گەشمەرڎۍ بێریتانە نامێوە پرشنگدارە و وەڵینگێوە پەڕ جە مدرامانی. ژەنێوە ڕەنجدەرەو گیانبازێوە بەسەلیقۍ. هەڤاڵ بیریتانە مەشخەڵێوە پەی ڕۆشنکەردەیۆ فکرو هۆشو ئازاڎیی ژەناو گلېرگەی. گەشمەرڎۍ بیریتانە سومبلەو مدرامانی و کۆڵنەڎای جە وەرانوەرو خەتەو خییانەتینە. ٣٠ساڵی چێوەڵتەر دەسی سیاوو خیانەتو دلېینەی گەشمەرڎۍ بیریتانەش ڕوو وە ڕوو چارەنوسێکەردۆ؛ کە جە میامینو مەرگێوەواتاداری و ویدایدەسیوە ژیواێ نەمری هۊربژارۆنە و بۆ بە بەشێوە جە ئاخیزو پەڕ جە فەخروو وەڵینگەی و گلیرگەکیش. ٤٠ساڵۍ دماو کۆکوژیەکەو دەرسیمی و جە ساڵەو ١٩٧٠ینە، بنەیانەو گوڵنازۍ شارو دەرسیمی بەیەکجاری جیامازاو ڕووەکەرا شارو چەولیکی و هەر جاساڵەنە کناچێوە چەم سیاوەی زەریفە

بۆ بە چراوەو بنەیانەکەیشا و نامیش منیا گوڵنازە.

گوڵناز کاراتاش-ە ئشناسێی بە هەڤاڵ بیریتانە، خەڵکو شارو دەرسیمینە جە سەرنیشت و کوردسانی، ئا شارەی کە بە دڕندەترین شێوە خەڵکەکەش جەلایەن و دەوڵەتو ئەرەگیرو تورکییەیۆ کۆمەڵکوژ کریا. ئی زامە جە دڵو مەخزوو مەژگ و خەیاڵو ئی کناچە کوردېنە مەنۆوە و تا بۆ بە مەڵامەتو ئانەی کە نەفرەتو ڕۆح و تۆڵەئەسایۊ جە دوژمنی بسانۆوە. وەشەویسی خاکو کولتوور و کوردەواری جە دڵو مەخزوو گەشمەرڎە بیریتانینە فراوان بۆنە. وەنای سەرەتای و ناوەنڎی و دما ناوەنڎیچ جە خارپیتەنە تەمامنان وجە ساڵەو ١٩٨٩ی جە بەشو زانستە ئابووریەکا زانشتگەو ئەستەنبوڵینە دەس بە وەنای کەرۊ. چېکۊ هەڤاڵ بیریتانە

ئاشنێبۆ بە ڕێکوزیایەکا و چنی وەنەرە وڵات پاریزەکا ڕۆحیەت و مدرامانی دژو سیاسەتو

فاشیستانەو دەوڵەتی و وېڕاوەبەرا و پەی یوۋەمینجاری هەڤاڵ بیریتانە ئەزموون جە ژیواو زینڎانی کەرۆ پەی ماوێوە. جە دماو ئازاڎ بییەیش جە ٩و ئایار و ١٩٩١ی بە باوڕیێوە پاکۆ ڕووەکەرۆ دونیاو ئاخیزو کۊشیای و جە کەش و جودینە بەشدارەو دلۍ ڕیزەکا گەریلای بۆ و ئشناسنامەو بیریتانۍ پەی ویش هۊرگیرۆ.

گەشمەرڎە بیریتانە جە ساڵەو ١٩٩٢ېنە ڕووە کەرۆ کەش و خواکوڕکی و بە ویستو ویش بەشداریکەرۆ چا جەنگەنە کە چەمساخی بنەیانەو بارزانی هەر جە حەفتانینۆ تا خواکورک جە سنوور و وەرکەوتوو کوردسانی درېژبییەبیوە چنی دەوڵەتو ئەرەگیرو تورکی؛ چی جەنگەنە هەڤاڵ بیریتانە مدرامانێ پۆڵاین نیشانەمرۆنەو بۆنە بە سومبولەو قارەمانی. جە ٢٥و تشرینو یوۋەم و هەمان ساڵۍ جەنگەکە تەمام فراوانبۆ، هەڤاڵ بیریتانەو پۆلێ جە هەڤاڵاش جە تەرەفوو دوژمنی و نۆکەراوە تەوقە دریا، بە مدرامانێوە گەورە ئا تەوقۍ ماڕا و هەڤاڵ بیریتانە زامڎارە بۊ؛ سەرەڕاو سەختی زامەکەیش بەردەوامەبۆ جە مدرامانی تا دما گولۍ. پاڵو تاشێوەنە هەڤاڵ بیریتانە جارێوەتەر جە لاو نۆکەراوە تەوقە دریۊوە و داواش چەنەکەرا کە ویش دۆدەسۆ، بەڵام ‌زیهن و هەڤاڵ بیریتانۍ چوونکە ئاشناو ۋۍ دایدەسۆی و مەڕیای نییا ویش میاونۊ سەروو تاشە تەوەنەکۍ و بە واتەیۆ دروشمەو بژیوۆ ڕابەر ئاپۆ ویش فڕەمرۆرە واری و ئیتر پەی هەمیشەی بۆ بە هەسارێوە پرشنگدارە جە ئاسمانو کوردسانینەو نامېش مەنۆوە و بۆ بە ئېشێوە پەی ئا نۆکەرا کە شایەتحاڵۍ ئی داستانە نەمرییەو گەشمەردە بیریتانۍ. پۆلێ چا پیشمەرگە نۆکەرا کە هەڤاڵ بیریتانۍ ڕووەڕوو ئی چارەنوویسەیەکەراوە کە ملا سەرو جەنازەکەیش ئارەقو خەچاڵەتی بەرمراو هەرچاگەنە قەرار مڎا کە تفەنگەکاشا بنیارەو واز بارا. ئی داستانەو بیریتانۍ یوۋەمین داستان و گیانبازی ژەنېن جە دلۍ مدرامان و گەریلاینە.

ئینەیچ بی بایس و ئانەی کە ڕێکوزیاێ تایبەت بە ژەنا بە نامۍ یەژاستاری پیسەو وەفێوە پەی

گەشمەردەبیەو بیریتانۍ مەزیۆرە.

جەبارەو کەسایەتی بیریتانێوە ڕابەر ئاپۆ ماچۆ: بیریتانە پەی ئیمە، بانگەوازیێوەن، بیریتانە ژیۋایېنە پەیما، ئەشق و کەسایەتیێوە پەڕ جە سەروەریەنە پەیما، مشۊم تەرزەو ژیوایش کەرمی نموونەو ژیوایێ ئازاڎیی و مدرامانی، تا ئاڕوەی کە ژیانێوە ئازاڎ مارمی دی و درېژە بە ڕێبازەکەیش مڎەیمۍ.