شارو ئیفلینە جە سوید گەشمەرڏێ تشرینی یاڏکریێوە. یاڏکەردەکەی جە لایەنو ئەنجوومەنو گەلوو ئیفلینە ڕێکوزیا و بە سڵامکەردەی هامسەرۆکو ئەنجوومەنوو ژین حاجۆ دەسش پنەکەرد. دماتەر پەی ڕێزگێرتەی جە گەشمەرڏا ئازادی کوردەسانی دەقێوە ڕێزگیریا. ژین حاجۆوە داواش جە کوردا دیساپۆرای کەرد و وەڵێ پڕۆسەکەینە ئەرکو وێشا جابەجێ بکەرا.

چالاکییەکەنە قۆمێ گەشمەرڏا قسێشا کەردێ. ئاماژەشا پانەیەدا کە گەشمەرڏەکێ گەشمەرڏێ تەمامو گەلوو کوردینێ و قەولشا دا شۆنکەوتێ گەشمەرڏا  با.

ڤەجدین باتە بە نامێ بنەیانەو گەشمەرڏاوە قسێش کەردە و ئاماژەش پانەیە کەرد کە گەشمەرڏێ بە گیانو وێشا کوردەسانشا بنیادنیا و حەقیقەتو گەلوو مڏرامانی ئیسە ئینا وەرنیشتەنە،

هامسەرۆکو کۆنگرەو گەلی ڕەمزی کارتاڵ واتش: "جە کەسێتی ئەنداموو ئەنجوومەنی گرڏی پەیەدەی حاجۆ حەیدەر و هونەرمەند تاتەو تەیارینە گرڏو گەشمەرڏەکاما بە شکۆوە یاڏکەرمێوە". کارتاڵ باسش جە پڕۆسەکەی کەرد و ئەرەیاوناش کورد سەرو پەیا وێش مردان و مڏرامان مکەرۆ جە تەمامو وەرکەوتوو مییامینی نییەن بە نمونە و هیوا. کارتاڵ سەرو پڕۆسەو تورکیای واتش: "دۆڵەتو تورکی نە گەرەکشا کێشەو کوردی چارەسەر بکەرۆ، نە دەس جە دووژمنایەتی کوردیش هورگێرۆنە. جە ئەنجامو ئەوەکۆشای گەلو کوردی و ڕووەدێ مییانەتەوەییەکا ڕووەشا جە ڕابەر ئاپۆی کەردێنە. پەی کوردا ئەوەکۆشای دمایش نامان، تەنیا ڕەنگش فاڕیان".

ڕەمەزی کارتاڵ جە دما دماو قسەکاشەنە جواب و پرسیارەکا سەبارەت بە دیدارەکێ ڕابەر ئاپۆی و دۆخو وەرنیشتی، سووریا تازەیش داوە.