جە ١١ی شوباتوو ٢٠٢٤ ینە دەوڵەتوو ئەرەگیروو تورکی بە فڕۆکەی بێ فڕۆکەوانی هجومش کەرد سەرو فیدراسیۆنوو کەمئەنداما جەنگی، جە ئاکاموو ئا هجوومانە فەرماندار سۆرخوێن ڕۆژهات و ئازادی دێرک گەش مەردی بیۍ.

ئەندامو جەمەو سوارا ئازاڎیی کەمئەنداما کۆبانێ عەبدولقادر رەمی، پەیوەس بە هجوومە ئەرەگیریەکا دەوڵەتوو ئەرەگیروو تورکی پۍ ئاژانسوو هەواڵوو فورات (ANF)ی قسێش کەردۍ.

عەبدولقادر جە سەرەتاو قسەکاشەنە ئاماژەش پانەی کەرد مانگەوو شوباتی پۍ کورد و مرۆڤایەتی مانگێوە سیاوەنە و واتش: "١٥ی شوباتی جە تاریخوو کوردی و مرۆڤایەتیەنە ڕوێوە سیاوا، جەکەسایەتی ڕابەر ئاپۆینە پلان گیڵنای جە دژوو گەلوو کوردی دەسش پنە کەرد و تا ئارۆیچ ئا پلان گیڵنایە بە هجوومە ئەرەگیریەکا  بەردەواما".

رەمی ئاماژەش پانەی کەرد کەمئەنداما جەنگی کە جەدژوو تیرۆروو سەروو ڕۆحوو جەهانی، مدرامانشا کەرد، ئارۆیچ ئینۍ ئامانجو دەوڵەتوو تورکی فاشیستینە و واتش: "جە هجووموو دەوڵەتوو فاشیستوو تورکینە پۍ سەروو فیدراسیۆنوو کەمئەنداماجەنگی، هەردووە هامڕاما سۆرخوێن و ئازادی گەش مەرڎۍ بیۍ . دەوڵەتووتورکی تەرسۆ جە هێزوو گەلی و هێزوو کەمئەنداما  جەنگی کەبەشێ جە جەسڎەیشا کەردشا قوربانی ئازاڎیی .

هامڕا سۆرخوێن جە جەنگوو کۆبانیەنە مدرامانی  ئەفسانەییش کەرد، رۆحوو سۆرخوێنی جەگرڎ یانیوەنە زینڎەن. گرڎ وەختۍ جە ڕۊحمانە زینڎەنەن. هەتا ژیۋمۍ، سەروو ڕاو کۊشیای سورخوێنی و ئازادی ڕا کەرمۍ.

عەبدولقادر پی جۊرە دمایش بەقسەکاش ئارد: "سەروو دەسوو دەوڵەتوو تورکی تیرۆری دڕنڎانە ئەرەمەرزیا. بەڵام مدرامانوو هامڕاکاما ئا تیرۆرشە پوچ کەردۆ. پۆکەی دەوڵەتوو تورکی پی هجووماشە قەرەبوو شکسەکاش کەرۆوە. بەڵام تا ئاخروو ژیۋای جە دژوو ئەرەگیری دەوڵەتوو تورکی  ئاماڎێنمۍ ".