تامێ فشارو گۆشەگیری سەرو ڕابەر ئاپۆی بەردەوام کەرۆ، زیاتەر جە٢ۍ ساڵان هیچ جۆرە ئاگاییەوە سەرو ژیان و تەندروستی ڕابەر ئاپۆی نیا، ئینەیج تەمام و ئازادی وازو گلیرگەو کوردیش نیگەران کەردەن. پەی ماڕاو گۆشەگیرکەردەو ڕابەر ئاپۆی زیاتەر جە ٧٤ وڵاتینە کارو چالاکی وەڕاوە بریۆ، هەر جە وڵاتا ئەمرکای لاتینیۆ گیرە تا بە ئوستورالیا و ئەمریکا و کەنەدا و ئەفریقا و وڵاتە ئەسکەندەنافیەکی و ئەوروپا و گلیرگەو کوردی جە سەرنشین و پانیشت و وەر نشینو کورسانی. سیاسەتوو فاشیانە و ڕژیم و تورکی جە وەرانوەر و ماف و ڕابەر ئاپۆیۆ، تەمام و پیوان و یاسا میان نەتەوەیەکیش ۋیەرنېنۍ.

زیاتەر جە ٢٥ ساڵان ڕێبەر ئاپۆ جە زیندان و دورگەو ئیمڕاڵینە وزیان چێرو چەمڎاری و گوشەگیرێوە فرە سەختی، بە جۆرێ ڕژیم و تورکی تەمام و ئا یاسایا کە پیسەو جاڕنامەو ماڤەکا مرۆڤی، ئیمزاش کەردینۍ تا بۆ بە ئەنڎام جە یۊبیەی ئەوروپاینە، وەرانوەرو پرس و ڕابەر ئاپۆی وستینېش چێرپا. ڕەوشو ڕابەر ئاپۆی ئانەش نیشانە بە ڕاو گرڎینی دان کە سیاسەت و دەوڵەت و فاشیست و تورکی بە هامکاری سیسەم و سەرمایەداری وەڕاوە بریۆ. بەشداری کەردەو زیاتەر جە ٣٦ دەوڵەتا جە دەسگیرکەردەو ڕابەر ئاپۊینە ئینەش پەشڕاس کەردەنۆ، کە پرس و ڕابەر ئاپۆی پرسێوە هەرېمی نیەن جە بەین و فاشیزمی و تورکی و مدرامان و گلیرگەو کوردییەنە، ئینەی کە پرسێوە جەهانیا. دوونیاۋینی فەلسەفەو ڕابەر ئاپۆی جە ئاواکەرڎەو ژیانێوە هەرەوزی و ئیکۆلۆژی و ئازاڎیی ژەنۍ و برایەتی گەلا تەرسیش وزتەن دڵ و سیسەمە جیهانییەکەی، پا جۆرەی سیسەمی سەرمایەداری تەمام و توانا و وزەو وېش پەی جە بەین بەردەو ئاخیز و کورڎی وستەن وەردەس و دەوڵەت و ئەرەگیرو تورکی. ئارۆنە ڕەوش و ڕابەر ئاپۆی هەر گلیرگەو شۆڕشگێڵنێوەش پۆ ویشۆ ئەرکدارکەردەن جە تەمام و دونێنە. ڕوانە سەڎان هەرمانەو چالاکیۍ پەی ئازاڎیی جەستەیی ڕابەر ئاپۆی وەڕاوەبریا، سەڎان وتارۍ و ئەوەکۊڵیای سەرو دنیاۋینیش کریا. ئارۆنە بەشێوە وەرچەم جە فەیلەسوفەکا دنیۍ و وەر نشینی بە شیوازێوە ئاخیزانە پاڵپەشتی ویشا پەی مدرامان و ڕابەر ئاپۆی مارانۍ زۋان جە دیارتەرین ئا فەیلەسوفا سڵاڤۆ ژیژەک و چۆمسکینۍ کە سەرمەشقی ئی ڕاسینەو

ڕابەر ئاپۆی کەرا. هەرچی گلیرگەو وەر نیشت و کوردسانیچا سەرەڕاو بەردەوامی بۆردوومان و

ئەرەگیریەکا فاشیست و ئاکەپە و مەهەپەی، کە ئاژەو ژیوایش قورسکەردەن بەڵام بە ڕؤحیەتێوە ئاخیزانۆ بەردەوامېنۍ جە خۊتانکەرڎەی جە ڕابەر ئاپۆی.