەکەیۊ کۆنفڕانسێوە ڕۊنامەوانیش سازکەرڎ و چنەشەنە ئەرەیاۋنېوەش جە لایەنوو ئەنڎامەو دەسوەڵۍ وستەکەی ئەمیرە حەمەدېوە ۋەناوە.

ئەمیرە باسش چانەی کەرڎ کە ڕابەروو گەلوو کورڎی عەبدوڵا ئۆجالان جە هەمان وەختەنە رابەروو گەلان و واتش، "رابەر ئۆجالان ڕاو ئازاڎیی و دیموکراسی نیشانە مڎۊ و ئیراڎەی ژیۋای ئازاڎیی بەقوەت کەرۊ".

جە ئەرەیاۋناکەینە ئامان کە دلۍ جەنگی ئەتنیکی، ئایینی و مەزهەبینە ڕابەر عەبدوڵا ئۆجالان کولتوروو پېوەرە ژیۋای گەلی و ئایینەکاش خوڵقنا و ئانەیچ ئامان، "ڕابەر ئۆجالان پەی پارېزنای کولتوری و ئایینە قەڎیمیەکا ۋەرکەوتوو میامینی ڕاو ۋۍ بەڕېکوستەی و ۋۍ پارېزنایش نیشانەدان".

ئەمیرە داواش جە حکومەتوو عێراقی کەرڎ کە ۋېڕاوەبەری شەنگالی بە ڕسمی بشناسۊ و دەسنیشانش کەرڎ کە پەی ئانەی کۊشش کەرا.

جە ئەرەیاۋناکەینە ئامان کە بە شێۋېوە چالاکانە بەشڎاری جە هەڵمەتەکېنە کەرا و ئانەیچ ئامان، "ئانەی متاوۊ ۋەر بە سیاسەتوو جەنگی گېرۊ و ڕاو ئازاڎیی پۍ گەلا کەرۊوە ڕابەر عەبدوڵا ئۆجالانا. ئازاڎیی ڕابەر ئۆجالانی بۊ بە سەرەتاو قۆناغێوە تازەی جە ۋەرکەوتوو میامینینە. ۋەروو ئانەی هێزە دەسەڵاڎدارەکۍ گەرەکشا نیا دەنگوو رابەر ئۆجالانی بیاوۆ بە گەلی و گۆشەگیری تنش سەرەرە سەپنا. حەر چی روۊ ئازاڎیی ڕابەر ئۆجالانی بە ئازاڎیی گەلا منریۊرە".